УРАГШ АЛХАХ ЗОРИГ МИНЬ ТА

Үг, Ая: Н.Амартүвшин

Дуучин: Б.Хонгор

Урагш алхах зориг минь Та

Унтрах үед минь гэрэл минь Та

Уулсыг давах итгэл минь Та

Их Эзэн минь Та

Уйлах үед минь тайвшрал минь Та

Унах үед минь түшиг минь Та

Үхлийг ялах итгэл минь Та

Их Эзэн минь Та

Та миний дотор байж,

Сэтгэл зүрхийг минь сэргээдэг

Та амьдралын минь турш

Миний замыг гэрэлтүүлнэ

Та зүрхний минь хүслийг өгч

Урагш алхах хүч минь болсон

Та миний Аврагч Их Эзэн

Есүс Христ би хуулуудыг үгүйсгэхээр ирээгүй харин бүрэн төгс болгохоор ирсэн гэж хэлсэн. Бурханы 10 хуулийн 9 дэх хууль нь худал бүү гэрчил. Зоригтойгоор байгаагаар нь гэрчлэгтүн. Харин энэ бүхэн Эзэний алдрын төлөө байх учиртай. Хэн нэгнийг унагахын төлөө биш.

“Алдаа гаргах нь хүмүүний чанар, аварч өршөөх нь Бурханы чанар” хэмээн нэгэн мэргэн хүн хэлсэн байдаг. Энэ үнэхээр үнэн үг. Учир нь хүмүүс бидний хоорондын харилцаан дундаас хамгийн амаргүй нь бусдаас уучлал гуйх явдал байдаг. Гэхдээ танд дуулгах нэгэн сайн мэдээ надад байна. Юу гэвэл уучлал гэдэг нь бидний сэтгэл санааны болон сүнслэг эдгэрлийн гол түлхүүр, ирээдүйн аз жаргалын гол баталгаа юм. Бурхан уучлалаар дамжуулаад бидний харилцаанд байсан үзэн ядалт, уур хилэнгийн хүлээсийг тасалдаг.

Агуй дотор нуугдсан 5 хаан. Агуй гэдэг язгууртан, хаад ноёдод тохирох орон байр биш шүү дээ. Гэвч энэ үйл явдал МЭӨ 1400 оны үед болсон юм. Дэндүү эртний явдал биш үү? гэж та бодож байж болох юм. Би тантай санал нийлж байна. Гэхдээ л энэ түүхээс өнөөдрийн бидэнд сурах зүйл бий. Эдгээр таван хаад бол Израилийн дайснууд байсан. Израильчууд тэдэнтэй дайтаж ялсан дийлсний дараа Иошуа тэднийг олны нүдэн дээр цаазлахдаа тэдний дайснуудад Бурхан хэрхэн хандахыг тунхаглан харуулсан юм.

Тэгвэл Христэч гэр бүлд аюул занал учруулдаг 5 заналт дайсны тухай би та бүхэндээ сануулан ярьмаар байна.

“Нэг зураг мянган үгтэй тэнцдэг” гэсэн үг бий. Магадгүй 1000-аас ч илүү үгтэй тэнцдэг байх гэж би хувьдаа боддог. Олон зуун жилийн өмнө Бурханы ард түмнийг удирдаж байсан Иоуша ч мөн үүнд итгэдэг байсан бололтой. Тиймээс ч тэрээр өөртэй нь дайтаж байсан 5 хааныг ялан дийлснийхээ дараа тэднийг өвдөг сөгдүүлэн хүзүүн дээр нь гишгэж байгаад цаазалсан байдаг. Үүгээрээ тэр Израильчуудын эсрэг дайтсан дайснуудад Бурхан хэрхэн хандах вэ гэдгийг зураглан харуулсан юм. Иошуа тэдгээр 5 хааныг огт өрөвдөж өршөөгөөгүй юм. Тиймээс ч тэд Израильчуудад дахин гай болж чадаагүй билээ.

Хэрвээ таны амьдралд худал хуурмаг буюу үнэнч шударга бус байдал газар авсан байгаа бол Маккедагийн агуйд нуугдаж байсан 5 хааныг Иошуа чирж гаргаад хүзүүн дээр нь гишгэж байгаад цаазалсан шиг энэ зүйлээсээ бүр мөсөн салах шийдвэр гаргаарай.

“Тиймээс эр хүн эцэг эхээ орхин, эхнэртэйгээ нийлж, хоёул нэг махбод болно.” Ефес 5:31

Бурхан энд эхнэр нөхөр хоёрыг “нэг махбод” гэж хэлээгүй харин “нэг махбод болдог” гэж хэлсэн байгааг та анзаарч байна уу? Энэхүү “нэг махбод болох” гэдэг үйл явц дотор тэс өөр хоёр хүн өөрсдийн зуршил, өв соёл, ёс заншил, зан авир гээд маш олон зүйлсийг хооронд нь уялдуулан нэгтгэх ёстой болдог. Тиймээс эхнэр нөхөр хоёр гэрлэн нэг гэр бүл болох үедээ өөрийн ген, хромосомоос эхлээд үзэл бодол, гэр бүл болон гэрлэлтийн тухай ойлголтууд гэх мэт маш олон зүйлсийг яг л дээс томох мэт хооронд нь нэгтгэх ёстой болдог. Мэдээж тэс өөр хоёр амьдралыг ийнхүү нэг болгох энэ үйл явц дандаа амар хялбар байдаггүй.

Бидний амьдарч буй энэ дэлхий ертөнц Есүс Христийг үгүйсгэдэг гэдгийг бид сайн мэднэ. Харамсалтай нь энэхүү тэрс үзэл нь чуулганууд болон итгэгчдийн дунд ч шургалан орж ирсэн байна. Тиймээс элч Иуда бидэнд энэ ертөнц дээр биднийг хэрхэн амьдрах учиртайг зааж өгсөн байна.

Христэд итгэгч хүмүүс, чуулганууд болон Христэч хөдөлгөөнүүдэд тохиолддог хамгийн эмгэнэлтэй зүйл бол хүмүүс итгэлээсээ буюу Бурханаас холдон одох явдал юм. Тэгвэл элч Иуда бидэнд Бурханы үнэнээс татгалзсан 3 төрлийн хүний тухай, бас Бурханаас холдон оддог 3 төрлийн хүний тухай өгүүлсэн байна.

Хэрвээ Бурхан танд ямар их хайртайг та мэдэх юм бол өөрийн эрхгүй Түүний өмнө өвдөг сөгдөн уйлах болно. Хэдийгээр та өөрөө Бурханы хайрыг мэдэрч чадахгүй байж болох ч Тэр таныг хайрласаар байдаг.