Эцэг эхчүүд хүүхдүүддээ цаг үргэлж “галаар тоглож болохгүй шүү” гэж онцгойлон сануулсаар ирсэн. Энэ сэрэмжлүүлэг нь тэр хүүхдүүдийн хөгжилтэй тоглоомд саад хийхийн тулд биш харин тэр хүүхдүүдийг аймшигтай аюулаас хамгаалахын тулд байдаг гэдгийг бид сайн мэднэ. Тэгвэл насанд хүрсэн бидэнд ч бас үүнтэй төстэй сэрэмжлүүлэг хэрэгтэй болдог. Өнөөдөр Др.Стэнли бидэнд бэлгийн харилцаа, сексийн уруу татлагад орж садар самуунтай холбогдох нь “галаар тоглохтой адилхан” гэдгийг чухалчлан сануулж байна.

Сексийн уруу татлагад дахин дахин бүдрэх нь тухайн хүний амьдралд маш аюултай урхийг бий болгодог. Хэдийгээр тэр хүн тэр үйлдлээ зүгээр нэг зугаа цэнгэл, зүгээр нэг энгийн зүйл, үүнээс хүссэн үедээ больж чадна гэж бодож байж болох ч үнэндээ тэр хүн маш хүчтэй хүсэл тачаалын боол болон хүлэгдсэн байдаг. Өнөөдөр Др.Стэнли бидэнд сексийн уруу татлага нь ямар аюултай зүйл болохыг Шүүгчид номон дээрээс жишээ татан тайлбарлаж өгөх болно. Хэдийгээр Самсоны хүч чадалтай эгнэх хүн дэлхий дээр байгаагүй ч хүсэл тачаалынхаа боол болсон түүнийг дайснууд нь амархан дарж авсан юм. Өнөөдөр та ийм алдааг битгий давтаарай.

Бид бүгд гэм нүглийн уруу татлагад орно гэдэг нь гэм нүгэл бишээ. Харин бид тэрхүү гэм нүглийн уруу татлагад ямар хариу үйлдэл үзүүлэхээс шалтгаалаад бид гэм нүгэл үйлдэх эсэх нь хамаардаг. Тэгвэл гэм нүглийн уруу татлагад та ямар хариу үйлдэл үзүүлдэг вэ? Өнөөдөр бид Хуучин гэрээний Иосефийн амьдралаас суралцах болно. Түүнийг ёс бус сексийн харилцаанд дахин дахин уруу татаж, өдөөн хатгаж байсан ч тэр тухай бүрт нь маш зөв хариу үйлдэл үзүүлж байсан. Тиймээс хамтдаа түүний үлгэр жишээнээс суралцацгаая.

Сатан биднийг уруу татах үедээ хамгийн түрүүнд бидний анхаарлыг Бурхан дээр биш харин бидний хэрэгцээ, бидний хүсэл дээр төвлөрүүлэхийг хичээдэг. Харин бидний оюун бодол Бурхан дээр төвлөрсөн байгаа тэр цагт бид дайсны дайралтыг амжилттай няцааж чадна. Өнөөдөр Др.Стэнли бидэнд Иосефийн амьдралд тохиолдсон үйл явдлаас сэдэвлэн “Чухал асуулт” гэсэн сэдвээр хичээл заах болно. Энэ чухал сэдвээр суралцахын тулд бид Эхлэл 39-р бүлэг рүү очих ёстой болж байна. Таны амьдралд тохиолдож байгаа уруу татлага сорилт бүр ямар ч талбар дээр тохиолдож байж болно гэхдээ түүнээс үл шалтгаалаад Библийн зарчим ямагт хэрэгждэг юм шүү.

Бидний хувьд өөрийнхөө дотроос төрж буй Сатан уруу татлагыг ялан дийлэхэд маш хэцүү байдаг. Гэтэл хэн нэгэн хүн дэргэдээс биднийг маш хүчтэйгээр уруу татаж ятгаж эхлэх үед байдал бүр ч хэцүү болж ирдэг. Харин Библи бидэнд хэлэхдээ биднийг бусдыг уруу татан бүдрүүлдэг хүн байж болохгүй гэдгийг дахин дахин хатуу сануулсан байдаг. Ингээд хамтдаа Чарльз Стэнлийн ярианд анхаарлаа хандуулцгаая.

УРУУ ТАТЛАГААС ӨӨРСДИЙГӨӨ ХАМГААЛАХ НЬ – 1 хэсэг by Itgelradio

УРУУ ТАТЛАГААС ӨӨРСДИЙГӨӨ ХАМГААЛАХ НЬ – 2 хэсэг by Itgelradio

УРУУ ТАТЛАГААС ӨӨРСДИЙГӨӨ ХАМГААЛАХ НЬ – 3 хэсэг by Itgelradio

УРУУ ТАТЛАГААС ӨӨРСДИЙГӨӨ ХАМГААЛАХ НЬ – 4 хэсэг by Itgelradio

УРУУ ТАТЛАГААС ӨӨРСДИЙГӨӨ ХАМГААЛАХ НЬ – 5 хэсэг by Itgelradio