Та өмнө нь таны тусламжийг авахыг хүсэхгүй байгаа хүнд туслах гэж оролдож үзэж байсан уу? Таны зөвлөгөө хэрэгтэй байсаар байтал таны зөвлөгөөг авахаас татгалздаг ч юм уу, санхүүгийн хүнд байдалд орчихсон хэрнээ танаас туслалцаа авахыг хүсэхгүй байдаг ч юмуу? Хүмүүс заримдаа бардам зангаасаа болоод бусдын туслалцаанаас татгалздаг. Зарим хүмүүс бүр өөрт нь тусламж хэрэгтэй гэдгийг ч ухаардаггүй. Харин өнөөдөр хүмүүс бид Бурханы өмнө бас яг ийм байдал гаргадаг гэдгийг Др.Чарльз Стэнли бидэнд сануулах болно. Бардам зангаасаа болоод, биеэ даах гэсэн хүслээсээ болоод, эсвэл Бурханы аврал хэрэгтэй гэдгийг ойлгож ухаараагүйгээсээ болоод хүмүүс Бурханы аврал, уучлалаас татгалздаг. Тэгвэл Бурхан ийнхүү тусгаарлагдсан хүнийг хэрхэн Бурхантай эвлэрүүлэх вэ гэсэн сэдвээр Др.Чарльз Стэнли бидэнтэй ярилцах болно. Ингээд хамтдаа Др.Чарльз Стэнлийн ярианд анхаарлаа хандуулцгаая.

Өнөөдөр телевиз радио, ном зохиолд хамгийн ихээр яригддаг сэдэв бол хайр шүү дээ. Хүн бүхэн хайрыг хүсдэг, хүн бүхэн хайрлуулахыг хүсдэг учраас хайр гэдэг өөрөө маш онцгой сэдэв байдаг. Гэхдээ ихэнх хүмүүс хайр гэдгийг зөвхөн өөрийн хүслийг гүйцээх хэрэгсэл мэтээр эндүүрдэг. Харин үнэндээ өөрсдөө ч мэдэлгүйгээр хүсч тэмүүлж байдаг тэр жинхэнэ хайр бол нөхцөл болзолгүй хайр байдаг. Хэзээ ч дуусашгүй, хэзээ ч хувиршгүй хайр байдаг. Энэ бол Бурханы хайр юм. Ингээд Др.Чарльз Стэнлийн “Эерэг сэтгэл хөдлөлийн хүч” цуврал хичээлийн хамгийн сүүлийн хичээл болох “Хайрын хүч” гэсэн сэдвээр хамтдаа сурцгаая.

Танд яахаа мэдэхгүй, хаашаа явахаа мэдэхгүй болох үе тохиолдож байсан уу? Ирээдүйд юу хүлээж байгаа бол гэхээс айж, илүү аюулгүй, илүү найдвартай замыг сонгож, үүгээрээ Бурханы танд бэлдсэн төлөвлөгөөнөөс ухарч байсан тохиолдол бий юу? Израйлчууд ч бас ийм байдалд орж байсан. Тэд Бурханы амласан тэр газар луу ойртон ирэх үедээ Бурханы амлалтанд итгэхийн оронд өмнөө байсан дайснуудаас айж эмээж байсан. Тэд айдастаа автах үедээ Бурханы өөрсдөд нь өгсөн амлалтыг мартсан. Тэгвэл бид Израйлчууд шиг ийм алдаа гаргахгүйн тулд яах ёстой вэ? Энэ асуултын хариултыг бид Иошуа 1-р бүлэг дээрээс авах болно. Ингээд хамтдаа Др.Чарльз Стэнлийн ярианд анхаарлаа хандуулцгаая.

Христэд итгэгч хоёр айл байжээ. Тэр хоёр айл нас чацуу хоёр хүүтэй байж. Харамсалтай нь тэр хоёр хүү осолд орж амиа алдсан байна. Нэг гэр бүл нь тэр аймшигт үйл явдлаас болж уй гашууд автаж улмаар уур уцаар хилэн хорсолд автжээ. Үүнээс болоод тэдний гэр бүлийн амьдрал маш хүнд байдалд орсон байна. Харин нөгөө гэр бүл нь хэдийгээр уй гашууд автаж, шаналж зовсон ч тэр бүх зовлон дунд амартайван дүүрэн, хүү нь Бурхантай хамт байгаа гэсэн итгэл найдвар, баяр хөөрийг тээн хүнд хэцүү цагийг даван туулсан гэдэг. Энэ хоёр айлын хувьд яг адилхан үйл явдал тохиолдсон ч нэг гэр бүл нь Эзэнд итгэх итгэл дотроо улам хүчирхэгжсэн бол нөгөө гэр бүл нь сүйрлийн ирмэгт очсон юм. Тэгвэл яагаад ийм байдал үүссэн юм болоо? Энэ асуултын хариултыг бид өнөөдрийнхөө хичээлээр олж мэдэх болно. Бид Бурханд бүх анхаарлаа хандуулах үед нөхцөл байдлаас үл хамааран Бурханы баяр хөөр бидний хүч чадал болдог. Ингээд хамтдаа Др.Чарльз Стэнлийн “Баяр хөөрийн хүч чадал” сэдэвтэй сургалд анхаарлаа хандуулцгаая.

Хамтдаа Иаков 1:2-3-г гаргаад уншицгаая. “Ах дүү нар минь, элдвийн сорилтод орохдоо үүнийг бүрэн баяр хөөр гэж үз. Итгэлийн чинь шалгуур хатуужилд хүргэдгийг та нар мэдэх билээ.”Хамтдаа Иаков 1:2-3-г гаргаад уншицгаая. “Ах дүү нар минь, элдвийн сорилтод орохдоо үүнийг бүрэн баяр хөөр гэж үз. Итгэлийн чинь шалгуур хатуужилд хүргэдгийг та нар мэдэх билээ.” Бид зовлон бэрхшээл дунд яаж баяр хөөртэй байх юм бэ? Ийм зүйл байх боломжтой гэж үү? Эсвэл энэ зүгээр л онолын ойлголт уу?  Өнөөдөр Др.Стэнли бидэнд баяр хөөр гэдэг бидний хувьд онолын ойлголт биш харин бодит амьдрал байх боломжтой гэдэг талаар хуваалцах болно. Ингээд хамтдаа “баяр хөөрийн хүч чадал” гэсэн сэдвээр сурцаая. Др.Чарльз Стэнлийн ярианд анхаарлаа хандуулцгаая.

Амьдралын нугачаа бартаан дунд ядарч туйлдах үе танд гарч байсан уу? Заримдаа бид энхэл донхолтой амьдралын замаар нэг өгсөн, нэг уруудаж явсаар ядарч туйлдаж орхидог шүү дээ. Нэг өдөр нь урам зоригоор дүүрэн байж, Бурханд, Бурханы төлөвлөгөөнд итгэж найддаг. Гэтэл маргааш нь ямар нэгэн таагүй зүйл тохиолдож урам хугарч, ирээдүйдээ итгэлгүй нэгэн болж хувирдаг. Өнөөдөр Др.Стэнли бидэнд Филиппой 4:13 дээр элч Паулын хэлсэн “Намайг хүчирхэгжүүлэгч Түүгээр би бүгдийг хийж чадна” гэсэн үгийн дагуу хэрхэн Эзэн дотор өөртөө итгэлтэй, урам зоригтой байх вэ гэдэг талаар хуваалцах болно. Паулын ингэж итгэлтэй байсан шалтгаан нь юу байсан юм болоо? Бид тэр эх сурвалжтай хэрхэн холбогдож чадах вэ? Хамтдаа Др.Чарльз Стэнлийн өнөөдрийн сургаалд анхаарлаа хандуулж, урам зоригтой, өөртөө итгэлтэй байхын эерэг нөлөөний талаар сурцгаая.

Бурхан бидэнд сэтгэл хөдлөлийг өгөхдөө бидний тусын тулд өгсөн. Харамсалтай нь бид заримдаа сэтгэл хөдлөлдөө хэт автаж, амьдралаа сэтгэл хөдлөлөөрөө удирдуулчихсан явж байх үе ч гардаг. Уур хилэн, атаа хорсол, атаархал, ганцаардах, эргэлзээ, айдас энэ бүхэн биднийг маш амархан эзэмдэж, бидний амьдралын жолоог гартаа авч, биднээс гэм нүгэл үйлдүүлдэг. Гэхдээ нөгөөтэйгүүр бидэнд бас Бурханаас өгсөн эерэг сэтгэл хөдлөлүүд гэж бий. Эдгээр эерэг сэтгэл хөдлөл нь биднийг сүнслэг өсөлт рүү хөтөлдөг. Өнөөдрөөс эхлэн бид, бидэнд хүчийг өгдөг эерэг сэтгэл хөдлөлүүдийн талаар цувралаар үзэх болно. Энэхүү цуврал хичээлүүдээр дамжуулан бид өөрсдийнхөө сэтгэл хөдлөлийг илүүтэйгээр таньж мэдэн, тэрхүү эерэг сэтгэл хөдлөлүүдийн үр ашгийг нь хүртэх болно. Ингээд хамтдаа цуврал хичээлийнхээ эхнийх нь болох “Урам зоригтой, өөртөө итгэлтэй байхуйн эерэг нөлөө”-ний тухай авч үзэцгээе.

Бидний хүн нэг бүрийн дотор мөс чанар байдаг боловч бидний мөс чанар дахь ёс суртахууны хэм хэмжээ өөр хоорондоо ялгаатай байдаг. Өнөөдрийн хичээлээр Др. Стэнли бидэнд, бидний мөс чанар бол маш үр нөлөөтэй аюулгүйн дохиоллын систем байдаг юм байна гэдгийг ойлгуулах болно. Хэрвээ бид Бурхан үг болон Бурханы үгээс ирэх тэр үнэнд анхаарлаа хандуулалгүйгээр энэ нийгмийн үнэлэмжинд анхаарлаа хандуулах юм бол бидний мөс чанар мэдрэх чадвараа аажимаар алдаж эхэлдэг. Ийм байдал удаан үргэлжилбэл сүүл сүүл рүү гээ биднийг гэм нүглийн аюулаас хамгаалах дохиолол өгөхөө бүр мөсөн зогсдог. Тиймээс бид мөс чанараа цэврээр хадгалан амьдрах нь маш чухал юм. Тэгвэл хэрхэн мөс чанараа цэврээр хадгалах вэ гэдгийг хамтдаа өнөөдрийн хичээлээр үзэцгээе.

Хүмүүс өөрсдийнхөө орон гэр, албан байгууллагыг аюулаас хамгаалах гэж маш их хөрөнгө мөнгө зарцуулдаг. Зарим нь бүр гадны хүн нэвтрэхэд эсвэл гал түймэр гарахад маш чангаар дохио өгдөг дохиоллын систэм суулгадаг. Хэрвээ ийм дохиолол чинь дуугарсаар байхад үл тоовол юу болох вэ? Маш их хохирол амсана шүү дээ. Тэгвэл өнөөдөр заримдаа хүмүүс өөрсдийнхөө дотор дугарч буй аюулын дохиог огт сонсдоггүй харамсалтай. Бидний мөс чанар бидний дотроос аюулын дохиог дэлдээр байтал бид үл тоон явсаар өөрсдийгөө маш хүнд байдалд оруулдаг. Тэгвэл бид ийм байдалд орохгүйн тулд юу хий ёстой вэ?  Бид өөрсдийнхөө дотор цэвэр мөс чанарыг хэрхэн суулгаж, мөс чанараа хэрхэн цэврээр нь хадгалах тухай өнөөдөр бид үзэх болно. Ингээд Др.Стэнлийн хичээлд анхаарлаа хандуулцгаая.

Иохан 15-р бүлэг дээр Эзэн Есүс Өөрийнхөө дагалдагчидиг “анд нөхөд” хэмээн дуудсан байдаг. Гэхдээ Есүс зөвхөн дагалдагч нараа л анд нөхдөө болгосон юм бишээ. Хэдийгээр Түүнийг хараагүй ч, Түүнийг Аврагчаа болгон хүлээн авсан тэр бүх хүмүүсийн хувьд Есүс Христ бол дотны анд нөхөр нь юм. Есүс Христтэй харилцах бидний харилцаа эргээд бидний бусадтай харилцах харилцаанд нөлөөлж байдаг гэдгийг та мэдэх үү? Та хариу нэхэлгүйгээр бусдад өгч, бусдыг нөхцөл болзолгүйгээр хүлээн авч, бусдад нээлттэй, шударгаар хандаг тийм анд нөхөр байж чаддаг уу? Есүс Христийн зан чанарыг бусдад тусган харуулж чадсан тэр анд нөхөр байж чаддаг уу? Өнөөдрийн сургаалыг сонсон суухдаа та өөрийнхөө Есүс Христтэй харилцах харилцааг болон бусадтай харилцах харилцаагаа эргэцүүлэн нэг бодоорой.