Итгэлийн амьдралдаа маш олон итгэгчид “сүнслэг цөл” гэж хэлж болохоор тэр замыг туулж үзсэн байдаг. Бурханыг магтаж хүндлэх хүсэлгүй, залбирах сонирхолгүй, сүнслэг баяр хөөргүй болчихсон байх үе итгэгч хүмүүст тохиолддог. Мэдээж ийм үед ч Бурхан бидэнтэй хамт байдаг. Гэхдээ бид Бурханы оршихуйг мэдэрдэггүй шүү дээ. Тэгвэл итгэгч хүмүүс яагаад ийм байдалд ордог юм болоо?

Өнөөдөр Др.Стэнли бидэнд сүнслэг цөл дундах итгэл найдварын баян бүрдийг зааж өгөх болно. Сүнслэг өсөлт, эрч хүч, Бурхантай харилцах ойр дотно харилцаа Эзэнийг эрэлхийлэхээс эхэлдэг гэдгийг бид өнөөдөр энэ цагт үзэх болно.

Өнөөдөр бид “Эзэнийг эрэлхийлэх нь” гэсэн сэдвээр хамтдаа үзэх болно. Өнөөдөр та Бурханд чухам ямар хандлагаар хандаж байна вэ гэдгээ нэг бодоод үзээрэй. Та Есүс Христийг чин сэтгэлээсээ эрж хайж байна уу? Эсвэл та өөр бусад зүйлс рүү сатаараад энэ эрэл хайгуулаасаа буцчихсан явж байна уу? Өнөөдрийн Чарльз Стэнлийн сургаалыг сонсонгоо та өөрийнхөө амьдралыг, өөрийнхөө хандлгыг эргээд нэг хараасай гэж хүсэх байна. Ингээд Др.Чарльз Стэнлийн ярианд анхаарлаа хандуулцгаая.

Бид бүгд амьдралд нь залбирлын дэмжлэг зайлшгүй хэрэгтэй хэн нэгэн хүнийг мэднэ шүү дээ. Таны найз нөхөр, гэр бүлийн гишүүн, ажлын газрын хүн, таны ахлагч удирдагч гээд хэн бүхэнд таны залбирлын дэмжлэг зайлшгүй хэрэгтэй. Харин тэдний төлөө хэрхэн үр нөлөөтэй залбирах вэ гэдгийг та мэдэх үү? Ямар ч нөхцөл байдал дунд Бурханы хүч чадлыг дүүрнээр буулгах чадалтай тэр хүчирхэг залбирлыг та мэдэх үү?

Өнөөдр Др.Стэнли Колоссай номын 1-р бүлэг дээрх элч Паулын залбирлаар дамжуулан тантай энэ гайхалтай нууцыг хуваалцах болно. Хэрвээ та бусдын амьдралд залбирлаараа дамжуулан хүрэхийг хүсэж байгаа бол энэ цагт анхаарлаа хандуулаарай.

Бурханы үгээр бусдын амьдралыг өөрчилдөг ХАМТДАА Библийн цуврал хичээлийн энэ удаагийн дугаар ийнхүү эхэлж байна. Та хэн нэгэн хүний төлөө залбирахдаа тэр хүний амьдралд бодитойгоор хөрөнгө оруулалт хийж байдаг гэдгээ мэддэг үү? Гэр бүлийнхээ төлөө, найз нөхдийнхөө төлөө тасралтгүй залбирах таны залбиралд тэдний амьдралыг өөрчлөх хүч байдаг юм. Тэгвэл та чухам юуны төлөө залбирах хэрэгтэй вэ гэдгийг мэддэг үү?

Та хүний амьдралыг өөрчлөх хүчтэй тэр залбирлаар залбирч чаддаг уу? Өнөөдөр Др.Стэнли эртний нэгэн чуулганы төлөө залбирч байсан элч Паулын залбирлаар дамжуулаад бидэнд амьдралыг өөрчлөх хүчтэй тэрхүү залбирлын нууцыг дэлгэх болно. Колоссай номын 1-р бүлэг дээр гардаг Паулын энэ залбирал бол үр нөлөөтэй залбирахыг хүсдэг хүн бүрийн хувьд загвар болсон залбирал юм. Ингээд бидэнтэй хамт байж Др.Чарльз Стэнлийн сургаалд анхаарлаа хандуулаарай.

Өнөөдөр Др.Чарльз Стэнли бидэнд Христийн амилалтад итгэх болон үл итгэхийн үр дагаварын талаар өгүүлэх болно. Үүний тулд эхлээд бид Христийн амилалтын баталгааны тухай үзэх болно. Яагаад бид заавал Христийн амилалтын тухай үзэж байгаа юм бэ? гэж та асууж байж болох юм. Товчхондоо хэлбэл Библийн энэ чухал үнэн дээр бидний ирээдүйн итгэл найдвар оршин тогтнож байдаг болохоор тэр. Энэ цагаар дамжуулаад бид хамтдаа Христийн энэ дэлхий дээрх үйлчлэлийн талаар болон, хүн төрөлхтөний төлөөх Бурханы мөнхийн төлөвлөгөөний талаар илүү ихийг олж мэдэх болно. Бурханы үнэн үг бидэнд энэ бүх чухал ойлголтуудыг тодорхой болгон илчилж өгөх болно. Ингээд хамтдаа Др.Чарльз Стэнлийн ярианд анхаарлаа хандуулцгаая.

Өнөөдөр таны амьдралд юу хамгийн хэрэгтэй байна вэ? Урам зориг уу? Тайвшрал уу? Амартайван уу? Эдгэрэл үү? Таны хэрэгцээ юу ч байлаа гэсэн тэрхүү хэрэгцээг чинь Есүс Христ хангаж өгч чадна гэдгийг Др.Чарльз Стэнли гэрчилж байна.

2000 жилийн тэртээд нас барсан хүн яаж бидэнд байгаа харилцааны асуудлуудыг эсвэл санхүүгийн асуудлуудыг шийдэх юм бэ гэж та гайхаж байж болох юм. Тэгвэл хамтдаа өнөөдөр Колоссай 2-р бүлэг дээрээс Есүс Христийн хадагдсан загалмайгаар дамжуулаад бид ямар их зүйлийг өөрийн болгож авсныг олж харцгаая. Ингээд Др.Чарльз Стэнлийн ярианд анхаарлаа хандуулцгаая.

Хуучин гэрээний үеийн хуулин дээр жил бүр тогтсон өдөрт, Тэргүүн тахилчийг ямаан дээр гар тавин залбираад, түүний толгой дээр бүх Израйльчуудын гэм нүглийг шилжүүлэх зан үйл хийх тухай онцгойлон заасан байдаг. Тэрхүү ямааг тахилын ухна гэж нэрлэдэг байсан бөгөөд Израйльчуудын гэм нүглийн уучлалыг билэгдэн тэрхүү ухныг эзгүй хээр тал руу хөөн явуулдаг байжээ. Энэ бол загалмай дээр урсгасан цусаараа биднийг аварсан Есүс Христийг билэгдсэн зураглал юм. Харин харамсалтай нь бид Есүс Христийн загалмайн агуу үйлсийг заримдаа мартчихдаг.

Др.Стэнли өнөөдөр бидний анхаарлыг Голготын толгод дээрх Христийн загалмай руу хандуулах болно. Хамтдаа тэрхүү аймшигт модон загалмайг илүү ойроос харцгаая

Өнөөдөр бид элч Паулын бидэнд тушаасан ариун амьдралын тухай голчлон үзэх болно. Зарим хүмүүсийн хувьд ариун байдлын тухай ярихаас зайлсхийдэг. Яагаад гэвэл тэд үүнийг энгийн хүн хүрэх боломжгүй зүйл гэж боддог. Гэхдээ тийм биш ээ.

Христэд итгэгч хүн нэг бүрийн доор Есүс Христ байгаа учраас бид “ариун амьдралаар” амьдарч чадна гэдгийг өнөөдөр бидэнд дахин сануулах болно. Ариун амьдралаар амьдрахын тулд бид эхлээд өөрсдийгөө Христ дотор хэн бэ гэдгийг ойлгох учиртай юм. Ингээд Др.Стэнлийн ярианд анхаарлаа хандуулцгаая.

Өнөөдрийн дугаартаа Др.Чарльз Стэнли бидэнд Шинэ гэрээний 1 Коринт номноос хуваалцах болно. Ингэхдээ бид өнөөдөр итгэл болон мэдлэг хоёрын зөрчилийн талаар ярилцах болно. Ингээд хамтдаа 1 Коринт 1:18-г гаргаад, Др.Чарльз Стэнлийн ярианд анхаарлаа хандуулцгаая.

Баян байх гэдэг нь өөрөө асуудал бишээ. Ядуу байлаа ч та илүү бурханлаг хүн байна гэсэн үг биш. Гол асуудал нь мөнгөндөө биш харин бидний зүрх сэтгэлд оршиж байдаг гэдгийг Иаков батлан хэлж байна.