ITGELRADIO

Өнөөдөр Др.Стэнли бидний анхаарлыг “загалмайн гайхамшиг” руу хандуулах болно. Есүс Христийн загалмай бол хүн төрөлхтний түүхэн дэх хамгийн агуу үйл явдал гэдгийг өнөөдөр Др.Стэнли бидэнд өгүүлэх болно. Энэ л загалмай өнөөдөр хүртэл хүмүүсийг Есүс Христ рүү хөтлөн дагуулсаар байна. Ингээд хамтдаа Др.Стэнлийг урьцгаая.

Бурханы үгээр бусдын амьдралыг өөрчилдөг ХАМТДАА нэвтрүүлгийн энэ удаагийн дугаар ийнхүү эхэлж байна. Олон хүмүүс Есүс Христийг агуу багш байсан эсвэл мундаг нийгмийн зүтгэлтэн байсан гэж итгэдэг. Тэдний хувьд Есүс Христийн үхэл бол итгэл үнэмшлийнхээ төлөө амиа өгсөн олон хүмүүсийн үхэлтэй адилханд тооцогддог. Тэгвэл Есүс Христийн загалмайн үхэл үүнээс хамаагүй илүү гүн гүнзгий утга учиртай болохыг өнөөдөр Др.Стэнли бидэнд тайлбарлан таниулах болно.

Есүс Христ энэ дэлхий дээрх үйлчлэлээ эхлүүлж байхдаа олон гайхамшигтай зүйлсийг тунхагласан байдаг. Есүс Өөрийгөө Бурханд хүргэх цорын ганц Зам хэмээн тунхаглаж байсан. Есүс Христ Өөрийгөө Бурхан Эцэгтэй нэг гэдгийг тунхаглаж байсан. Тэр бидний залбиралд хариулах болно гэж амлаж байсан. Тэр Өөрт нь итгэсэн хүмүүст орон байр бэлтгэхээр явах болно гэдгээ ч хэлж байсан. Тэгвэл Есүсийн хэлсэн энэ бүх гайхамшигтай үгс үнэн гэдгийг бид яаж мэдэх вэ? Бидний итгэж найдаж байгаа бүхэн хий хоосон зүйл биш гэдгийг бид яаж мэдэх вэ?

            Бид Есүс Христийн амилалтын мэдээнд итгэж, үүнд бүх анхаарлаа хандуулах үед бидний дотор буй аливаа эргэлзээ тээнэгэлзэл алга болдог гэдгийг Др.Стэнли бидэнд сануулж байна. Христитгэлээс Христийн амилалтыг хасчих юм бол бидний бүх итгэл найдвар баталгаагаа алдах болно. Тэр тохиолдолд Есүс Христийн үг үнэн гэдэг найдахаас өөр зам бидэнд үлдэхгүй болно гэсэн үг. Гэхдээ үхлийн хүлээс бидний Аврагч Эзэнийг барьж дийлээгүй юм. Тэр булшнаасаа алхан гарч Өөрийнхөө айлдсан бүхнийг үнэн болохыг баталсан. Есүс Христ одоо ч амьд учраас бидэнд амласан Түүний амлалт бүхэн үнэн гэдгийг энэ цагт Др.Стэнли бидэнд сануулах болно.

Элч Паул анхны үеийн чуулгануудад захидал бичиж, тэднийг ямар зүйлд анхаарлаа хандуулж, ямар зүйлээр оюун санаагаа дүүргэх ёстойг үргэлж сануулдаг байсан. Паул яагаад энэ тухай зааж сургаж, ятгаж сэнхрүүлэхдээ тийм их цагийг зарцуулдаг байсан юм болоо? Яагаад гэвэл итгэгч бид бүх анхаарлаа Есүс Христ болон Түүний үнэнд хандуулах үед бид нөхцөл байдлын шуурганд амархан шидэгдэхгүй гэдгийг Паул маш сайн мэдэж байсан. Харин бид Бурханаас өөр зүйлст анхаарлаа хандуулж, Бурханы үнэнээс холдох үедээ хүнд хэцүү нөхцөл байдлууд дунд бид Бурхан эргэлзэж эхэлдэг. Бид сорилт уруу татлагатай нүүр тулах үедээ маш амархан бүдэрдэг. 

Тэгвэл өнөөдөр Др.Стэнли бидэнд энэ чухал үнэнийг дахин сануулж байна. Бид Бурханд болон Түүний үгэнд анхаарлаа хандуулан амьдрах нь ямар чухал болохыг Др.Стэнли бидэнд сануулж байна. Бид буруу зүйлсийг чухалд тооцох үед энэ нь бидний амьдралд маш хортойгоор нөлөөлдөг. Тиймээс ийм алдаа гаргахаас зайлсхийхийн тулд юу хийх ёстойг Др.Стэнли бидэнд энэ цагт зөвлөх болно.

Библи бидэнд хэлэхдээ “бүх зүйл дээр Эзэнд итгэж, юунд ч бүү санаа зов” гэж сургадаг. Гэхдээ юунд ч санаа зовохгүй байлаа гээд бид ирээдүйгээ төлөвлөж болохгүй гэсэн үг үү? Бид ирээдүйгээ төлөвлөж, өмнөө зорилт тавихын оронд зөвхөн өнөөдрөөрөө л амьдрах ёстой юу?

Эдгээр асуултад Др.Стэнли өнөөдөр Библийн үүднээс хариулах болно. Ингэхдээ итгэгчид бид өмнөө тодорхой мөн бурханлаг зорилт тавин түүндээ хүрэхээр зүтгэх нь үнэхээр үнэлж баршгүй ач холбогдолтой болохыг бидэнд хэлж өгөх болно.

Сонсогч таны хувьд хамгийн чухал зорилго чинь юу вэ? Таныг тэр зорилгодоо хүрэхэд түлхэц өгдөг хамгийн хүчтэй сэдэл чинь юу вэ?

            Өнөөдөр Др.Стэнли биднийг илүү гүн гүнзгий, илүү сүнслэг зорилго руу тэмүүлэхийг ятгаж байна. Ажлын карьер, боловсрол, санхүү гээд бидний хүсч тэмүүлдэг зорилгууд бүгд маш чухал. Гэхдээ энэ бүхэн хэзээ ч бидний хамгийн чухал, эн тэргүүний зорилт байх учиргүй юм. Харин бид ямар зорилгыг эн тэргүүн тавих ёстой вэ?

            Энэ цагт Др.Стэнли бидэнд хэрхэн бурханлаг зорилгыг өмнөө тавих вэ гэдэг Библийн дагуух зөвлөгөөг өгөх болно.

Та өнөөдөр амьдралдаа ямар зорилго тавин урагшилж бэ? Та өмнөө тавьсан зорилгодоо хэрхэн хүрэх гэж байна вэ? Магадгүй таны өнгөрсөн амьдралд зорьсон зорилгодоо хүрч чадаагүй тохиолдол олон байсан байх. Эсвэл зарим нэг зүйлийг арай өөрөөр хийсэн ч болоосой гэж боддог зүйлс байдаг байж магадгүй. Тэгвэл би танд нэг сайн мэдээг дуулгая. Таны өнгөрсөн амьдралд алдаа дутагдал байсан байж болох ч та ирээдүйгээ өөрөөр бүтээж чадна. 

Өнөөдөр Др.Стэнли таныг өмнө зөв зүйтэй, үр ашигтай мөн хүрч болохуйц зорилго тавиад түүнийхээ төлөө хичээн зүтгээрэй хэмээн ятгаж байна. Ингэхдээ Др.Стэнли бидэнд эдгээр зорилгодоо хүрэх алхмуудыг зааж өгөх болно.

Сонсогч танд өмнөө тавьсан зорилго бий юу? Хэрвээ байгаа бол та өмнөө яг ямар зорилго тавьсан бэ? Магадгүй та ажлаа өөрчлөх эсвэл орлогоо нэмэгдүүлэх зорилго өмнөө тавьсан байж болно. Эсвэл найз нөхдийнхөө дунд хүндлэл хүлээх, эсвэл гэр бүлдээ зориулж ямар нэгэн эд хөрөнгө худалдан авах зорилго тавьсан ч байж болно. Тэгвэл энэ мэтчилэн зорилгыг өмнөө тавин явахад буруу зүйл бий юу?

    Өнөөдөр Др.Стэнли бидэнд энэ асуултын хариултыг өгөх болно. Мөн зорилгодоо хүрэхийн тулд хийх ёстой алхмуудыг бидэнд зааж өгөх болно.

Бүх л түүхийн туршид олон олон агуу гүрнүүд оршин тогтнож байсан. Гэсэн хэдий ч тэд бүгд устаж үгүй болсон. Яагаад тэр вэ? Юуны учир тэр агуу соёл иргэншлүүд устаж үгүй болов? Хэрвээ бид түүхийг анхааралтай судлах юм бол тэр бүх улс гүрнүүд хөгжил дэвшлийнхээ оргил үеэс эхлэн өөрөө өөрийгөө мөхөөсөн болохыг бид харж чадна. Хаад ноёдынх нь шунал, завхрал, эрх мэдлийн төлөөх дотоод тэмцэл, ард иргэдийнх нь ёс бус байдал тэр бүх агуу улс гүрнүүдийг мөхөл рүү хөтөлсөн юм. 

    Итгэгч бидний хувьд бурханлаг зорилгодоо хүрэхэд саад болдог хамгийн том саад тотгоруудын нэг бол шунал юм. Тэгвэл бид энэ аюулаас хэрхэн зайлсхийх талаар хамтдаа Др.Стэнлийн зөвлөгөөг хүлээн авч сонсоцгооё.

Өнөөдөр та өөрийнхөө төлөвлөгөөг Бурханы төлөвлөгөөнд нийцүүлэн амьдрахыг хичээж байна уу? эсвэл өөрийнхөө төлөвлөгөөг Бурханд тулгаж, Бурханыг шахамдуулахыг оролдож байна уу? Энэ хоёрын цаана асар том ялгаа бий гэдгийг бид ойлгох хэрэгтэй. 

Өнөөдөр Др.Стэнли бидэнд нэгэн чухал зүйлийг сануулж байна. Итгэгч бидний хувьд амьдралынхаа зорилгыг тодорхойлохдоо эхлээд тухайн зүйлээ Бурханы байр сууриас харж сурах нь чухал юм. Бидний амьдралд хандсан Бурханы төлөвлөгөөг олж харахын тулд эхлээд бид өөрсдийнхөө амьдралыг Бурханы өнцгөөс харж сурах хэрэгтэй. Тэгж байж бид амьдралынхаа зорилгыг тодорхойлж чадна. Тэгвэл үүнд маань туслахын тулд Др.Стэнли энд хүрэлцэн ирээд байна. Хамтдаа түүний хичээлд анхаарлаа хандуулцгаая.