Өнөөдөр бид “Сүм чуулган доторх ноцтой асуудлыг шийдэх нь” гэсэн сэдвээр үргэлжлүүлэн үзэх болно. Дайны хажуугаар дажин гэдэгчлэн бидний нийгэм дээр, бидний улс оронд тохиолдож буй ноцтой асуудлуудын хажуугаар бидний сүм чуулганд ч гэсэн цочирдмоор зүйлс тохиолддог шүү дээ. Энэ тохиолдолд сүм чуулган тэр асуудлыг заавал шийдвэрлэх хэрэгтэй болдог. Хэрвээ бид энэ асуудлыг шийдвэрлэхгүй юм бол чуулганд илүү их хохирол учрах боломжтой гэдгийг бид өнөөдрийн хичээлээрээ үзэх болно. Өнөөдрийн хичээлээр бид ийм ноцтой асуудал гаргасан итгэгч ахан дүүстэйгээ хэрхэн харилцах ёстой талаар дэлгэрэнгүй авч үзэх болно.

Сүм чуулган дотор ноцтой асуудал гарах нь цөөнгүй байдаг. Сүм чуулганд хамрагддаг итгэгчид аймшигтай гэм нүгэл үйлдэх, ноцтой алдаа зөрчил гаргах тохиолдолд бид үүнийг хэрхэн шийддэг вэ? Библи дээр үүнийг хэрхэн шийдэх ёстой гэж заасан байдаг вэ? Өнөөдөр энэ тухай Др.Чарльз Стэнли бидэнд Библийн үндэстэйгээр заах болно. Бид Шинэ гэрээний 1 Коринт номоос сүм чуулганд гарсан ноцтой асуудлыг элч Паул хэрхэн шийдэж байсан тухай үзэх болно. Ингээд хамтдаа Др.Стэнлийн хичээлд анхаарлаа хандуулцгаая.

Танд бэлдсэн Бурханы төлөвлөгөөг та мэдэх үү? Тэр төлөвлөгөөнд хүрэлгүйгээр зогсчихсон байгаа юм биш биз? Бид юун түрүүнд Бурхан төлөвлөгөө гэдэг нь чухам юу болохыг олж мэдэх хэрэгтэй. Ефес номын 2-р бүлэг дээрээс Бурханы бидэнд хандсан төлөвлөгөө бол бид “сайныг үйлдэх” явдал юм байна гэдгийг бид олж харж чадна. Бид өөрсдийн сайн үйлсээрээ авралыг олж авч чадахгүй ч авралыг авсан бидний хувьд сайн үйлс гэдэг нь өөрөө бидний амьдралын салшгүй хэсэг болохыг бид ойлгох хэрэгтэй. Христэд итгэгч бид сайн үйлсээрээ аврагдаагүй ч сайн үйлсийн төлөө аврагдсан гэдгийг өнөөдрийн хичээлээрээ Др.Чарльз Стэнли бидэнд ойлгуулж өгөх болно.

Бурханд итгэсэн бүх хүмүүст Бурхан онцгой төлөвлөгөөг бэлдсэн байгаа гэдгийг Библи онцлон хэлсэн байдаг. Анхан үеийн Христэд итгэгчидэд ч ялгаагүй, өнөөдрийн та бидэнд ч ялгаагүй Бурхан тэрхүү төлөвлөгөөг өгсөн байгаа. Бид бүгдийн амьдрал бүгд өөр хоорондоо ялгаатай. Гэхдээ Бурханы энэ зорилго бидэнд ялгаагүй хамаатай байдаг. Тэгвэл итгэгч хүн нэг бүрт хандсан Бурханы төлөвлөгөөг бидэнд тайлбарлан ойлгуулах Др.Стэнлийн хичээлд энэ цагт та анхаарлаа хандуулаарай.

Хүн нэг бол Бурханы хүслийн дагуу амьдардаг, эс бол өөрийн “махан биеийн” хүслийн дагуу амьдардаг шүү дээ. Ингээд хамтдаа Др.Стэнлийн “Махан биеийн үйлс”-н тухай өгүүлэх өнөөдрийн сургаалд анхаарлаа хандуулцгаая.

Амьдралдаа хэрэгтэй зүйлсийг олж авахын тулд бид Бурханы урдуур орж өөрсдийнхөө хүслийн дагуу алхам хийх тохиолдол бидэнд цөөнгүй гардаг. Үр дүнд нь бидний амьдралд улам илүү асуудал бэрхшээл бий болдог шүү дээ. Др.Чарль Стэнлийн сургаалаар бэлтгэн хүргэдэг ХАМТДАА радио цуврал хичээлийн маань энэ удаагийн дугаараар бид “махан биеийн хүслийн дагуу алхах” гэдг нь яг ямар утгатай болохыг авч үзэх болно.

Бидний амьдралд зовлон бэрхшээл тулгарах нь зайлшгүй юм. Нөгөөтэйгүүр энэ нь бидний амьдралд ямар анхааруулга, ямар сануулагүйгээр ирдэг. Гэнэт ирдэг. Гай газар доороос гэж бид ярьдаг шүү дээ. Зовлон биднийг сульдааж чаддаг. Бас хүчирхэгжүүлж ч чаддаг. Асар их уур хилэнгийн үндэс болох нь ч бий. Баяр хөөрийн шалтгаан болох нь ч бий. Бидний итгэлийг нураах зэвсэг болох ч боломжтой, бидний итгэлийг батжуулах хэрэгсл болох ч боломжтой юм. Өнөөдрийн сургаалаар бид зовлонгийн үр дүн нь зовлонгийн эх үүсвэртээ биш харин зовлонгийн хариул үзүүлж байгаа бидний үйлдэл, бидний хандлагад байдаг юм байна гэдгийг сурах болно.

Бидий амьдралд гай зовлон тохиолдох үед бид ихэвчлэн “яагаад заавал надад ийм зүйл тохиолдов?”, “хэн үүнд буруутай вэ?”, “би одоо юу хийх вэ?” гэсэн бодолд автдаг. Ингэж асуух нь буруу зүйл бишээ. Гэхдээ Др.Стэнли бидэнд хамгийн чухал асуулт болох “энэ асуудалд би ямар хариу үйлдэл үзүүлэх вэ?” гэсэн асуултанд ямар хариу өгөх ёстойг бидэнд заах болно. Бид энэхүү цувралаараа бидний итгэлийг, бидний тэвчээрийг, бидний зориулалтыг хамгийн ихээр батжуулж хурцалж өгдөг Бурханы гол хэрэгслүүдийн нэг болох “зовлон”-гийн талаар үзэж байгаа шүү дээ. Хамтдаа “зовлон дунд ч урагш давших” тэр зарчимын талаар үзэцгээе.

Зовлон, шаналал, саад бэрхшээлээр дамжуулан Бурхан бидний зан чанарыг барьж байгуулахыг хүсдэг. Магадгүй таны дотор “над шиг зовж байгаа өөр хүн байна уу? ийм их зовлон дунд Бурханыг магтаж чадах хүн байх уу?” гэсэн бодол төрж байж болох юм. Өнөөдрийн сургаалаараа Др.Стэнли бидэнд аймшигтай хэцүү зовлонг туулан гарсан ч нөхцөл байдалдаа ялагдаж бууж өгөөгүй тэр нэгэн хүний тухай өгүүлэх болно.

Ихэнх Христэд итгэгчид амьдралдаа нэг зүйлийг эндүүрч явдаг. Тэд хэрвээ сүнслэг амьдралдаа тодорхой нэг түвшинд хүрчих юм бол ямар ч зовлонгүй, дандаа амар тайван, аз жаргалтай амьдрах болно гэж боддог. Харин Др.Стэнли бидэнд арай өөр зүйлийг өгүүлж байна. Үнэндээ Бурхан бидний тохь тухаас илүүгээр бидний зан чанарыг барьж байгуулахыг илүү хүсдэг. Хамгийн сүүлд бид зовлон бэрхшээлийн талаар 9 чухал зүйлийг үзсэн. Харин өнөөдөр 2Коринт 12-р бүлгээс эдгээр дээрээс нэмж хэд хэдэн зүйлсийг суралцах болно. Та эдгээр зарчмуудыг суралцаж, эдгээр үнэнүүдийг амьдралынхаа салшгүй хэсэг болгох юм бол тэр цагт та “зовлон дунд ч урагш амжилттайгаар давших” болноо.