Та бидний амьдрал Бурханаас ангид байх юм бол энэ ертөнц дээрх хамгийн том бүтэлгүйтэл байх болно. Үнэндээ бидний хэн нь ч Бурханаас ангид энэ амьдралын утга учрыг олж чадахгүй. Бидний амьдрал дахь бүх сайн сайхан зүйлс Бурханы мутарт байдаг.

Хүний хэл гэдэг бол үнэндээ энэ дэлхий дээрх хамгийн аюултай зэвсэг юм. Энэ бол цөмийн зэвсгээс ч илүү хөнөөлтэй зэвсэг. Гэсэн ч хэн ч үүний хор хөнөөлийг бүрэн гүйцэд тайлж ойлгож чадаагүй байна.

Ядуу хоосон байдал ч тэр, эд баялаг ч тэр аль аль нь бидэнд хараал болох боломжтой юм. Сургаалт үгс 30:8-д хэлэхдээ, “Ядуурлыг ч, баян тарган байдлыг ч надад бүү өгөөч” гэсэн байдаг. Тэгвэл ядуурлын асуудалд Бурхан ямар шийдлийг өгсөн байна вэ?

Бид энэ ертөнц дээр амьдарч байгаа гэдэг нь энэ ертөнцийн хүмүүс шиг амьдарч, энэ ертөнцийн сэтгэлгээгээр сэтгэнэ гэсэн үг бишээ. Хэдийгээр итгэгчид бид энэ ертөнц дээр амьдарч байгаа боловч энэ ертөнцийнх бишээ.

Бидний итгэлийн шалгуур бидэнд хатуужлыг өгдөг. Харин хатуужил нь бидний дотор жинхэнэ найдварыг бий болгодог.

Биеийн хөгжил сайтай хүмүүсийн хувьд спортын амжилт гаргах магадлал өндөр байдаг. Харин зарим хүмүүсийн хувьд судалгаа шинжилгээний ажилд илүү дуртай байдаг. Хүмүүс бидний хувьд аль зүйлийг илүү сайн чадаж байна тэр зүйл рүүгээ илүү татагддаг. Бид аль болох олон талын авъяастай, олон талбар дээр ур чадвартай байхыг хичээдэг. Гэтэл заримдаа сул дорой байдал бидэнд ач тустай байдаг гэвэл та итгэх үү? Хачирхалтай сонсогдож байгаа биз?

Бид ихэнхдээ гарцаагүй байдал орсон үедээ л бусдаас тусламж хүсдэг. Харин Чарльз Стэнли өнөөдөр бидэнд ийм хандлага бидний сүнслэг амьдралд хор нөлөөтэй байх боломжтой гэдгийг тайлбарлаж өгөх болно. Ингээд Др.Чарльз Стэнлийн ярианд анхаарлаа хандуулцгаая.

Өнөөдөр эрх чөлөөгөө хасуулсан олон олон хүмүүс шорон, засан хүмүүжүүлэх газарт сууж байна. Тэд бүгд суллагдах өдрөө хоног тоолон хүлээж суугаа. Суллагдах өдөр нь болчихоод байхад сайн дураараа торны цаана суух хүсэлтэй хүн байвал яах вэ? Үнэхээр хачирхалтай хэрэг биш гэж үү? Гэтэл маш олон итгэгчид итгэлийн амьдралдаа үнэндээ яг ийм сонголтыг хийдэг.

Бурхан биднийг гэм нүглийн хүлээснээс чөлөөлсөн байхад маш олон итгэгчид сайн дураараа эрх чөлөөгөө хасуулж, гэм нүгэлд бууж өгдөг. Тэгвэл итгэлийн амьдралын эрх чөлөөгүй байдлаас хэрхэн гарах тухай өнөөдрийн нэвтрүүлгээр бид сурах болно. Аль хэдийн бидэнд өгөгдсөн тэрхүү эрх чөлөөг бүрэн дүүрэн эдлэхийн тулд юу хийх ёстойг хамтдаа сурцгаая.

Таны амьдрал ямар түвшинд байна вэ? гэж асуувал бидний ихэнх нь өөрсдийнхөө ажлын амжилт, гэр бүлийн байдал, санхүүгийн асуудлаа хэлэх байх. Мэдээж энэ бүх зүйлс бидний амьдралын нөхцөл байдлыг тодорхой хэмжээгээр тодорхойлно. Гэхдээ бидний амьдрал яг ямар түвшинд байгааг тодорхойлдог нэгэн чухал хүчин зүйлийг бид тэр бүр анзаардаггүй.

Өнөөдөр Чарльз Стэнли биднийг материаллаг бус харин сүнслэг зүйлст анхаарлаа хандуулж, сүнслэг өнцгөөс амьдралаа олж харахыг уриалж байна. Ингээд хамтдаа Др.Чарльз Стэнлийн ярианд анхаарлаа хандуулцгаая.

1 Петр 1:16 дээр Бурхан хэлэхдээ:

“яагаад гэвэл “Би ариун учраас та нар ариун байгтун” гэж бичигдсэн юм” гэсэн байдаг.

Энэ бол үнэхээр онцгой тунхаглал юм. Бурханы энэхүү онцгой тушаалыг биелүүлэхийн тулд бид эхлээд Бурханы Ариун байдлыг ойлгох ёстой юм. Өнөөдрийн ХАМТДАА нэвтрүүлгээр чухамдаа энэ л сэдвээр Др.Чарльз Стэнли бидэнтэй ярилцах болно.

Бурханы ариун байдлын талаар ярихаар бидний заримынх нь хувьд бага зэрэг эмээх, биеэ барих хандлага ажиглагддаг. Бидний гэмтэй мөн чанар биднийг Бурханы ариун байдлаас жийрхэхэд хүргэдэг гэж ойлгож болно. Гэхдээ ямартай ч Бурхан бидний амьдралд хүрэх үед бид Бурханаас холдох биш харин ч Бурханаар өлсөж цангаж эхэлдэг. Харин тэр цангааг ганцхан ариун Бурхан л Өөрөө тайлах чадалтай билээ.

Есүсийг эрх мэдэлтэйгээр сургаал айлдаж байхыг хараад тухайн үеийн шашны удирдагчид гайхан алмайрч байсан. Есүсийн үйлдэж байсан гайхамшигуудыг хараад хүн бүхэн бахдан биширч байсан. Гэхдээ нөгөөтэйгүүр үүнээс илүүгээр тухайн үеийн дагалдагчидыг гайхшруулж байсан нэг зүйл бол Есүс Бурханыг Өөрийнхөө Эцэг хэмээн нэрлэж байсан явдал юм. Тэдний хувьд Бурханыг Эцэг Бурхан гэж харах ямар ч боломжгүй байсан. Тэд хэзээ ч тэр Ариун Бурханыг өөрсдийнхөө Эцэг Бурхан гэж харж чадахгүй байсан. Өнөөдрийн ХАМТДАА нэвтрүүлгийн энэхүү дугаараар дамжуулаад БУРХАН БОЛ БИДНИЙ ААВ гэдгийг Др.Чарльз Стэнли бидэнд санууж байна. Др. Чарльз Стэнлийн ярианд хамтдаа анхаарлаа хандуулж Бурхан Өөрийгөө бидний Эцэг Бурхан хэмээн илчилсэн тэрхүү гайхамшигтай арга замуудыг олж харцгаая.