ITGELRADIO

Нэгэн зохиолч хэлэхдээ, “Есүс гол асуудал бидний сэтгэлийн гүнд байдаг ба шунал тачаалын асуудлыг шийдэх гол арга нь гадна биш, дотор бидний зүрх сэтгэлд оршдог гэдгийг Есүс хэлсэн юм гэжээ. Зүрх сэтгэлийг өөрчлөх нь хувь хүний хариуцлагаас эхэлдэг. Хэрэв эмэгтэй хүн таныг бүдрүүлбэл түүнийг буруутга гэж Есүс хэлээгүй. Харин “Баруун нүд чинь чамайг бүдрүүлбэл ухаж аваад хая. Учир нь бүтэн бие чинь тамд хаягдсанаас эрхтний чинь нэг байхгүй нь чамд дээр (Maтай 5:29) гэсэн.

Бурхан жинхэнээсээ нүдээ ухаж хая гэж хэлээгүй. Харин Есүс биднийг оюун санаагаа хянах тал дээр эрс шийдэмгий байхыг үүгээр зүйрлүүлсэн. Бусдаас биш өөрөөсөө эхлэх ёстой гэдгийг хэлсэн

Библийн Матай номд Есүс: “Амар тайвныг тогтоогсод ерөөлтэй еэ! Тэд Бурханы хөвгүүд гэж нэрлэгдэх болно” (Mатай 5:9) гэж хэлсэн. Есүс юу гэж хэлснийг анзаарсан уу? Амар тайвныг тогтоогсод. Амар тайван нь зүгээр л байж байхад өөрөө бий болчихдог зүйл биш. Амар тайван гэдэг бол эвлэрэл, уучлал, хамтын ажиллагаа гэсэн хүч хөдөлмөр шаарддаг зүйл. Энэ нь урт яриа, өөр өөр үзэл бодолтой хүмүүсийг тэвчээртэйгээр сонсох, мөн сэтгэл дундуур байсан ч нэг нэгэндээ буулт хийж чадах сэтгэлтэй байхыг хэлдэг.

Библид, хэн нэгэн ах дүү чинь нүгэл үйлдвэл ганцаарчлан очиж уулз, уучлалт гуйх, ойлголцох боломж олго. Хэрэв асуудал шийдэгдэхгүй бол нэг эсвэл хоёр хүнтэй хамт оч, ингээд ч асуудал шийдэгдэхгүй бол сүм чуулгандаа хандаж туслалцаа авах хэрэгтэй гэж хэлсэн байдаг (Матай 18:15-17)

Хэрэв бид зөрчилдөөний даван туулахад бэлэн байвал Бурхан бидэнд өшөө хорслоос ангижрах хүчийг өгнө.

Хүн бүр л амьдралдаа ямар нэг хэмжээгээр хүнд үеийг туулсан, туулж байгаа эсвэл ирээдүйд туулж болно. Амьдралд санаа зовох, сэтгэл тавгүйтэн түгшээх зүйлс мундахгүй их. Нэгэн пастор номлолдоо “Есүс, бидний сэтгэлдээ тээж яваа санаа зовнил, сэтгэлийн түгшүүр нь Бурханыг ойлгох ойлголтод маань нөлөөлдөг гэдгийг хэлсэн байдаг. Бурханы талаарх бидний ойлголт хэр зөв байна, төдий чинээ бидний түгшүүр багасаж, харин Бурханы талаарх бидний ойлголт буруу байх тусмаа сэтгэлийн түгшүүр ихэсдэг гэжээ.

Бурхан талаарх таны ойлголт ямар түвшинд байна вэ?

Та хэсэг хором өөрийнхөө амьдралын талаар эргэцүүлэн бодоорой. Та өөрийгөө Есүсийн дагалдагч гэж хэлэх үү? Эсвэл та одоо ч “Бурхан ертөнцийг үнэхээр хайрласандаа цорын ганц Хүүгээ өгсөн тул Хүүд итгэдэг бүхэн мөхөхгүй харин мөнх амьтай байх болно” гэсэн үгэнд итгэхгүй эргэлзсээр байна уу? Энэ таны шийдвэр!

Фитнесийн багш нар ихэвчлэн “Өвдөлт мэдрэх нь өсөлтийн эхлэл” гэж сургадаг. Өөрөөр хэлбэл аливаа булчинг өвдтөл нь ажиллуулах нь тухайн булчинг хүчирхэгжүүлж, тэсвэр хатуужилтай болгох гол түлхүүр гэж тэд үздэг. Өөрөөр хэлбэл дасгал хийсний дараа тэр булчин чинь өвдөж байвал тэр булчин сунаж, хүчирхэгжсэн гэсэн үг юм.

Тэгвэл Христэд итгэгчид бид ч бас ийм сэтгэлгээтэй байхад илүүдэхгүй юм. Бидний амьдралд тохиолдсон аливаа хүнд хэцүү нөхцөл байдал нь биднийг сүнсээр өсөх боломж гэдгийг бид ойлгох хэрэгтэй юм.

Тиймээс ч ХАМТДАА нэвтрүүлгийн өнөөдрийн дугаараар Др.Стэнли бидэнд Христэд итгэгчид бид сорилт бэрхшээлийн дунд ч Бурханд өөрсдийгөө бүрэн зориулах ёстой гэдгийг дахин сануулах болно. Бурхан бид “нялцгай” итгэгчид байгаасай гэж хүсдэггүй. Харин ч зовлон бэрхшээлтэй зоригтойгоор нүүр тулж, “сүнслэг булчингаа” хүчирхэгжүүлсэн итгэлийн баатрууд байгаасай гэж хүсдэг. Хуучин гэрээний итгэлийн олон баатруудаас бид үүнийг олж харж чадна. Тэгвэл Др.Стэнли бидэнд онцгойлон бидний итгэлийн өвөг болсон Абрахамын амьдралыг сануулж байна. Хамтдаа Абрахамын итгэлийн амьдралаар дамжуулаад сорилт бэрхшээл дунд Бурханыг дуулгавартай дагахад хичээнгүйлэн суралцацгаая.

Есүс дагалдагч нартаа “Хараагаа дээшлүүлж, талбайг харагтун. Учир нь талбай цайрч, хураалтад бэлэн болжээ” гэж хэлсэн. (Иохан 4:35).

Бурхан минь, би хэн нэгэн хүний амьдралд болж буй өөрчлөлтийг мэдэрдэг байхад минь туслаач.

Аливаа хүн Есүс Христэд итгэх үедээ ихэвчлэн өөрийнхөө хуучин амьдралыг бүхлээр нь өөрчилж, “юу ч болж байсан хамаагүй Есүс Христийг дагах болно” гэж амладаг. Тэдний энэ амлалт, энэ зориулалт ихэвчлэн чин сэтгэлийнх байдаг. Гэвч үнэндээ энэ амлалтдаа хүрч чадсан итгэгч тийм ч олон биш ээ. Тэгвэл Бурхан биднийг үргэлж Өөрт нь зориулалт гаргахыг хүсдэг гэдгийг бид ойлгох хэрэгтэй. Др.Чарльз Стэнли ч өнөөдөр бидэнтэй яг л энэ сэдвийн дагуу ярилцах болно.

Үнэндээ шалгагдаж соригдохоос нааш бид Бурхан хэр их хайртайгаа тэр бүр бүрэн гүйцэд ухаардаггүй. Тэгвэл Бурхан биднийг ийнхүү шалгахдаа ихэвчлэн зовлон бэрхшээлээр дамжуулан ажилладаг. Тийнхүү зовлон бэрхшээлийн дундуур туулан гарахдаа, Бурханд итгэж, дуулгавартай байснаараа бид Бурханд зориулах бидний зориулалт жинхэнэ гэдгийг сая батлан харуулдаг. Эсрэгээрээ зовлон бэрхшээл дунд Бурханд “үгүй” гэж хэлж байгаа бол Түүний төлөөх зориулалт маань үг яриа төдий болохоос үйл хөдлөл биш гэдэг нь батлагдаж байна гэсэн үг.

Тэгвэл та хэзээ нэгэн цагт өөрөөсөө “Би Бурханд өөрийгөө хэр зориулж чаддаг вэ?” гэж асууж байсан бол хамтдаа Др.Стэнлигийн ярианд анхаарлаа хандуулцгаая.

Зөвхөн Есүс энэ дэлхий дээр төгс амьдралаар амьдарсан учраас бидний гэм нүглийн төлөө үхэх боломжтой. Бидний төлж чадахааргүй тэр их гэмийн өрийг Тэр Өөрөө гэмгүй атлаа бидний өмнөөс үүрсэн. Ингэснээр Бурханы уучлалыг Есүсээр дамжуулан бид хүлээн авах боломжтой болсон. Өнөөдөр Түүний өмнө бууж өг.

Бидний хувьд “би Христэд өөрийгөө зориулах болно, Түүнийг ямар ч үед дагах болно” гэж ХЭЛЭХ амархан. Гэхдээ үүнийгээ хэрэгжүүлнэ гэдэг тэс өөр зүйл юм. Тэгвэл ХАМТДАА нэвтрүүлгийн өнөөдрийн дугаараар бид хамтдаа бидний Бурханд өөрсдийгөө зориулах зориулалтын жинхэнэ шалгуур нь ДУУЛГАВАРТАЙ БАЙДАЛ юм гэдгийг үзэх болно. Өөрөөр хэлбэл өнөөдөр бид хамтдаа Бурханд өөрсдийгөө зориулах ЗОРИУЛАЛТын талаар үргэлжлүүлэн үзэх болно.

Христэд итгэгчдийн ихэнх нь Бурханд үйлчилж, Бурханыг хүндлэн дээдлэхийг чин сэтгэлээсээ хүсдэг. Гэхдээ бид Бурханд ийнхүү амжилттай үйлчилж, Түүнийг үнэнээр хүндлэн дээдлэхийн тулд хамгийн түрүүнд Түүнд өөрсдийгөө зориулах дуудлагад хариулах ёстой болдог. Учир нь бид өөрсдийгөө Христэд бүрэн зориулах хүртлээ аливаа зүйлсэд сатаарч, замаа алдан төөрөхдөө амархан байдаг. Тиймээс хамтдаа Бурханд өөрсдийгөө бүрэн зориулах шийдвэрийг гаргацгаая. Энэ шийдвэрийг гаргахад маань туслахын тулд Др.Стэнли өнөөдөр бидэнтэй ярилцах болно.