ITGELRADIO

Есүс Христэд итгэсэн хүмүүсийг тэнгэрт мөнхийн амьдрал хүлээж байгаа. Гэтэл Бурханаас мөнхийн амийн бэлгийг хүлээж авсан хэрнээ бид ихэнхдээ энэ дэлхий дээрх амьдрал, энэ дэлхий дээрх асуудлууддаа илүү их анхаарал хандуулж, илүү ач холбогдол өгч амьдардаг. Энэ нь бид мөнхийн улсын тухай төдийлөн төсөөлөлгүй байдагтай холбоотой байж болох юм. Бид мэдэхгүй зүйлийнхээ талаар бодохдоо баяр хөөртэй байж чадахгүй шүү дээ. 

    Өнөөдөр Др.Стэнли бидэнд мөнхийн улсын тухай Библид юу гэж өгүүлсэн байдаг вэ гэдгийг хэлж өгөх болно. Тийнхүү бид мөнхийн улсын тухай тунгаан бодоод зогсохгүй, тэрхүү мөнхийн үнэнийг үл итгэгч найз нөхөддөө ч хуваалцан ярих боломжтой болох юм. Ингээд хамтдаа Др.Стэнлийн ярианд анхаарлаа хандуулцгаая.

Христэд итгэгчид бүгдээрээ хожим нь мөнхийн улсад очих болно гэдэгт бид итгэдэг. Тэгсэн хэрнээ бид хожмын тэрхүү мөнхийн гэр орныхоо тухай маш багыг мэддэг.

            Хожим нь бидний очих мөнхийн улс бол хамгийн гайхамшигтай төгс газар байх болно. Гэхдээ хожим мөнхийн улсад бид ямар байдалтай байх вэ, бидний мөнхийн гэр орон ямар байх вэ гэдэг нь бидний энэ дэлхий дээр ямар байснаас шууд хамааралтай байх болно. Тэгвэл чухамдаа энэ л сэдвийн дагуу Др.Стэнли өнөөдөр бидэнтэй ярилцах болно. Итгэгч бидний хувьд мөнхийн гэрээ одооноос бэлтгэх нь амин чухал асуудал юм. Тэгвэл бид хэрхэн тийнхүү бэлтгэх вэ гэдгийг Др.Стэнли бидэнд зааж өгөх болно. Ингээд Др.Стэнлийн ярианд анхаарлаа хандуулцгаая.

Бидний амьдралд хямрал зовлон нүүрлэх үед, өвчин зовлон, бэртэл гэмтэл, уй гашуу тохиолдох үед л бид өөрсдийгөө ямар сул дорой хүмүүс болохоо ухаардаг. Эсрэгээрээ бид эрүүл саруул, хүч чадалтай, баян чинээлэг, элбэг хангалуун байх үедээ өөрсдийгөө хэнд ч дийлдэшгүй нэгэн мэтээр төсөөлдөг. Харин хүнд хэцүү цаг ирэхэд бид өөрсдийнхөө сул дорой байдлыг ухаараад зогсохгүй энэ л ухаарал нь эргээд айдас болон тодорхойгүй байдал руу биднийг хөтөлдөг.

            Тэгвэл Библи бидэнд энэ тухай өгүүлэхдээ бидэнд гайхамшигтай урам зоригийн үгсийг өгч байна. Ингээд хамтдаа Др.Стэнлийн ярианд анхаарлаа хандуулцгаая.

Бурханы өмнө бид тайлангаа тавих тэр цаг өдөр өдрөөр ойртсоор байна. Тэр өдөр ирэхэд бүх хүмүүс Бурханы өмнө зогсох болно. Харин тэр цагт Бурханы хайрыг үл тоож, Есүс Христийн загалмайн үхлийг үл хэрэгссэн тэр бүх хүмүүс “Эцсийн шүүлттэй” нүүр тулах болно. Тэгвэл тэрхүү эцсийн шүүлт хэзээ болох вэ? Хаана болох вэ? Хэн тэр шүүлтэд орох вэ? Энэ мэт олон асуултад өнөөдөр Др.Стэнли бидэнд хариулж өгөх болно. Өнөөдөр бид хамтдаа “Эцсийн шүүлт” гэсэн сэдвээр үзэх болно. Шүүлтийн тухай энэ сэдэв харгис хатуу, сэтгэл таагүй сэдэв юм шиг санагдаж байж болох ч амин чухал сэдэв гэдгийг бид мартаж болохгүй. Тэгвэл тэрхүү аймшигтай “Эцсийн шүүлтээс” хэрхэн зайлсхийж болох вэ гэдгийг ч та ХАМТДАА нэвтрүүлгийн өнөөдрийн дугаараас олж мэдээрэй.

Хүмүүс бид Бурханы өмнө очихдоо ямар байдлаар очих ёстой вэ? Бид Бурхан өмнө очихдоо зөв хандлагатайгаа очих нь хамгийн чухал юм. Тэгвэл өнөөдөр Др.Стэнли биднийг Бурханы үгээр ятгаж байна. Бид Бурханы үгээр дамжуулаад Бурханы өмнө очдог өөрсдийнхөө хандлагыг шалгаж буруу бол засаж залруулах хэрэгтэй. Ингээд хамтдаа “Бурханы өмнө ямар хандлагаар очих вэ?” гэсэн сэдвээр суралцъя. Др.Стэнлийн ярианд анхаарлаа хандуулцгаая.

Маш олон хүмүүс Есүс Христэд итгэх шийдвэр гаргадаг хэрнээ үргэлжлүүлэн итгэлийн амьдралаар амьдрахдаа бүдэрч, алдаа гаргадаг. Хэрвээ бид Есүс Христийг Аврагчаа болгон урьсан бол дараа нь ямар алхмыг хийх ёстой юм бэ?

Өнөөдөр бид энэ цагт итгэлийн амьдралаар амьдарч, итгэлээр өсөх чухал алхмыг сурах болно. Өнөөдөр бид хамтдаа Загалмайн тухай сурах болно.

Загалмай бол биднийг Бурхантай холбох гүүр юм. Ингээд энэ цагт хамтдаа итгэлийн амьдралын амин чухал ойлголт болсон Загалмайн тухай хамтдаа сурцгаая.

Баптисм гэдэг маш чухал зүйл. Нарийн яривал энэ нь Эзэн Есүсээс бидэнд өгсөн тушаал юм. Тэгвэл бид энэхүү тушаалыг ямар үед, хэрхэн биелүүлэх ёстой вэ? гэдгийг бид мэддэг байх нь чухал юм.

            Өнөөдөр Чарльз Стэнли бидэнд яагаад Христ бидэнд энэхүү тушаалыг өгсөн болохыг тайлбарлан өгөх болно. Ингээд хамтдаа энэ цагт Баптисм бол итгэгч бүрт хандсан Бурханы хүсэл гэсэн сэдвээр суралцацгаая.

Та сүм чуулганд тогтмол хамрагддаг уу? Хэрвээ хамрагддаг бол яагаад? Таны хувьд энэ нь зүгээр нэг зуршил болчихсон зан үйл юм биш биз? Эсвэл цуглаанд найзууд чинь явдаг учраас явдаг уу? Эсвэл та Библи сурах гэж очдог уу? Ер нь итгэгч хүмүүс цуглаан дээр хамтдаа цугларах үндсэн шалтгаан, үндсэн зорилго нь юу юм болоо? 

    Хэрвээ та цуглаанд явдаггүй гэж хариулсан бол энэ цагт Др.Стэнли таныг чуулганы тухай сөрөг бодлоо түр хойш тавиад сүм чуулганы үндсэн зорилгыг Библи дээр юу гэж хэлсэн байдаг тухай анхааран сонсохыг урьж байна. Ингээд хамтдаа Чуулган ба түүний утга учрын талаар хамтдаа сурцгаая.

Өнөөдөр энэ дэлхийн эргэн тойронд хэдэн зуун мянган сүм чуулган байна. Зарим нь гоё сайхан сүмийн байранд цуглардаг бол зарим нь задгай талбайд цугларч байна. Үнэндээ чуулганы цугларч байгаа байршил чухал биш юм. Харин чуулганы итгэл үнэмшил, тухайн чуулган Библийн загаварын дагуу үйл ажиллагаа явуулж байна уу гэдэг нь хамгийн чухал юм. Ингээд хамтдаа Др.Стэнлийн ярианд анхаарлаа хандуулцгаая. Тэрээр энэ цагт бидэнтэй “Чуулган: түүний утга учир” гэсэн сэдвээр ярилцах болно.

Бурхан Өөрт нь итгэсэн хүмүүсийг бодож төсөөлж ч байгаагүй тэр газруудад аваачдаг. Бидэнд хандсан Бурханы хараа биднийхээс илүү агуу байдаг. Бидний өмнө тулгарах саад бэрхшээлээс үл хамааран Тэр бидэнд хүчийг өгч замыг заадаг. Үүнийг бид толгойдоо сайн мэддэг ч тэр бүр бодит амьдрал дээрээ Бурханд бодитойгоор итгэж чаддаггүй.

Өнөөдөр Др.Стэнли бидэнд Бурхан Ариун Сүнсээрээ дамжуулан бидэнтэй үргэлж хамт байдаг гэдгийг сануулан хэлэх болно. Хэрвээ тан амьдралд буй Ариун Сүнс ямар чухал болохыг та хараахан ойлгож ухамсарлаж амжаагүй байгаа бол энэ цагт анхаарлаа дээд зэргээр хандуулаарай.