ITGELRADIO

'Бурхантай хамтран ажиллагч бид та нараас хичээнгүйлэн гуйя. Бурханы нигүүлслийг дэмий хоосноор бүү аваарай. ' 2Коринт 6:1

#ХермоныШүүдэр өглөөний хөтөлбөр #ИтгэлРадиоҮйлчлэл

“Мөнх амийг өвлөхийн тулд би юу хийх ёстой вэ?” Энэ асуултад дэлхий дээрх бүх л шашин, шашны урсгалууд өөр өөрийнхөөрөө хариулахыг оролдсон байдаг. Тэдний ихэнх нь өөрийгөө золиосолж, бусдын төлөө амьдрах нь энэ асуултын хариулт гэж үздэг. Хэдийгээр ёс суртахууны хэм хэмжээг дагаж мөрдөх, бусдын төлөө үйлчлэх нь сайшаалтай үйл хэрэг мөн хэдий ч эдгээр нь таныг мөнх амьдралд нэг алхам ч ойртуулахгүй гэдгийг та ойлгоорой. Эдгээр итгэл үнэмшлүүдийн ард буй хамгийн том эндүүрэл нь хүн өөрийн сайн үйлсээрээ мөнхийн улсад хүрэх замаа бий болгож чадна гэсэн итгэл үнэмшил юм.

Тэгвэл “ХАМТДАА” нэвтрүүлгийн өнөөдрийн дугаартаа Др.Чарльз Стэнли энэ асуултад тэс өөр өнцгөөс хариултыг өгөх болно. Энэ бол сайн мэдээний үндсэн мессеж юм. Үүний гол санаа нь хүн өөрийгөө гэм нүглийн шийтгэлээс аврах боломжгүй гэсэн санаа юм. Харин Бурхан биднийг агуу хайраараа хайрлаж, өршөөж нигүүлссэн учраас хүн төрөлхтнийг аврах замыг Өөрөө бидэнд санал болгосон юм. Энэ нь хүмүүс бид мундаг учраас биш гагцхүү Бурханы нигүүлслийн үр дүн гэдгийг Др.Стэнли бидэнд сануулж байна. Ингээд хамтдаа Др.Стэнлийн ярианд анхаарлаа хандуулцгаая.

Сэтгэл минь одоо шаналж байна. Би юу гэж хэлэх юм бэ? “Аав аа, Намайг энэ цагаас авраач” гэх үү?

Гэвч үүний л төлөө Би энэ цагт ирсэн. Иохан 12:27

#ХермоныШүүдэр өглөөний хөтөлбөр #ИтгэлРадиоҮйлчлэл

Өдөр бүр та нартай сүмд хамт байхад минь та нар Надад гар хүрээгүй. Харин энэ цаг болоод харанхуйн хүч нь та нарынх юм гэв. Лук 22:53

#ХермоныШүүдэр өглөөний хөтөлбөр #ИтгэлРадиоҮйлчлэл

Тэрээр хүмүүст жигшигдэж, орхигдсон, Өвчин зовлонг мэдэгч, зовлон шаналлын хүн ажээ. Түүнээс нүүр буруулж, Тэр жигшигдсэн бөгөөд Бид Түүнийг даанч эс тоожээ. Исаиа 53:3

#ХермоныШүүдэр өглөөний хөтөлбөр #ИтгэлРадиоҮйлчлэл

Та нар хэрхэн шүүнэ, түүнчлэн шүүгдэнэ. Өөрсдийнхөө хэмжсэн хэмжээсээр та нар хэмжигдэх болно. Матай 7:2

#ХермоныШүүдэр өглөөний хөтөлбөр #ИтгэлРадиоҮйлчлэл

Доктор Чарльз Браунинг "Ялалттай гашуудал" ноидоо хайртай дотны нэгнээ алдсан үед үүсэх уй гашуудлын хүнд үеийг алхам алхмаар даван туулах талаар дурджээ. Тэрээр гашуудал нь 2 төрөл байж болох талаар тайлбарласан. Өнгөрсөн рүү буцах гашуудал, Ирээдүй рүү урагшлах гашуудал.

Харин та нар сонгогдсон угсаа, хаан тахилч, ариун үндэстэн, Бурханы эзэмшлийн ард түмэн юм. Ингэснээр харанхуйгаас та нарыг Өөрийн гайхамшигт гэрэл уруу дуудсан Түүний хүчирхэг үйлдлийг та нар тунхаглах юм. 1Петр 2:9

Христэд итгэгч хүн бүр “БУРХАНЫ НИГҮҮЛСЛИЙН БЭЛГИЙГ” хүлээж авсан. Гэхдээ бидний аврал ямар үнээр бидэнд ирсэн гэдгийг бид тэр бүр ухаардаггүй. Тэгвэл юу Бурханыг бидний төлөө тэр агуу үйлсийг бүтээхэд хүргэсэн юм бэ?

ХАМТДАА нэвтрүүлгийн өнөөдрийн дугаараар Др.Стэнли бидэнд энэ асуултын хариултыг өгөх болно. Үүнийг нэг үгээр хэлбэл “Бурханы нигүүлсэл” юм. Бурханы нигүүлсэл гэдэг нь бидний хүртэх ёсгүй байсан тэр ивээл ерөөл юм. Бурханы нигүүлсэл гэдэг нь бидний хүртэх ёстой зүйл биш харин тэр чигээрээ Бурхан бэлэг гэдгийг бүрэн дүүрэн ухаарах хүртэл бид Бурхан Эцэгтэйгээ харилцах харилцаандаа амар тайван, сэтгэл хангалуун байдлыг мэдэрч чадахгүй юм.

Тиймээс Бурханы нигүүлсэл юугаараа тийм агуу болохыг хамтдаа олж мэдэцгээе.

Нөхдийнхөө төлөө залбирахад нь Иовын сайн сайхныг ЭЗЭН сэргээн өгч, Иовд урьд байсан бүхнийг ЭЗЭН хоёр дахин илүү болгов. Иов 42:10

#ХермоныШүүдэр өглөөний хөтөлбөр #ИтгэлРадиоҮйлчлэл