Хуучин гэрээн дээр Бурханыг Эл Шаддай, Элохим, Яаве гэх мэтээр гайхамшигтай сүр жавхлантайгаар нэрлэсэн байдаг. Бурханд чин сүсэгтэй Еврейчүүд Бурханы нэрийг асар их хүндлэн дээдэлдэг байсан учраас Бурханы нэрийг амаараа хэлж ч зүрхэлдэггүй байсан. Гүүш бичээч нар Бурханы үгийг хуулж бичихдээ Бурханы нэрийг бичихдээ гараа угааж байгаад бичдэг байсан. Гэтэл Есүс бидэнд Бурханыг цоо шинэ байдлаар танилцуулсан юм. Есүс Бурханыг ямагт “Эцэг” хэмээн нэрлэж байсан. Өнөөдрийн ХАМТДАА нэвтрүүлгийн энэ дугаараар Др.Чарльз Стэнли бидэнд Христэд итгэгч хүн нэг бүр Бурханыг Ааваа, Эцэг минь хэмээн дуудах бүрэн эрхтэй гэдгийг дахин сануулж байна. Ингээд хамтдаа “Бурхан бол бидний Аав” гэсэн сэдвээр сурцгаая.

Христэд итгэгч хүмүүсээс Бурхан гэж таны хувьд хэн бэ гэж асуухаар тэд ихэвчлэн “Бурхан бол хайр” гэж хариулдаг. Мэдээж Бурхан бол хайр. Биднийг хайрласан Бурханы хайр хэзээ ч дуусдаггүй. Гэхдээ биднийг хайрласан Бурханы хайр бидний амьдралд Бурханы мэргэн ухаан, хүч чадал, шударга зөвт байдлаар дамжуулан илэрдэг. Бид Бурханыг илүү их таньж мэдэх тусам Бурханыг таньж мэдэх зүйл бидэнд ямар их байгаа болохыг олж хардаг. Харин ХАМТДАА радио цуврал хичээл маань ч чухамдаа энэ л зорилгын төлөө оршиж байдаг юм. Өнөөдөр Чарльз Стэнли бидэнд Бурханы сайн чанарын илрэл гэсэн сэдвээр та бүгдтэй хуваалцах болно. Хамтдаа энэ цагт Бурханы өршөөл, нигүүлсэл хайрын тухай илүү дэлгэрэнгүй үзэцгээе.

Олон хүмүүс “Би хүртэх ёстой зүйлээ авмаар байна” гэж ярьдаг. Ихэнхдээ өөрсдийгөө илүү сайн, илүү дээр зүйл хүртэх эрхтэй гэж итгэсэн хүмүүс ингэж хэлдэг. Харин сүнслэг талаасаа бол та бидний хувьд “хүртэх ёстойгоо хүртэх” гэдэг тийм ч таатай зүйл биш юм.

Ефес 2:4-5 дээр хэлэхдээ

[4] “биднийг хайрласан аугаа хайраараа өршөөлөөр баян Бурхан маань

[5] “алдаа зөрчил дотроо үхсэн биднийг Христтэй хамт амьд болгосон юм. Та нар нигүүлслээр аврагдсан билээ” гэж хэлсэн байдаг.

Энэ бол Бурхан сайн чанарын нэгэн илрэл юм. ХАМТДАА Библийн радио хичээлийн өнөөдрийн дугаараараа бид чухамдаа энэ л сэдвээр буюу БУРХАНЫ САЙН ЧАНАРЫН ИЛРЭЛ гэсэн сэдвээр үзэцгээх болно. Ингээд хамтдаа Др.Чарльз Стэнлийн ярианд анхаарлаа хандуулцгаая.

Дуулал 100-р бүлгийн 5-р ишлэл дээр, “Эзэн сайн сайхан бөгөөд Түүний хайр энэрэл мөнхийнх, Түүний итгэмж нь үеийн үед билээ” гэсэн байдаг. Энэ бол Бурханы өөрчлөгдөшгүй төгс чанарыг илэрхийлсэн Библийн олон ишлэлүүдийн ердөө л нэг нь. Бидэнд болон бидний эргэн тойронд юу ч тохиолдож байсан Бурхан өөрчлөгдөшгүй хэвээрээ байдаг. Гэтэл Бурханы өөрчлөгдөшгүй мөнхийн чанар бол Бурханы агуу гайхамшигтай чанаруудын ердөө л нэг нь гэдгийг Чарльз Стэнли бидэнд сануулж байна. Бурхан нөхцөл байдлаас хамаарч өөрчлөгддөггүй, цаг хугацаанд хязгаарлагддаггүй, орон зайд баригддаггүй. Тэгвэл Бурханы энэ агуу чанарууд бидний амьдралд ямар нөлөө үзүүлэх вэ? Энэхүү асуултанд хариулж буй Др. Чарльз Стэнлийн хариултанд хамтдаа анхаарлаа хандуулцгаая.

Петр Иохан, Иаков 3 Есүс Христийг уулан дээр хэрхэн хувирч өөрчлөгдөхийг нүдээрээ харсан байдаг. Тэд Есүсийн сүр жавхланг нүдээрээ харж гайхан биширч байсан. Нөгөөтэйгүүр тэрхүү уулнаас буугаад Есүс хэрхэн эгэл жирийн хүмүүсийн дунд ажиллаж амьдарч байгааг ч бас тэд нүдээрээ харсан билээ. Бид Бурханы агуу чанарыг таньж мэдэхийн тулд ямар нэгэн ер бусын зүйлийг мэдэрч, ямар нэгэн хүчтэй оршихуйд орох ёстой гэж эндүүрдэг. Гэтэл үнэн хэрэгтээ бидний өдөр тутмын эгэл жирийн амьдрал дунд Бурхан хэрхэн хүчирхэг оршихуйгаараа бидэнтэй хамт байгааг олж харах нь хамгийн чухал юм. Ингээд “Бурханыг таньж мэдэхийн давуу тал” хэмээх цуврал хичээлийн хүрээнд Бурханы агуу чанаруудын талаар хамтдаа сурцгаая.

Дуулал 19 дээр “Тэнгэр нь Бурханы сүр жавхланг зарлаж, Огторгуй гарынх нь бүтээлийг тунхаглаж байна” гэсэн байдаг. Бурханы бүх бүтээлүүд Бурханыг оршин байдаг гэдгийг гэрчлэн тунхаглаж байдаг гэж Библи бидэнд хэлдэг. Тиймээс Бурханд итгэхгүй байх шалтаг бидэнд байхгүй. Хэдий тий боловч үй олон хүмүүс Бурханыг таньж мэдэх мэдлэгээс зориудаар татгалзан амьдарсаар байна. Гэхдээ үүнийхээ үр дагаварыг тэд бүгд амсдаг. ХАМТДАА нэвтрүүлгийн өнөөдрийн дугаараар Чарльз Стэнли бидэнд, Бурханд итгэж, Бурханыг таньж мэдэхээс зориудаар татгалзах үед тухайн хүнд юу тохиолддог тухай өгүүлэх болно. Ингээд хамтдаа Чарльз Стэнлийн ярианд анхаарлаа хандуулцгаая.

Энэ дэлхий дээр Бурхан байдаг гэдэгт итгэдэггүй хүмүүс маш олон байдаг. Тэд байгаль дэлхийн гоо үзэсгэлэнг харахдаа энэ бүхэн хэрхэн бий болсон тухай янз бүрийн хачин сонин онолыг дэвшүүлдэг. Харин үнэн хэрэгтээ орчлон ертөнц нь Бурханы гайхамшигтай бүтээлийн үр дүнд бий болсон шүү дээ. Өнөөдрийн ХАМТДАА нэвтрүүлгээр Чарльз Стэнли бидэнд “БУРХАНЫГ ТАНЬЖ МЭДЭХИЙН ДАВУУ ТАЛ”-ын тухай болон онцгойлоод Бурханыг таньж мэдэх энэ боломжийг хүмүүс хэрхэн алддаг тухай өгүүлэх болно. Хүн бүрийн дотор зөвхөн Бурханаар л дүүргэгдэх тэрхүү өвөрмөц оронзай гэж бий. Зөвхөн Бурханаар л дүүргэгдэх тэрхүү хэрэгцээ гэж бий. Харин хүмүүс Бурханыг таньж мэдэхээс татгалзаж, Бурханыг оршин байдаг гэдгийг хүлээн зөвшөөрөхөөс татгалзах үедээ Бурханыг танжь мэдэх боломжоо алдаж, тэрхүү хоосон оронзайгаа тээсээр амьдралаа дуусгадаг. Ингээд Бурхан бидэнд Өөрийгөө хэрхэн илчилсэн тухай Др.Стэнлийн сургаалд анхаарлаа хандуулцгаая.

Та Бурханыг таньж мэдэхийг хүсэж байна уу? Бурханыг илүү ойр дотно таньж мэдэхийг хүсэж байна уу? Ихэнх итгэгчид энэ асуултанд ямар ч бодолгүйгээр “тийм” гэж хариулах байх. Гэтэл үнэндээ биднээс хэд нь Бурхантай ийм дотно танилцахын тулд цаг заваа зориулахад бэлэн байдаг билээ дээ? Өнөөдөр бид Чарльз Стэнлийн сургаалаар бэлтгэн хүргэдэг ХАМТДАА радио цуврал хичээлээрээ “Бурханыг таньж мэдэхийн давуу тал” юу болохыг, мөн “Бурханыг таньж мэдэхийн давуу талыг бид хэрхэн ашиглах учиртай болохыг хамтдаа үзэх болно. Бурхан Өөрийн хүүхдүүддээ хайртай. Гэхдээ бид Бурхантай ойр дотно нөхөрлөхийн тулд Бурханы үг болох Библиэс судалж, Бурханд хандан залбирч, залбирлаараа Бурханыг эрэн хайдаг байх хэрэгтэй. Тэгвэл та Бурхантай ойр дотно нөхөрлөхийн тулд зориулалт гаргахад бэлэн байна уу? Хэрвээ таны дотор энэ хүсэл байгаа бол Др.Стэнли таны энэ хүсэлд тус болох 4 чухал алхамыг өнөөдөр танилцуулах болно.

Бид ихэвчлэн амьдралын аар саар асуудлуудад санаа зовсоор хамаг цагаа бардаг. Бид тохиромжтой хувцасласан эсэхтээ, биеэ зөв сайн авч явж чадаж байгаа эсэхтээ санаа зовдог. Бид гадаа байдалдаа маш их анхаарч, шаардлагатай тохиолдолд гоё сайхан харагдахын тулд идэх хоолоо хүртэл хорьдог. Мэдээж гадаад үзэмжиндээ анхаарах нь чухал. Гэхдээ бидэнд үүнээс ч илүү анхаарвал зохилтой зүйл гэж бий. Чухамдаа энэ зүйлийн тухай өнөөдөр Др.Чарльз Стэнли бидэнтэй хуваалцах болно. Өнөөдөр Др.Чарльз Стэнли бидэнд энэ амьдралд маань хамгийн чухал зүйл болох Бурханыг таньж мэдэх тэр мэдлэгийн тухай өгүүлэх болно.

Бурхан Еден цэцэрлэгт Адам Ева хоёрыг бүтээх үед бүх зүйл төгс сайхан байсан. Адам Ева хоёрын хувьд Бурхантай харилцах төгс харилцаатай байсан. Харин тэд Бүтээгч Бурханыхаа эсрэг гэм нүгэл үйлдэх үед тэдний энэ төгс харилцаа холбоо тасарсан. Бурхантай харилцах энэхүү тасарсан холбоогоо хэрхэн сэргээх ёстойг Адам Ева хоёр мэдэхгүй байсан. Бидний хувьд ч гэсэн адилхан. Бид Бурхантай хэрхэн эвлэрэх вэ гэдгийг мэддэггүй. Харин ганцхан Бурхан Өөрөө л биднийг Өөртэйгөө эвлэрүүлэх чадалтай юм. Тэр биднийг “тусгаарлалтаас эвлэрүүлэл рүү” хөтөлдөг. Тэгвэл Бурхантай эвлэрнэ гэдэг чухам юу болох талаар хамтдаа өнөөдрийн хичээлээр сурах болно. Ингээд Др.Чарльз Стэнлийн сургаалд анхаарлаа хандуулцгаая.