ITGELRADIO

Бурханы Еврей нэрнүүд нь Бурханы төгс чанаруудыг гайхамшигтайгаар илэрхийлсэн нэрс байдаг. Тэгвэл Бурханы нэрс чухам яагаад тийм гайхамшигтай байдаг тухай бид тэр бүр боддоггүй шүү дээ. Тэгвэл итгэгч бид Бурхан Эцэгээ хэрхэн харж байна гэдэг нь өөрөө амин чухал асуудал болохыг Др.Стэнли бидэнд сануулах болно. 

Бурханыг хэрхэн харж байгаа хараа маань бидний Бурхантай харилцах харилцаанд нөлөөлж байдаг. Тийм учраас Бурханы тухай Библи дээрх илчлэлтүүдийг ойлгож ухаарч авах нь бидний хувьд маш чухал байдаг. Тиймээс энэ цагт бидний залбирдаг, бидний үйлчилдэг тэр Бурхан чухам хэн болохыг хамтдаа сурч авцгаая.

Бидний хийж байгаа бүх зүйлсийг Бурхан мэдэж байдаг. Бидний хаана байгааг, хэнтэй хамт байгааг, юу хийж байгааг гээд Бурхан бүхнийг мэддэг. Бидний Тэнгэрлэг Эцэг бидний амьдралын хором мөч бүрийг анхааралтай ажиглаж байдаг гэдгийг ойлгох үедээ бид хэзээ ч ганцаардахгүй гэдгээ ухаардаг. 

    Харамсалтай нь маш олон итгэгчид өөрсдийнхөө үйлчилдэг, итгэдэг Бурханыхаа талаар маш бага мэдлэгтэй байдаг. Тиймээс тэдний ихэнх нь амьдралдаа үүрэх шаардлагагүй стресс дарамт, санаа зовнилыг тээн амьдардаг. 

    Өнөөдөр Др.Стэнли бидний дотор байдаг тэр бүх санаа зовнилыг тайвшруулах үгсийг бидэнд дамжуулах болно. Ингэхдээ бидний залбирдаг Бурхан чухамдаа хэн болохыг бидэнд тайлбарлан таниулах болно.

Бидний амьдралд хүнд хэцүү асуудал тулгарах үед бид ихэвчлэн өөрсдөө шийдэх гэж чармайн зүтгэдэг. Бид өөрсдийнхөө өмнө тулгарсан асуудлыг шийдвэрлэх янз бүрийн арга замыг эрж хайдаг. Хэдийгээр бид ихэнх асуудлаа энэ мэтчилэн өөрсдөө шийдэж чадах боловч гэм нүглийн асуудлыг шийдэх арга бидэнд байхгүй юм. Гэм нүглээс болоод хүн болон Бурханы хооронд үүссэн ангалыг хүний ямар ч хичээл зүтгэл холбож чадахгүй. Гэхдээ Голготын толгод дээр босгосон модон загалмай дээр Бурханы шударга ёс гүйцэлдэж, хүн төрөлхтний гэм нүглийн бүх төлөөс төлөгдсөн юм.

Энэ цагт Др.Стэнли бидэнд Бурханы “нигүүлсэл” бол бидэнд Бурханаас өгч буй “Хоёр дахь боломж” болохыг тайлбарлаж өгөх болно.

Итгэгч хүмүүс “Гайхамшигт хайр” гэдэг дууг дуулах маш дуртай байдаг. Тэгвэл тэр хайрын юу нь тийм гайхамшигтай юм бэ? Энэ хайр бидний гэм нүглийг бүхэлд нь уучилсан учраас гайхамшигтай юм. Тэгвэл өнөөдөр энэ цагт Др.Стэнли бидэнтэй Бурханы хайр, Түүний нигүүлслийн талаар хуваалцах болно. Өнөөдрийн сэдэв бол “Нигүүлсэл: Бурханаас бидэнд өгсөн хоёр дахь боломж” гэсэн сэдэв байна.  

Тэгвэл Бурхан бидэнд ямар боломжийг өгдөг юм бэ? гэж та бодож байж болох юм. Бурхан бидэнд ялалтаар дүүрэн амьдралаар амьдрах боломжийг өгдөг. Ингээд хамтдаа Др.Стэнлийн ярианд анхаарлаа хандуулцгаая.

“Бурхан таныг мөнхийн улсдаа оруулах ямар баталгаа танд байна вэ?” гэж асуувал олон хүмүүс “Би сайн хүн учраас”, “Би ядууст тусалдаг учраас”, “Би буян үйлддэг учраас” гэх мэтээр хариулах байх. 

    Тэгвэл энэ цагт Др.Стэнли бидэнд нэгэн чухал зүйлийг сануулж байна. “Бид зөвхөн нигүүлсэлээр аврагдсан” гэдгийг Др.Стэнли бидэнд сануулж байна. Нигүүлсэл гэдэг бол бидний хүртэх зохисгүй ивээл ерөөл юм. Бурханы нигүүлсэлийг бид сайн үйлсээр сольж авах боломжгүй гэдгийг бид үргэлж санах ёстой.

Аврал бол Бурханаас бидэнд өгсөн бэлэг юм. Бидний хувьд энэхүү бэлгийг зүгээр л хүлээж авахад л хангалттай юм. Харин харамсалтай нь олон хүмүүс энэхүү бэлгийг хүлээн авахын оронд өөрсдийнхөө үйлсээр энэхүү авралыг олж авахыг хичээдэг. Бидний зүрх сэтгэлийн гүнд Бурханы авралыг өөрийнхөө хүчээр олж авах гэсэн хүсэл нуугдаж байдаг. Гэтэл үнэндээ бидний энэ хандлага бидний Бурхантай харилцах харилцааг улам бүр сэвтүүлэхээс цаашгүй байдаг.

    Бидний ямар ч үйлс Бурханы авралыг олж авахад хангалтгүй юм. Нөгөөтэйгүүр хэрвээ Бурхан бидэнд Өөрийн авралыг өгч, бид түүнийг нь итгэлээр хүлээн авсан бол бидний ямар ч үйлс энэ авралыг хүчингүй болгож чадахгүй. Тэгвэл бид сайныг үйлдэж амьдрах хэрэггүй гэсэн үг үү? Мэдээж үгүй. Энэ цагт Др.Стэнли бидэнд бидний сайн үйлс бидний амьдралд хэрхэн нөлөөлдөг болохыг тайлбарлан хэлж өгөх болно.

Зарим хүмүүс Бурханы нигүүлслийг гэм нүгэл үйлдэх зөвшөөрөл мэтээр хардаг. Гэтэл гэм нүгэл нь өөрөө Бурханы зөвт ариун чанарын эсрэг үйлдэл гэдгийг тэд тэр бүр ухамсарладаггүй.

“Би ямар ч гэм нүгэл хийсэн байсан гэмшээд л болно биз дээ?” гэж зарим итгэгчид маргадаг. Үнэндээ итгэгчдийн дотор ийм хандлага байх юм бол энэ нь Бурханы нигүүлслийг үл тоож байгаа хэрэг юм.

Энэ амьдралдаа бидний хэн нь ч хэзээ ч гэм зэмгүй төгс болж чадахгүй. Гэхдээ гэм нүгэлд хандах бидний хандлага зөв байх ёстой. Бид Бурханы нигүүлслийг зөвөөр харж, зөвөөр ойлгох юм бол энэ нь биднийг гэм нүгэл үйлдэхэд биш харин ч Бурханы өмнө ариунаар амьдрахад хөтлөх болно.

Шинэ гэрээн дээр Эзэн Есүс татвар хураагчид, уяман өвчтөнүүд, биеэ үнэлэгчид гээд дандаа нийгмээс гадуурхагдсан хүмүүстэй нөхөрлөж байсан. Яагаад гэвэл Есүс тэднийг хайрлаж, тэднийг нөхцөл болзолгүйгээр хүлээн авч байсан.

Өнөөөдөр Др.Стэнли бидэнд Есүс Христ бол Бурхан Эцэгийн төгс дүр зураг гэдгийг тайлбарлаж өгөх болно. Есүс Христ энэ дэлхий дээр амьдарч байх үедээ бүх хүмүүсийг ялгалгүйгээр хүлээн авдаг байсан шиг өнөөдөр ч Бурхан биднийг тийнхүү нөхцөл болзолгүйгээр хүлээн авдаг.

Итгэгч бид гэм нүгэл үйлдэхэд ч Бурхан биднийг хүлээж авдаг. Энэ бол Бурханы нигүүлсэл юм. Ингээд хамтдаа “Нигүүлсэл ба гэм нүгэл” гэсэн сэдвээр үргэлжлүүлэн сурцгаая.

Есүс Христэд итгэж Бурханы гэр бүлийн гишүүн болсон хүмүүс бидний хувьд Бурханд талархаад талархаад баршгүй юм. Бурхан биднийг нөхцөл болзолгүйгээр хүлээн авч, биднийг нөхцөл болзолгүйгээр хайрладаг. Бид Бурханы Аавын хайр энэрлийг тэр бүр мэдэрдэггүй. Гэхдээ мэдрэмж гэдэг хэзээ ч Бурхантай холбогдсон бидний мөнхийн харилцааг илэрхийлж чадахгүй. Бурхантай барилдсан бидний мөнхийн барилдалгааг юу ч өөрчилж чадахгүй.

Нөгөөтэйгүүр Бурхан бидэнд нигүүлслээ өгсөн гэдэг нь бид гэм нүгэл үйлдэх эрх чөлөөг олж авсан гэсэн үг бишээ. Харин энэ нигүүлсэл бидний өнгөрсөн амьдрал дахь бүх алдаа зөрчлийг цагаатгадаг гэдгийг Др.Стэнли өнөөдөр бидэнд тайлбарлаж өгөх болно. Ингээд хамтдаа Др.Стэнлийн ярианд анхаарлаа хандуулцгаая.

Хүмүүс бидний хувьд Бурханаас ангид, Бурханы хүслээс гадуур үйлдэж байгаа бүхэн өөрөө гэм нүгэл юм. Бид Бурханы замаас төөрч холдох үедээ өөрсдөө ч мэдэлгүй доош чиглэсэн эцэс төгсгөлгүй замаар уруудаж эхэлдэг. Энэ байдал удаан үргэлжлэх юм бол бид нэг л мэдэхэд Бурхан Эцэгийнхээ найдвартай мутраас холдож, алс холын нутагт очсон байх болно. Тэр цагт бид Бурхан Эцэгийнхээ замаас холдсон хүн бүрийг бэрхшээл зовлон хүлээж байдаг болохыг ухаарах болно. Хэрвээ бид Бурхан Эцэг рүүгээ эргэхийн оронд энэ замаар явсаар байх юм бол нэг л мэдэхэд цөхрөл гутралд автагдах болно. Гэхдээ бид Бурхан Эцэгээсээ хичнээн холдсон ч бай биднийг хайрлах Бурхан Эцэгийн минь хайр хэзээ ч хувирдаггүй гэдгийг үргэлж санах хэрэгтэй. Хэрвээ та ийнхүү Бурхан Эцэгийнхээ замаас төөрөн холдсон бол энэ цагт Др.Стэнли танд хэрхэн Бурхан Эцэгийнхээ гэр лүү буцах вэ гэдгийг хэлж өгөх болно.