Айдас бол бодит мэдрэмж биш. Энэ бол маш хүчтэй сэтгэл хөдлөл. Гэхдээ мэдээж үргэлж муу байдаггүй. Үнэндээ, айдас бол хамгаалах хариу үйлдэл. Тэгээд энэ мэдрэмж нь таныг аюулаас зугтаарай гэсэн аваарын дохио юм.

    Гэхдээ харамсалтай нь, үй олон хүн айдаст боомилуулж амьдарцгаадаг. Аюул занал өнгөрсний дараа энэхүү хүчтэй сэтгэл хөдлөл намдахын оронд сэтгэлийн түгшүүр, стресс болж улам нэмэгддэг. Иймэрхүү айдас нь тэднийг Бурханы хамгаалалтад итгэхээс зайлсхийлгэдэг. Тэгэхээр сонсогч та Др.Чарльз Стэнли пасторын заах ээлжит сургаалийг анхааралтай сонсоорой. Өнөөдрийн сэдэв бол “АЙДАСТАЙГАА ТУЛАХ НЬ”. Айдсаа хэрхэн ялан дийлэх арга замуудыг зааж өгөх болно.

Аврал бол Бурханы ажил бөгөөд үүгээр дамжуулан Тэр бидний нүглийн уучлалыг хангаж, Өөртэйгөө зөв харилцаатай болгодог. Энэхүү аврал Есүс Христийн загалмай дээрх үйл хэрэг ба Түүнд итгэх итгэлээрээ энэ бүхнийг бид хүлээн авсны үр дүн юм. Тэгээд Есүс Христийг өөрсдийн Аврагчаа болгон хүлээн авсны дараа бидэнд хандсан Бурханы зорилго нь чухам юу вэ? Бид Түүнтэй харилцах харилцаандаа өсөж хөгжих боломжтой болсон юм.

Яаж бид Сүнсээр өсдөг вэ? Та Есүстэй ойрхон харилцаж өсөж өндийж байна уу? Эсвэл Түүнээс хэдэн бээрийн тэртээд хол хөндий байна уу? Др.Чарльз Стэнли пастор “СҮНСЛЭГ ӨСӨЛТӨӨ ШАЛГАХ НЬ” сэдвээр өнөөдөр үргэлжлүүлэн биднийг хөтлөн дагуулах бөгөөд та өөрийн христитгэлийн амьдрал үйлсээ нэг нягталж үнэлж дүгнээрэй.

Хэн нэгэн хүн анх Христитгэгч болох үедээ Эзэний төлөө үнэхээр шатдаг. Тэд долоо хоногтоо хоёроос гурван удаа цуглаан руугаа явж, Библи судлалд хамрагдаж, гэрчилж, залбирч, Бурханы тухай ямар нэг юм сурахыг хэзээд хүлээж тэсдэггүй. Гэхдээ тэдний цөөхөн нь энэхүү сүнслэг өлсгөлөнгөө хадгалж үлддэг. Тэгээд бид Эзэний талаар хэдий чинээ мэднэ, төдий чинээ сэтгэл хөдлөл маань мөлийдөг.

Тэгвэл өнөөдрийн сэдэв та бидэнд ямар нэг туршлага биднийг хэрхэн ухраадаг болохыг илчлэх болно. Христийг мэдэхийн хэрээр, итгэгчид бид Түүнийг хамгийн ихээр хайрладаг хүмүүс байх ёстой. Др.Чарльз Станли пастор өнөөдөр “СҮНСЛЭГ ӨСӨЛТӨӨ СОРИХ”-ыг бидэнд уриалж байгаа бөгөөд та өнөөдрийн хичээлтэй хамт багаарай.

Залбирал тань цаг үрсэн хэрэг байсан мэт санагдаж байсан уу? Хэдэн өдөр, хэдэн сар жилээр ямарваа нэг тодорхой зүйлийг эрэлхийлэн Бурханаас шавдуу гуйж асуусан ч, ямар ч дорвитой зүйл болоогүй. Таны гуйлт залбирлаа өргөдөг Бурхан хаа байна? Тэгээд яагаад Тэр юу ч хийгээгүй юм бол?

Магадгүй Бурхантай хамт аялахдаа та Түүнээс олон янзын зүйл асууж гуйж, таныг зөв чигт явахад Бурхан таныг хөтөлж, дараа дараагийн алхмуудыг танд урьдчилан харуулж өгөөсэй гэж та хүсэж хүлээдэг. Харин Бурхан таныг мартдаг болов уу? Тэр таны хэцүү бэрхийг үл тоомсорлодог уу?

    Тэгэхээр өнөөдөр Др.Чарльз Стэнли пастор “Магадгүй бид Бурханы оролцоог анзаарахгүй үед ч Эзэн бидний эргэн тойронд идэвхтэй оролцсоор байдаг” гэдгийг бидэнд сануулах болно

Эргэцүүлэл: Хэрвээ та бид хэн нэгнээс болж урам хугарвал, ямар ч тохиолдолд үл уучлалаар хариу барьж болохгүй.

Залбирал тань цаг үрсэн хэрэг байсан мэт санагдаж байсан уу? Хэдэн өдөр, хэдэн сар жилээр ямарваа нэг тодорхой зүйлийг эрэлхийлэн Бурханаас шавдуу гуйж асуусан ч, ямар нэг дорвитой зүйл болоогүй. Таны гуйлт залбирлаа өргөдөг Бурхан хаа байна? Тэгээд яагаад Тэр юу ч хийгээгүй юм бол?

Эдгээр асуултууд таны сэтгэл зүрхэнд нэг тийм хөндүүр мэдрэмж төрүүлж байгаа бол, Др.Чарльз Стэнли пасторын өнөөдрийн сургаалийг анхааралтай сонсоорой.

Есүс Христ Гавлын хөндийд загалмай дээр бүхий л гэмийн хүчийг хугалж, итгэгч биднийг гэмийн боолчлолоос чөлөөлсөн юм. Гэхдээ олон итгэгч эрх чөлөөгөө алдаж, нүглийн захиргаанд өөрсдийн сайн дураараа боолчлогддог юм шиг санагддаг. Гэм нүглийн хатуу хяналтад тэд аз жаргал, итгэл найдвар, эрх чөлөөгөө гээдэг. Др. Чарльз Стэнли пастор "НҮГЛИЙН БООЛЧЛОЛООС ЗАЙЛСХИЙХ НЬ" сэдвээр өнөөдөр хуваалцахдаа “Хэрхэн боолчлолоос чөлөөлөгдөх” талаар заах тул уруу таталтыг даван туулж сураарай.

Эргэцүүлэл:  Бурханы анхнаас нь танд өгсөн асар их нөөц бололцоо, эрүүл саруул ухаан бүхий толгой мөрөн дээр тань байна. Үүгээр та зөв эсвэл буруу, сайн хийгээд муугийн алийг нь үйлдэх вэ?! 

Др. Чарльз Стэнли пасторын өнөөдөр үргэлжлүүлэн заах “Бодлоо хэрхэн зохицуулж удирдах вэ?” сэдэвт сургаал хичээлийн хоёрдугаар хэсгийг анхааралтай сонсоорой. Тэр өнөөдөр та бидэнд бодлоо хэрхэн удирдах талаар практик зөвлөгөө зөвлөмжийг хэлж өгөх болно.

Манай Библийн багш, Чарльз Стэнли өнөөдрийн хичээлээр бидний оюун бодол дахь амьдралтай маань тулах болно. Өнөөдрийн гол өргөлтөд зүйл бол Библийн зарчмуудыг хэрхэн хэрэгжүүлэх талаар тусгайлан авч үзэж, ингэснээр бидний бодол санаан дах амьдралаа Бурханы хяналтан дор байлгах болно. Бурханы үгээс суралцангаа “Бодлоо хэрхэн хянаж удирдан зохицуулах” талаар гүн гүнзгий ойлголттой болоорой. Ингээд Библийн Ефес номоо нээгээд өнөөдөр “оюун бодлоо удирдлан зохицуулах”-д хамтдаа суралцъя.

Эргэцүүлэл: Таны уучлал бол гэмийн тань төлөө Голгат дээр урссан Есүс Христийн цусанд л оршдог юм.

Хуучин Гэрээнд Хууль нь Бурханы хүмүүсийг гэмээс цэвэрлэн ариусгах тахилын бүхэл бүтэн цогц тогтолцоог бий болгосон байдаг. Ариун сүмийн ёслолын үеэр нядалсан мянга мянган амьтан эцсийн эцэст “БУРХАНЫ ХУРГА” ирэхийн урьдчилсан сүүдэр нь байсан хэрэг. Тэгээд Шинэ Гэрээнд Иохан Баптист Хурга гэгдийг тодорхойлж, Иохан 1:29 эшлэлд тэрээр ийнхүү бичиж үлдээсэн: Тэрээр Есүсийг “Ертөнцийн нүглийг үүрэгч Бурханы Хурга” хэмээн тунхагласан юм.

Тэгэхээр энэ гарчиг нэр яагаад тийм чухал гэж? Энэ нь өнөөдөр танд яаж нөлөөлнө гэж? Др.Чарльз Стэнли пастор өнөөдрийн сургаалаар эдгээр асуултуудын хариуг өгч, БУРХАНЫ ХУРГА болоод загалмайн ойлголтыг бидэнд батжуулж өгөх болно.

Эргэцүүлэл: Бурхан үргэлж гэм нүгэлтэй харьцаж байдаг ба гэм нүгэлтэй зөвхөн тахилаар харьцдаг. 

Та энэ талаар урьд өмнө нь хэзээ ч бодож байгаагүй байх. Гэхдээ үнэндээ та бидний Христитгэлт амьдралын ихэнх нь загалмайг юу гэж хардгаас ихээхэн шалтгаадаг. Цовдлолтын талаарх өнгөц ойлголттой хүмүүс итгэлийн сууриа гүн бат тавиагүй байх хандлага бий. Тэд гэнэтийн зовлон бэрхшээл болоод үл итгэгчдийн шахалт дарамт, зөрчлөөс болоод итгэлээ амархан үгүйсгэдэг.

Хэрвээ, Христийн үхэл танд Библийн түүхийн хувьд сонирхолтой төдийхөн бол, өнөөдөр Др.Чарльз Стэнли пастор Христ цовдлогдон нас барсан тэр өдөр чухам юу болсныг танд дэлгэрэнгүй тайлбарлаж өгөх учраас та бидэнтэй заавал хамт байгаарай.