ITGELRADIO

'Урт хугацаа өнгөрч, Египетийн хаан өөд болов. Израилийн хөвгүүд боолчлолоос болж сүүрс алдан орилжээ. Боолчлолоос болж тусламж гуйсан тэдний хашхираан Бурханд хүрлээ. Бурхан тэдний ёолох дууг сонсоод, Абрахам, Исаак, Иаковтай байгуулсан гэрээгээ санав. Бурхан, Израилийн хөвгүүдийг харжээ. Тэгээд Бурхан тэдэнд санаа тавив.' Гэтлэл 2:23-25

#ХермоныШүүдэр өглөөний хөтөлбөр #ИтгэлРадиоҮйлчлэл

'Тэгээд Мосе —Бут яагаад шатахгүй байгаа энэ гайхамшигт үзэгдлийг очиж харъя байз гэлээ. Гэтлэл 3:3

#ХермоныШүүдэр өглөөний хөтөлбөр #ИтгэлРадиоҮйлчлэл

Мосег 80 настайд нь Бурхан дуудаж, израил үндэстнийг өнөөгийн Израил хэмээх нутаг руу удирдан чиглүүлэх үүрэг өгсөн билээ. Жохебед өөрийн эр зориг, үнэнч байдлынхаа үр дүнг нас барахаасаа өмнө бүрэн дүүрэн харж чадаагүй ч түүний гурван хүүхэд – Мосе, Арон, Мириам- бүгдээрээ Израилын удирдагчид болсон.

Итгэмжтэй эх хүн байхын чухлыг хэзээ ч дутуу бүү үнэл!

'Зарц нар, эш үзүүлэгчдэдээ нууцаа илчлэлгүйгээр Эзэн БУРХАН үнэхээр юу ч хийхгүй. ' Амос 3:7

#ХермоныШүүдэр өглөөний хөтөлбөр #ИтгэлРадиоҮйлчлэл

Таныг Бурханы өмнө очих бүрд ямар Бурхан танд ямар нэгэн асуудлыг дахин дахин сануулсаар байна уу? Ямар нэгэн муу зуршил эсвэл гэмших ёстой нууц далд гэм нүглийг чинь Бурхан сануулсаар байгаа юм биш биз? Эсвэл хэн нэгэнтэй харилцах харилцаагаа яаралтай таслан зогсоохыг сануулж байгаа юм биш биз? Бид Бурханыг амьдралаараа бүрэн дуулгавартай дагахаас татгалзах үед Бурхан ихэвчлэн бидэнд тэр зүйлийг дахин дахин сануулсаар байдаг.

Бидний хувьд Бурханд өөрийгөө бүрэн зориулахаас татгалзаж байгаагаа өөр ямар нэгэн зүйлээр орлуулан цайруулахыг оролдож байдаг. Жишээ нь, Бурханы тушаалыг дуулгавартай дагахгүй байгаагаа Бурханд илүү завгүй үйлчлэх үйлчлэлээр орлуулах гэж оролддог. Бид цуглаандаа илүү тогтмол хамрагдаж, Библиэ илүү их уншиж, бусдад илүү өгөөмөр хандах гэж хичээж эхэлдэг. Ингэснээрээ бид Бурханд сэтгэгдэл төрүүлнэ гэж эндүүрдэг. Ингэвэл Бурханы ятгалгын дуу хоолой чимээгүй болно гэж бид боддог.

Тэгвэл тийм биш болохыг Др.Стэнли бидэнд сануулж байна. Үнэндээ Бурханд дуулгавартай амьдралын хэв маягийг өөр юугаар ч орлуулах аргагүй гэдгийг ХАМТДАА нэвтрүүлгийн өнөөдрийн дугаараар Др.Стэнли бидэнд сануулах болно. Бид амьдралынхаа аль нэг талбарыг Бурханд өргөхөөс татгалзаж, өөрөө тэр талбараа удирдах гэж оролдсоор байгаа цагт Бурханы санаа хэзээ ч амрахгүй. Учир нь Тэр биднийг Өөрт нь бүрэн дуулгавартай байгаасай гэж хүсдэг. Тиймээс биднийг Өөрт нь бүрэн зориулалт гаргаасай гэсэндээ шаардлагатай тохиолдолд зовлон бэрхшээлийг ч бидэнд зөвшөөрдөг. Тэгвэл Др.Стэнли бидэнд үүнтэй холбоотой чухал зарчмуудыг Ионагийн амьдралаар дамжуулан өнөөдөр бидэнд зааж өгөх болно.

'Зүдэж зүтгэгсэд хийгээд хүнд ачаа үүрсэн бүгд ээ, Над дээр ир. Би та нарыг амраая. ' Матай 11:28

#ХермоныШүүдэр өглөөний хөтөлбөр #ИтгэлРадиоҮйлчлэл

'Есүс тэдэнд —Миний хоол бол Намайг илгээсэн Түүний хүслийг үйлдэн, ажлыг нь гүйцэлдүүлэх явдал юм. ' Иохан 4:34

#ХермоныШүүдэр өглөөний хөтөлбөр #ИтгэлРадио

'Та нарт хөвгүүд шигээ хандсан тэрхүү сэнхрүүллийг та нар мартжээ. “Эзэний сахилгажууллыг бүү хөнгөн үз, хүү минь, Тэр чамайг зэмлэх үед сэтгэлээр бүү уна. ' Еврей 12:5

#ХермоныШүүдэр өглөөний хөтөлбөр #ИтгэлРадиоҮйлчлэл

Хайртууд минь, бие биенээ хайрлацгаая. Учир нь хайр бол Бурханаас ирдэг. Хайрладаг хүн бүр Бурханаас төрсөн бөгөөд Бурханыг таньдаг. Эс хайрлагч нь Бурханыг таньдаггүй. Учир нь Бурхан бол хайр. 1Иохан 4:7-8

#ХермоныШүүдэр өглөөний хөтөлбөр

Зарим хүмүүс Эхлэл номыг ашиглан өнөөгийн ёс суртахууны уналтыг зөвтгөх гэж оролдож, Мосегийн бичсэн Бурхантай харьцсан түүхүүдийг бодит болсон үйл явдал гэхээсээ илүүтэйгээр бэлгэдэл, ёгт зүйрлэл мэт тайлбарлаж, энэхүү номд дээрх үйл явдлуудад “амьдралын үнэн утга байхгүй” гэж тайлбарлан өөрсдийн гэмт үйлдлийг зөвтгөх гэж оролддог.

Гэхдээ энэ үнэн гэж үү? Эхлэл номд хүн төрөлхтний хамгийн гажууд, гэмтэй үйлдлүүд — аллага, завхайрал, хүчирхийлэл, дайн, дээрэм — бүгд бий.