Бидний олонх нь ямар нэгэн зүйлийн талаар Бурханаас маш шаргуугаар залбиран гуйсан ч хариултаа авч чадалгүй урам хугарч үзсэн. Нэг талаас бид өөрсдийнхөө залбирлыг хүчгүй байна гэж боддог, нөгөөтэйгүүр бид өөрсдийнхөө гэм нүгэл, итгэлгүй байдлыг буруутгадаг. Гэтэл ихэнхдээ бид Библи дээр залбирлын талаар хэрхэн сургасныг мэдээгүйгээсээ болоод хариултаа авч чаддаггүй байна.

Бид Бурханы өмнө залбирлын авчирахдаа “залбиралд өөрсдийгөө зорилах” хэрэгтэй юм байна. Бид залбиралд өөрсдийгөө зориулж, болохгүй бүтэхгүй байгаа юм шиг санагдаж байсан ч бууж өгөлгүйгээр залбирах хэрэгтэй ажээ.

Хэрэв таны залбирал үр дүнгүй, тааз мөргөн буцаж ирээд байгаа юм шиг санагдаж байвал “залбиралд өөрсдийгөө зориулах” үед юу болдог талаар сургасан Др. Станлийн өнөөдрийн сургаал чухам яг танд л зориулагдаж байгаа юм шүү.

Таны амьдралын гол хөдөлгөгч хүч юу вэ? Хамгийн ихээр цагаа зарцуулж, байнга бодолд чинь байж шийдвэр гаргахад тань нөлөөлдөг ямар зүйл байдаг вэ, танд? Энэ нь таны ажил байж магадгүй,таны харилцаа эсвэл таны хобби ч байж болох юм. Таны цаг, хүч, сэтгэлээ зориулдаг зүйлд болон дур сонирхолд чинь ямар нэг буруу зүйл байгаа эсэх талаар та бодож байсан уу?

Их Эзэнээс өөр зүйлд илүү тууштай байдаг юм биш биз. Энэ талаар өнөөдөр доктор Стенли сэрэмжлүүлж байна. Өөр зүйлээс та сэтгэл ханамж авч болох ч энэ чинь түр зуурынх л байх болно. Бурхан болон Түүний Хүүд зориулалттай амьдрах нь л сүнс сэтгэлийг бүрэн төгс сэтгэл ханамжтай байлгаж чаддаг юм. Бидэнтэй хамт байж хэрхэн ”БУРХАНААР ӨЛСӨЖ, ЦАНГАЖ” амьдарч болох талаар сонсоно уу.

Зар сурталчилгаа гэдэг хүний дотор тухайн зүйлийг авах хүсэл төрүүлэхэд оршин байдаг. Шинэ тоглоом, шинэ загвар, шинэ бүтээгдэхүүн бидэнд тухайн зүйлээр дутагдах сэтгэлийг төрүүлдэг. Хэдийгээр бид тэр бүх зүйлсийн хамгийн сүүлийн загваруудыг олж авсан ч бидний дотор байдаг хүсэл хэзээ ч ханадаггүй шүү дээ. Өнөөдрийн “Хамтдаа” хичээлээр бид “Эзэн Бурханаар өлсөж цангах үед бидний дотор дүүрдэг тэрхүү амар тайван, баяр хөөр”-ийн талаар сурах болно. Хичээлээ сонсоцгооё.

Бид өнөөдөр амьдрал дээрээ маш олон оддыг хардаг. Жүжигчид, хөгжимчид, спортын тэдгээр оддыг олон сая хүн шүтэн биширдэг. Хэдийгээр тэдэнд бүх зүйл байгаа юм шиг харагддаг ч тэдэнд байгаа тэр бүх эд баялаг нэр хүнд алдар суу нь тэдний хоосон зүрх сэтгэлийг дүүргэж чаддаггүй. Өнөөдөр доктор Стенли бидэнд “Хэрвээ бид Бурхантай ойр дотно харилцаатай байхгүй юм бол бид баян эсвэл ядуу байхаас үл шалтгаалан зүрх сэтгэлдээ хөндий хоосон байх болно” гэдгийг сануулж байна. Бидний зүрх сэтгэлийг ганцхан Бурхан л анагааж чадна. “Хамтдаа” нэвтрүүлэгтэйгээ хамт байж Бурханаар өлсөж цангах зүрх сэтгэлийг өөрсдийн дотор бий болгоорой.

Хэрвээ та өөд болохдоо үр хүүхдүүддээ ганцхан зүйл л үлдээх ёстой болбол юу үлдээх вэ? Мөнгө үү? Үл хөдлөх хөрөнгө үү? Хадгаламжийн дэвтэр үү? Бид үр хүүхдүүддээ өв үлдээх талаар бодохдоо голдуу материаллаг зүйлсийн талаар боддог. Гэтэл тэдэндээ сүнслэг баялаг өвлүүлэн үлдээх тал дээр төдийлөн боддоггүй. Харин энэхүү сүнслэг баялаг маань тэдний амьдралын хүнд хэцүү үеүдэд өвчин зовлон, ядуурал, бэрхшээл саадыг даван гарахад хамгийн чухал дэмжлэгийг үзүүлдэг юм. Өнөөдрийн сургаалаараа доктор Стенли та бүхнийг “Өөрсдийн итгэлийг хэрхэн өвлүүлэх вэ” гэдэг дээр хандуулахыг хүсч байна.

Ихэнх эцэг эхчүүд үр хүүхдүүддээ аль болох их зүйлсийг өвлүүлэн үлдээхийг хүсдэг. Үүний төлөө тэд уртасгасан цагаар ажиллаж, мөнгө төгрөгөө хадгалж, үр хүүхдүүдийнхээ төлөө өөрсдөөсөө харамлан байж зүтгэдэг. Хэдийгээр материаллаг эд баялаг сайхан ч бидний үр хүүхдүүдий ирээдүйд зайлшгүй хэрэгтэй нэгэн чухал зүйлийг бид тэр болгон өвлүүлэн үлдээх талаар боддоггүй.

Өнөөдөр Др.Станли та бүхэнтэй “Итгэлээ хэрхэн өвлүүлэх вэ?” гэсэн маш чухал сэдвээр хуваалцах болно.

Бидний амьдралд Бурханд бүрэн итгэж найдах ёстой болдог тэр асуудал бэрхшээлүүд тулгарах үед та үүнд хэрхэн ханддаг вэ? Эргэлзэнгүй юу? Тээнэглзэнгүй юу? Өөдрөг үү? Эсвэл догдлон хүлээсэн байдлаар ханддаг уу?

Хэрэв та сүнслэг тэмцэлээс эмээж, хойш суудаг бол анхааралтай сонсоорой. Учир нь өнөөдрийг сургаалаар Доктор Станли бидэнд Бурханыг таньж мэдэн Түүний амлалтуудыг ойлгох нь биднийг тэрхүү айдсаа даван гарахад гол түлхүүр нь болдог юм хэмээн ятгаж байна. Бид Эзэн Бурханы талаар тунгаан бодох үед бидэнд байгаа “багахан итгэл” хүртэл хүчирхэг болж Бурханы агуу ажлуудад итгэх агуу итгэл болон хувирдаг.

Хамтдаа Бурханыг илүү их таньж мэдэхийн тулд Чарльз Станлигийн өнөөдөр заах “Итгэлийн үе шатууд” хэмээх сургаалд анхаарлаа хандуулцгаая.

Судалгаанаас үзэхэд хүн амьдралынхаа тодорхой үед өөр өөр айдастай байдаг байна. Жишээ нь, гурван настай хүүхдүүдийн ерэн хувь нь нохойноос айдаг бол дөрвөн настай хүүхдүүдийн ихэнхи нь харанхуйгаас айдаг. Нас явахын хирээр бидний айдас илэрхий мэдэгдээд байдаггүй. Бүтэлгүйтэх вий, ажлаа алдах вий эсвэл өвдөж зовох вий гэсэн далд айдастай явдаг. Эдгээр айдсууд нь тодорхой нөхцөл байдалд хэрхэн хандах вэ гэдэгт нөлөөлөөд зогсохгүй бас Бурхантай харилцах харилцаанд маань нөлөөлж байдаг. Айдас маань биднийг Бурханаас холдуулж, эргэлзээ болон санаа зовнил уруу л түлхэж байдаг. Харин Бурхан биднийг “ИТГЭЛЭЭР АЛХАЖ СУРААСАЙ” гэж хүсч байна. Ямар ч саад тотгор болон ямар ч нөхцөл байдлаас үл шалтгаалан ямар ч үед Өөрт нь найдаж байгаасай гэж хүсч байдаг.

Одоо бидэнтэй хамт байж, доктор Чарльз Стенлигийн номлолоор бэлтгэсэн “ИТГЭЛИЙН ТҮВШНҮҮД” гэсэн энэхүү хичээлийг сонсоод итгэлээр өсөхөд суралцаарай.

Бурхан Израйльчуудад хэрхэн хандаж байснаас бид итгэлийн талаар олон зүйлсийг сурч мэдэж болно. Жишээ нь, тэд Амлагдсан газар луу орохын өмнөхөн Мосе тийш нь туршуулуудыг илгээсэн байдаг. Ихэнх туршуулууд муу мэдээ авчирдаг. Үүнээс нь болоод Израйльчууд итгэл найдвараа алддаг. Энэ л чухал үед итгэлгүй байсныхаа төлөө Израйльчууд цөлд дахин 40 жил тэнүүчлэх ёстой болсон юм.

Хэрэв нөхцөл байдалдаа өөрсдийнхөөрөө итгэлгүй хандах юм бол бид ч бас ялгаагүй үр дүнд нь Бурханы бидэнд хандсан гайхамшигтай төлөвлөгөөнөөс хоцорч мэднэ шүү гэдгийг өнөөдрийн сургаалаараа Доктор Станли бидэнд сануулж байна. Бидэнтэй хамт байж “Итгэлийн шаарлагууд” хэмээх хичээлийг хамтдаа сонсоорой.

Бидний талаас харах юм бол заримдаа Бурханы төлөвлөгөө ямар ч логикгүй мэт санагддаг. Харин ийм үед “Их Эзэн минь, би ойлгохгүй байгаа ч гэсэн Танд итгэх болно. Яагаад гэвэл юу нь хамгийн сайн болохыг Та мэднэ.” гэж Түүнд хэлээрэй.

Итгэнэ гэдэг заримдаа амаргүй байдаг ... юу болохыг урьдаас мэдчихдэг бол сайхан байхгүй юу. Гэхдээ нарийн мэдэхийг шаардаж байгаа бол би итгэлээр биш харин ойлголтоор амьдардаг юм байна гэсэн үг.

Өнөөдөр доктор Стенли Хуучин гэрээний үед амьдарч байсан агуу итгэлтэй нэгэн хүнийг танилцуулах болно. Түүнийг Абрахам гэдэг. Хэдийгээр тэр Бурханд итгэдэг байсан боловч заримдаа өөрийнхөөрөө асуудлыг шийдэх гэж бас оролдож байсан байна. Түүний амьдралаас бид ИТГЭЛ ЮУ ШААРДДАГ БОЛОХЫГ суралцах болно.