Бидний үйлдэж буй гэм нүгэл бидний үйлдлээр илэрхийлэгдэхээсээ өмнө эхлээд бидний бодол санаанд үйлдэгддэг. Хэрвээ бид уруу татлагыг ялан дийлж, Ариун Сүнсээр удирдуулан амьдрахыг хүсэж байгаа л бол бид оюун санаан дахь тэрхүү тулаанд ялалт байгуулж сурах нь чухал юм. ХАМТДАА нэвтрүүлгийн өнөөдрийн дугаараар бид чухамдаа энэ тухай сурах болно. Таны бодол санаа таны итгэлийн амьдралын амжилттай шууд холоотой юм. Хэрвээ та Ариун Сүнсээр удирдуулан амьдрахыг хүсэж байгаа бол өөрийнхөө бодол санааг хамгаалж сурах хэрэгтэй юм. Ингээд хамтдаа АРИУН СҮНСЭЭР ДҮҮРЭН БАЙДЛАА ХЭРХЭН ХЭВЭЭР ХАДГАЛАХ ВЭ? гэсэн сэдвээр үргэлжлүүлэн сурцгаая.

Бид авралыг авч Бурханы гэр бүлийн гишүүд болох үедээ бидний амьдрал өмнөхөөсөө өөр болох ёстой юм байна гэдгийг ухаардаг. Тиймээс бид өөрсдийнхөө амьдралыг өөрчлөх гэж байдгаараа хичээж эхэлдэг. Харамсалтай нь бидний энэ бүх үйлдлүүд үргэлж бүтэлгүйтлээр төгсдөг. Яагаад гэвэл бид амьдралдаа өөрчлөлтийг өөрийнхөө хүчээр хийх гэж оролддог. Харин Бурхан биднийг Өөрөөс нь ангид юуг ч хийж чадахгүй гэдгийг тодорхой хэлсэн байдаг. Тиймээс ч Бурхан бидэнд Ариун Сүнсээ өгсөн. Тийнхүү Ариун Сүнсний хүчээр бид өөрсдийн хүчээр хийж чадахгүй тэр бүх зүйлсийг хийж чаддаг. Гэхдээ Ариун Сүнсээр удирдууллаа гээд бид огт гэм нүгэл үйлдэхгүй болно гэсэн үг бишээ. Ингээд хамтдаа Др.Чарльз Стэнлийн сургаалд анхаарлаа хандуулцгаая.

Өнөөдөр “дотоод хүч” гэсэн сэдвээр ярьж, зааж сургадаг хүмүүс олон болсон байна. Гэхдээ энэ нь дандаа хүний доторх хүч чадлын талаарх сургаал байдаг. Хүн өөрийнхөө дотоод хүчийг нээж, өөрийнхөө дотоод боломж потенциалыг ашиглах тухай тэд зааж сургадаг.     Харин итгэгч бидний хувьд “дотоод хүч чадал” гэвэл энэ нь бидний өөрсдийн хүч биш харин Ариун Сүнсний хүч чадал юм. ХАМТДАА нэвтрүүлгийн өнөөдрийн дугаараар Др.Чарльз Стэнли бидэнд Ариун Сүнс гэж хэн болох, бидний амьдралд хэрхэн ажилладаг талаар Библи дээрээс иш татан дэлгэрэнгүй заах болно. Хамтдаа Ариун Сүнс бидний дотор хэрхэн хүчтэйгээр ажилладаг талаар, Ариун Сүнс хэрхэн бидний “дотоод хүч чадал” болдог талаар сурцгаая

Өнөөдөр энэ дэлхий дээр хүч чадал эрх мэдлийн төлөөх тэмцэл маш хурцаар өрнөж байна. Хүмүүс эрх мэдэл, хүч чадлын төлөөх тэмцэлдээ юу ч хийхээс буцахгүй болсон тэр нийгэмд бид амьдарч байна. Тэгвэл өнөөдрийн ХАМТДАА нэвтрүүлгээр Др.Чарльз Стэнли Ариун Сүнсний хүч чадлын тухай Библи юу гэж өгүүлсэн байдаг талаар бидэнтэй ярилцах болно.

Бидний амьдралд тохиолдож буй хүнд хэцүү асуудлууд, зовлон бэрхшээлтэй эвлэрч, хүлээн зөвшөөрөхөд үргэлж маш хэцүү байдаг. Тэр тусмаа бид Бурхантай харилцаатай амьдарч, Бурханыг чадах чинээгээрээ дуулгавартай дагаж амьдарсаар байхад бидний амьдралд ийм хүнд хэцүү асуудлууд тохиолдоход бүр ч хэцүү санагддаг. Заримдаа бид зовлон бэрхшээлийг Бурханаас ирж байгаа шийтгэл гэж боддог учраас үүнийг хүлээн зөвшөөрөхөд бидэнд хэцүү байдаг. Харин хэдийгээр Бурхан Өөрийн хүүхдүүдийг сахилгажуулдаг ч бидний амьдралд тохиолдож байгаа хүнд хэцүү асуудал бүхэн бидний гэм нүгэл, буруу алхмын үр дагавар байх албагүй юм. Эсрэгээрээ Бурхан Өөрийнх нь хүслийн дагуу алхаж яваа хүний амьдралд ч зовлон бэрхшээлийг зөвшөөрдөг. Тэгвэл эндээс “яагаад?” гэсэн асуулт гарч ирнэ. Энэ асуултын хариултыг мэдэхийг хүсэж байгаа бол та өнөөдрийн ХАМТДАА нэвтрүүлэгт анхаарлаа хандуулаарай.

Хүмүүс ер нь 20 нас хүрэхийн цагт энэ амьдралдаа чухам юуг хийж бүтээх вэ? гэсэн асуултыг өөрөөсөө асууж эхэлдэг шүү дээ. Тэгээд өөрсдийнхөө амьдралд маш том том төлөвлөгөөнүүдийг зохиож эхэлдэг. Мэдээж тэр бүх төлөвлөгөөнүүд гайхалтай төлөвлөгөө байдаг. Гэхдээ хэрвээ бидний амьдралын төлөвлөгөө Есүс Христтэй холбоогүй байх юм бол бидний төлөвлөгөө, бидний амжилт, бидний зорилго бүгдээрээ мөнхийн үнэ цэнэтэй байж чадахгүй юм. Биднийг Есүсээс бүрэн хамааралтай амьдрах учиртай гэдгийг Есүс Өөрөө бидэнд тодорхой хэлсэн байдаг. Ингэхдээ Есүс усан үзмийн мод болон усан үзмийн модны мөчрөөр жишээ авч тайлбарласан. Усан үзмийн модтой холбоотой мөчир бүр Бурханы өмнө тааламжтай үр жимсийг ургуулж чадна. Ингээд энэхүү сургаал зүйрлэлийг Др.Чарльз Стэнли хэрхэн тайлбарлахыг хамтдаа сонсоцгооё.

Ариун Сүнсний үр жимс бол хайр, баяр баясгалан, амар тайван, тэвчээр, энэрэл, сайн сэтгэл, итгэмж, дөлгөөн зан, өөрийгөө захирахуй юм. Энэ бол Ариун Сүнсээр дүүрэн амьдралаар амьдарч байгаа итгэгчдийн амьдралаар илрэх зан чанарууд юм. “Манай итгэгч биш хөрш ч бас их дөлгөөн сайхан хүн байдаг юм. Манай ажлын газрын итгэгч биш найзууд их баяр баясгалантай хүмүүс байдаг. Манай итгэгч биш найзууд их тэвчээртэй хүмүүс шүү дээ” гэж та бодож байж болох юм. Тэгвэл итгэгч хүний амьдралд байгаа энэ бүх зан чанарууд яг ямар үед илрэх учиртай вэ гэдгийг хамтдаа энэ цагт үзэцгээе

Ариун Сүнсээр дүүрэн итгэгч хүн ямар байдаг вэ? Энэ бол хариулахад амаргүй асуулт. Олон хүмүүс Христэд итгэдэг гэж ярьдаг ч тэдний үйлдэл, тэдний хандлага нь тэдний үг яриатай нийцдэггүй шүү дээ. Тэгвэл өнөөдрийн ХАМТДАА нэвтрүүлгээр Чарльз Стэнли бидэнд “Ариун Сүнсээр дүүрэн амьдрал”-ыг ялгаж таних арга бол ҮР ЖИМС юм хэмээн өгүүлж байна. Өнөөдрийн хичээлээр дамжуулаад бид бидний амьдрал дахь үр жимс нь Ариун Сүнсний үр жимс үү үгүй юу гэдгийг ялгаж салгаж сурах болно. Др.Стэнлийн сургаалд анхаарлаа хандуулахаас өмнө “Үр жимсийг ургуулагч нь бид биш” хэмээх чухал үнэнийг санацгаая. Энэ бол Ариун Сүнсний ажил юм. Ингээд Ариун Сүнсээр дүүрэн амьдрал ямар байдаг вэ? гэсэн сэдвээр хамтдаа сурцгаая.

Бид өөрсдийн амьдралдаа гэр бүл, ажил төрөл, санхүү мөнгө, найз нөхөд гээд олон зүйлд итгэл найдвараа тавьдаг. Харамсалтай заримдаа энэ бүхэн маань хормын доор үгүй болох тохиолдол ч бий. Тэр үед бидний зүрх сэтгэл шархалдаг. Харин өнөөдөр Др.Стэнли бидэнд итгэгч бид өөрсдийн итгэл найдвараа хэн нэгэн хүн эсвэл ямар нэгэн эд, материаллаг зүйл дээр биш ганцхан Бурханд тавих ёстой гэдгийг сануулж байна. Энэ бол Бурханы хүслийн дагуу амьдрах амьдралын хамгийн чухал үнэн юм. Хэрвээ бид Есүс Христтэй харилцах харилцаагаа чухалчлахгүй юм бол, энэхүү харилцаагаа эн тэргүүнд тавихгүй юм бол бид хэзээ ч Бурханы бидэнд бэлдсэн тэр гайхалтай амьдралаар амьдарч чадахгүй. Харин бид бүх зүрхээрээ Бурханд итгэж найдах үед өөр бусад зүйлс бидний Бурхантай харилцах харилцаанд зайгаа тавьж өгдөг. Ингээд хамтдаа Др.Чарльз Стэнлийн ярианд анхаарлаа хандуулцгаая.

Амьдралын аливаа асуудалд түүртэх үедээ бид заримдаа сүнслэг зүг чигээ алдчихсан юм шиг болдог. Гэр бүл дээрээ, ажил албан дээрээ, харилцаан дээрээ гээд олон талбар дээр бидэнд хүнд хэцүү асуудал тулгарах үед бид хаашаа явах ёстойгоо мэдэхээ больчихдог. Бид өмнөө тулгарсан асуудлыг л нэг нэгээр нь барьж аваад байхаас биш асуудлаас урьдчилан сэргийлэх тал дээр тэр бүр алхам хийж чаддаггүй. Үр дүнд нь бидний амьдрал ар араасаа урган гарч ирэх асуудлуудын цуглуулга болж хувирдаг. Харин биднийг ингэж амьдраасай гэж Бурхан хүсдэггүй. Бид хором мөч тутамд өөрчлөгдөж байдаг нөхцөл байдлын аясаар шидэгдэн амьдрах биш харин Бурханы төгс удирдамжид итгэж амьдрах учиртай юм. Хэрвээ бид Сургаалт үгс 3-р бүлэг дээрх энэхүү удирдамжийг дагах юм бол бидний амьдралд тулгарч буй асуудал нэг бүрийг Бурхан хамгийн сайнаар шийдэх болно гэж Др.Чарльз Стэнли гэрчилж байна. Ингээд Др. Чарльз Стэнлийн ярианд анхаарлаа хандуулцгаая.