ITGELRADIO

Абрахам —Хүү минь, шатаалт тахилдаа зориулж Бурхан хургаар хангана гээд хоёул хамт явжээ. ЭХЛЭЛ 22:8

#ХермоныШүүдэр өглөөний хөтөлбөр #ИтгэлРадиоҮйлчлэл

Христэд итгэгчид бид бүгдээрээ Библиэ уншаад бидний итгэл болон зориулалт Хуучин гэрээний үеийн итгэлийн баатруудынх шиг агуу байгаасай гэж хүсдэг шүү дээ. Гэхдээ хэрвээ бид анхааралтай уншиж судлах юм бол тэр хүмүүст ямар нэгэн онцгой чанар байгаагүй болохыг бид харж болно. Үнэн хэрэгтээ тэд бол нөхцөл байдлаасаа үл шалтгаалан Бурханд итгэж, Түүнийг дуулгавартай дагах шийдвэр гаргасан эгэл жирийн хүмүүс байсан юм. Тэдний зарим нь энэ сонголтынхоо улмаас төрсөн нутаг, төрөл садангаа орхин явах ёстой болж байсан бол зарим нь амь насаа хүртэл эрсдэлд оруулж байсан. Гэвч ямар ч өндөр эрсдэл хүлээсэн бай ялгаагүй дуулгаваргүй байдал түүнээс нь ч илүү аюултай гэдгийг тэд мэдэж байсан юм.

Тэгвэл ХАМТДАА нэвтрүүлгийн өнөөдрийн дугаараар Др.Стэнли бидэнд хэрхэн Бурханд бүрэн итгэж, Түүнд өөрийгөө бүрэн зориулах тухай, бидний дотроос ийм сонголтыг хийх сэдлийг юу төрүүлдэг тухай өгүүлэх болно.

Мууд бүү дийлд, мууг харин сайнаар дийл. Ром 12:21

#ХермоныШүүдэр өглөөний хөтөлбөр #ИтгэлРадиоҮйлчлэл

Есүс уйлав. Иохан 11:35

#ХермоныШүүдэр өглөөний хөтөлбөр #ИтгэлРадиоҮйлчлэл

'Хэл гэдэг амилуулах бас үхүүлэх хүчтэй Хэн үүнд дурлана үр жимсийг нь хүртэнэ.' Сургаалт үгс 18:21

#ХермоныШүүдэр өглөөний хөтөлбөр #ИтгэлРадиоҮйлчлэл

Харин та нарын үйлсэд шагнал буй тул хүчтэй байж, гараа бүү сулруул гэв. 2Шастир 15:7

#ХермоныШүүдэр өглөөний хөтөлбөр #ИтгэлРадиоҮйлчлэл

“ЭЗЭН гэрийг барьж байгуулахаас нааш Түүнийг байгуулагчид дэмий хөдөлмөрлөнө.” (Дуулал 127:1)

Гэр бүл гэдэг бол Бурханы хувьд маш чухал, эрэгтэй эмэгтэй хүмүүс нэг бие болж, тэднийг ерөөх нь Бурханы хүсэл. Гэр бүл гэдэг Бурханы бүтээлийн төлөвлөгөөнд сүүлд нь нэмэгдсэн юм биш харин анхнаасаа Түүний төгс төлөвлөгөөнд багтсан байсан. Анхнаасаа Бурханы төлөвлөгөөнд гэр бүлийг ерөөхөөр тэнгэрлэг төлөвлөгөө байсан.

'Чи мэдэхгүй гэж үү? Чи сонсоогүй юм уу? Мөнхийн Бурхан, ЭЗЭН, Дэлхийн хязгаарыг Бүтээгч нь Эцэж туйлддаггүй бөгөөд ухаан нь хязгааргүй. ' Исаиа 40:28

#ХермоныШүүдэр өглөөний хөтөлбөр #ИтгэлРадиоҮйлчлэл

Пастор эсвэл Библийн багш нар итгэгчдийг ихэвчлэн “Бурханыг дуулгавартай дагацгаая” хэмээн уриалдаг. Тэгвэл Христэд итгэгчид бидний хувьд дуулгавартай байдал яагаад тийм чухал юм бол? гэж та хэзээ нэгэн цагт бодож байсан уу? Хэрвээ тийм бол, Др. Стэнли өнөөдөр бидэнтэй “БУРХАНД ӨӨРИЙГӨӨ ЗОРИУЛАХ СЭДЭЛ” гэсэн сэдвээр ярилцах болно.

Христэд итгэгчдийн хувьд Бурханы тушаалыг дуулгавартай дагах хэд хэдэн шалтгаан бий. Тэгвэл бид тэдгээр шалтгаанууд нь чухам юу болохыг Хуучин гэрээний итгэлийн баатруудын нэг болох Даниелын амьдралд тулгуурлан үзэх болно. Даниел бол зовлон бэрхшээл, саад тотгор, хавчлага дарамт дунд Бурханд дуулгавартай байж чадвал Бурхан биднийг хэрхэн гайхамшигтайгаар шагнадаг болохыг амьдралаараа гэрчилсэн гайхамшигтай итгэлийн баатруудын нэг юм.

Тэгвэл та аливаа шийдвэрийг гаргах бүрдээ Бурханыг дуулгавартай дагаж чаддаг уу? Эсвэл нөхцөл байдлаас шалтгаалаад таны дуулгавартай байдал чинь гуйвж дайвдаг уу?

Бурханы үгээр бусдын амьдралыг өөрчилдөг ХАМТДАА нэвтрүүлгийн маань энэ удаагийн дугаар ийнхүү эхэлж байна.

Хэрвээ та нэг тийшээ явах ёстой болоод жаахан хүүхдээ хэн нэгэнд түр үлдээх гэж байгаа бол юу хийх ёстой, юунаас болгоомжлох ёстойг нарийвчлан хэлж өгөх нь гарцаагүй. Тэр тусмаа хамгийн чухал гэж бодсон зүйлээ нэгээс олон удаа давтаж хэлэх нь зүйн хэрэг.

Тэгвэл Эзэн Есүс ч бас бидэнд хамгийн чухал зүйлсийг тодорхой захиж үлдээсэн юм. Тэрээр 3 жилийн туршид шавь нартайгаа хамт амьдрахдаа олон зүйлсийг тэдэнд зааж сургасан байсан. Гэхдээ тэнгэр өөд одохынхоо өмнөхөн Тэр хамгийн чухал гэж үзсэн зүйлээ тэдэнд чухалчлан захисан юм.

Энэ бол Христийн сайнмэдээг тунхаглах явдал юм. Энэ чухал заавар өнөөдрийн та бидэнд ч мөн дамжин иржээ. Тэгвэл бид итгэлийн амьдралдаа өнөөдөр тэр чухал тушаалыг итгэмжтэйгээр биелүүлж байна уу? Хамтдаа Др.Стэнлийн ярианд анхаарлаа хандуулангаа, энэ талаар нухацтайгаар эргэцүүлэн бодоцгооё.