I зуунд амьдарсан хүний хувьд загалмай бол асар их хэмжээний тамлалт, өвдөлтийн илэрхийлэл юм. Загалмайн үхэл нь тухайн цаг үеийн цаазаар авах ялын хамгийн харгис арга барил байжээ. Харамсалтай нь, өнөөдөр загалмай нь үлэмж их зовлонг бэлгэдэхээ больжээ.

Др. Чарльз Стэнлитэй хамт “Хамтдаа” нэвтрүүлэгт тавтай морилно уу. Өнөөдөр Христийн үхэл болон амилалын утга учрыг онцлон ярина. Иерусалимийн гаднах толгод дээр болсон явдлыг хараад бид “Загалмай бол Агуу хайрын илэрхийлэл” гэдгийг мэддэг. Чарльз Стэнлиг хүлээн авна уу.

Шинэ гэрээнд ЭЗЭН гэдэг үг нь “Хэн нэгний сайн сайхны төлөө Түүний амьдралыг удирдах” гэсэн Грек утгатай. Энэ яг Есүс Христийг тодорхойлж байна. Тэр өөрийн Сүр жавхлант Алдар болон бидний сайны төлөө амьдралыг удирддаг Бурханы Хүү юм. Маш олон хүн, бүр зарим итгэгч нар Түүний хайрын удирдлагыг эсэргүүцдэг ч Есүс гарцаагүй Эзэн юм.

            Өнөөдрийн нэвтрүүлэг таныг Есүстэй харьцах харилцаагаа анхааралтай хараасай гэж уриалж байна. Бидэнтэй хамт байж Эзэнд үнэнч байхад таны хандлага, зан авир хэр нийцэж байгааг үнэлж дүгнээрэй. Чарльз Стэнлиг угтан авна уу.

Зарим шашинд энэ дэлхий мөнхийн сайн муугийн хоорон дах тулалдаанд байдаг гэж үздэг. Хэтийн төлвийг нь харвал сөргөлдөж байгаа хоёр хүч эн зэрэгцэхгүй, эцэст нь ямар үр дүн гарахыг хэн ч мэдэхгүй. Гэхдээ Библи үүнээс өөр үзэлтэй. Библи, Есүс аль хэдийн дайнд ялсан гэдэг. Тэнгэрийн бүхэн Түүнийг “Хаадын хаан, Эздийн эзэн” гэдгийг таньдаг ба нэг өдөр “өвдөг бүхэн түүний өмнө сөгдөнө” хэмээсэн. Тиймээс хэн ялагч вэ гэх асуулт байхгүй.

    Бидэнтэй хамт байгаарай. Доктор Чарльз Стэнли ямар ч эргэлзээгүй ЕСҮС ХРИСТ БОЛ ЭЗЭН гэх сануулгаар биднийг урамшуулж байна!

Гурвалын онол нь библийн энгийн хичээлийн нэг боловч ихэнх хүнд ойлгоход нь бэрх байдаг. Та энэ ойлголтын утга учрыг мэдэх үү эсвэл ойлголт чинь бага зэрэг бүрхэг байна уу?

Библи бидэнд Бурхан бол цор ганц гэж заадаг ба Бурханыг гурван төрхөөр илэрхийлдэг. Өнөөдрийн Хамтдаа нэвтрүүлгээр Доктор Чарльз Стэнли “Гурвалын тухай үнэн” сэдвээр хичээл заах болно.

Библи бидэнд Сатан залилахдаа гаргууд гэж анхааруулдаг. Тэр итгэгчдийг Бурхантай харилцуулахгүйн тулд хуурч мэхлэхийг хүсдэг. Тэр ихэвчлэн биднийг авралдаа эргэлзэхэд хүргэж өөрийн зорилгоо гүйцээдэг. Бид авралдаа эргэлзэх үед муу сүнсний урхинд сохроор ордог.

Гэхдээ Бурханы үг бидэнд заавар бас найдвар өгдөг. Чарльз Стэнлийн “ТӨӨРӨГДЛИЙГ АРИЛГАХУЙ” нь энэхүү номлол танд Сатаны заль мэхийг таньж мэдэх, үгүйсгэх зарчмуудыг заах болно.

Есүс Христ энэ дэлхий дээрх үйлчлэлээ эхлэхдээ 12 эрэгтэйг өөрийнхөө дагалдагч болгохоор сонгосон байдаг. Тэднийг дуудахдаа ажил, гэр, найз нөхдөө орхихыг тэднээс хүссэн. Үүнийг харахад тав тух, өөрсдийн босгосон амьдралаа орхиод явна гэдэг ухаангүй шийдвэр мэт санагдана. Энэ бол Есүсийн тэднээс асуусан агуу золиос байсан юм.

    Есүс бол “Бидний амьдралдаа нэмдэг” зүйл биш. Тэр бидний хийж буй бүхэнд анхаарч, бидний амьдралын гол төв байхыг хүсдэг. Түүний удирдлага бидний амьдралын бүх юмтай эн зэрэгцдэг тул Өөрийг нь дагахын тулд амьдралаа орхихыг Тэр тэднээс хүссэн. Өнөө цагт биднээс хүсвэл энэ үнэхээр хэцүү золиос байх хэдий ч үргэлж үнэ цэнтэй байх болно! Др. Стэнлитэй хамт Христийг дагах гэж юу болох талаар суралцаарай.

Сайнмэдээ болон түүнтэй холбоотой бүхэнд дургүйгээ шулуухан илэрхийлдэг хүмүүс байдаг. Та ийм хүмүүс аврагдах боломжтой гэж үү гэж гайхдаг уу? Өнөөдөр Др. Чарльз Стэнли пастор Бурханы хайраас гадуур, ямар ч муу санаатай, нүгэлтэй хүн байдаггүйг бидэнд сануулах болно.

            Өнөөдрийн нэвтрүүлгээр Христийг зөвхөн үгүйсгэдэг биш, Эзэнд итгэдэг хүмүүсийг идэвхтэй хавчдаг хүмүүсийн тухай өгүүлнэ. Бурхан өөрийг нь үгүйсгэгч хүнд хүрч, түүнийг аварч, I зууны үеийн сайн мэдээний гайхамшигт элч болгосон юм. Сайнмэдээг эсэргүүцэгчээс Бурханы хайрыг хүртсэн нэгний түүхээс хамтдаа суралцъя. Ингээд Др. Чарльз Стэнлийг урьж байна.

Орчлон ертөнцийн Бурхан ихэд завгүй байж таараа, гэвч таны амьдралд юу болж байгаад үргэлж санаа тавьдаг. Библийн Матай номын 10:30 дээр Есүсийн хэлсэн “Та нарын толгой дээрх ширхэг үс чинь хүртэл тоологдсон” гэдэг үг Бурхан бидний амьдралын маш жижиг хэсгүүдийг хүртэл анзаардаг гэдгийг сануулж байна. Бурхан зөвхөн бидний нүүр тулж байгаа том асуудал, шийдвэрүүдэд санаа зовдог гэж итгэх нь өрөөсгөл юм. Бидний хүн нэг бүрт зориулан бодсон тодорхой төлөвлөгөө Эзэнд бий. Тэрээр энэ төлөвлөгөөг биелүүлж байхад бидэнтэй хамт алхана гэж хэлсэн. Хэрэв та амьдрал дундуур алхахдаа Бурханы тусламжийг зөвхөн “том” зүйлсэд дуудаж, харин жижиг зүйлсийг өөрийнхөөрөө зохицуулах гэж хичээж байвал өнөөдрийн хичээлийг сонсоорой.

Иохан 3-р бүлэг дээр Есүс маш тодорхойгоор, Түүнээс өөр мөнх амийг өгөх нэгэн байхгүй гэдгийг хэлсэн. Гэсэн хэдий ч олон хүн “Бусдаас илүү сайн” учраас Аврагч хэрэггүй гэж үздэг.

    Өнөөдөр номлогч Чарльз Стэнли бидэнтэй адилхан хандлагатай байсан нэг хүний талаар библиэс хуваалцана. Тантай уулзах тэр залуу мөнхийн амьдралыг өөрийн ач гавьяагаар олж авч чадна гэж итгэдэг нэгэн байсан. Гэвч Есүс түүнийг үнэнтэй нүүрэлдүүдсэн юм. “Сайн, гэхдээ хангалтай сайн биш” хүмүүс Бурханы хайрыг хүртдэг талаар өнөөдөр хамтдаа сонсоцгооё.

Есүс энэ дэлхий дээрх үйлчлэлээ 30 настайдаа эхэлж, 3 жилийн дотор бүрэн дуусгасан. Гэхдээ Библи дээр Есүсийг яарсан, ядарсан, стресст орсон гэж огтхон ч өгүүлээгүй.

Есүс үй олон хүмүүсийн дунд сургаалиа зааж байхдаа хувь хүмүүст анхаарал тавих зав алга гэж хэзээ ч хэлж байгаагүй. Тэр сохор гуйлгачны дэргэдүүр өнгөрөхдөө зогсож түүнийг хараа оруулсан, чөтгөрт эзэмдүүлсэн хүүг чөлөөлсөн мөн нас барсан хүүхдийг амилуулж байсан. Эдгээр гурван жишээ нь тухайн нийгэмд “Ач холбогдолгүй”, “Чухал биш” гэж тооцогдож байсан хүмүүст үзүүлсэн Христийн энэрэнгүй сэтгэл юм.