Матай 14-р бүлэг дээр Петр Есүсийг чиглэн усан дээгүүр алхсан тухай түүх гардаг. Петр Эзэнээс хараа холдуулан давалгааг харах үед тэр айж сандран живж эхэлдэг. Олон хүмүүс Петрт итгэлгүй байдлынх нь төлөө шүүмжлэлтэй ханддаг. Гэхдээ бид ч бас хүнд хэцүү асуудал тулгарахад түүн шиг байдалд ордоггүй гэж үү?

Заримдаа бид Эзэн рүү итгэлээрээ алхдаг ч дараа нь эргэлзээнд автдаг. Бид санаа зовж, “юу л болдог бол доо”, “Бурхан амласан амлалтаа биелүүлдэг л байгаа даа” гэж зовнидог. Тэр дороо бид эргэлзээ, тээнэглэзэл, тодорхойгүй байдлын давалгаанд цохигдон живж эхэлдэг.

Өнөөдрийн сургаалаар бидний амьдралд олонтаа тохиолддог “Эргэлздэг итгэл”- ийн талаар хамтдаа урцгаах болно. Доктор Станлид анхаарлаа хандуулна уу.

Итгэгч хүний хувьд бид Их Эзэн амласан амлалтаа биелүүлэх хүч чадалтай гэдэгт итгэдэг. Бид Түүнд итгэдэг. Харин итгэж найдаж хүлээсээр хариу авахгүй удахаар бидний дотор итгэлийн маань эсрэг дайн гарч эхэлдэг. Эзэнд итгэж найдаад л байсан, гэтэл хүсэл маань биеллээ олсонгүй. Энэ үед бид яах вэ? Сүй тавьсан бүсгүй нь гэрлэхээ болилоо гээд хаяад явчихвал яах вэ? Хайртай хэн нэгэн чинь өвдвөл, нас барвал бид яах вэ? Нөхцөл байдал маань сайн болохын оронд улам дордох үед бид хэрхэн Их Эзэнд итгэсэн итгэлээ хадгалсаар байх вэ?

Өнөөдөр доктор Стенли ГАНХСАН ИТГЭЛИЙГ хэрхэн засах талаар заах болно.

Ром номын 10:9 дээр “Хэрэв та Есүсийг Эзэн гэж амаараа хүлээн зөвшөөрч, Бурхан Түүнийг үхэгсдээс амилуулсан гэдэгт зүрхэндээ итгэвэл, аврагдах болно.” гэсэн байдаг бол 1 Иохан 3:23 дээр, “Бид Түүний Хүү Есүс Христийн нэрд итгэж, Түүний бидэнд тушаасан ёсоор бие биеэ хайрлах нь Түүний тушаал юм.” гэсэн байдаг. Эдгээр ишлэлүүд нь бид авралыг авахын тулд заавал Есүс Христэд итгэх хэрэгтэй гэдгийг тунхаглаж байна. Гэхдээ Есүс Христэд итгэнэ гэдэг нь яг юу болохыг хараахан сайтар ойлгож амжаагүй бол та өнөөдрийн сургаалыг анхааралтай сонсоорой. Өнөөдөр Доктор Станли та бидэнтэй “Христэд итгэхийн утга учир” чухам юу болох талаар хуваалцах болно. Анхаарлаа хандуулна уу?

Номлогч доктор Чарльз Стенлигийн сургаалаар бэлтгэн явуулдаг радио хичээлийн шинэ дугаарыг хүлээн авна уу. Сургаалт үгс 10:29-д “Эзэний зам нь шударга зөв нэгэнд өмөг түшиг.” 1Коринт 16:13-т “Сэрэмжтэй бай. Итгэл дотроо бат зогс. Эр хүн шиг бай. Хүчтэй байгтун.” Галат3:11-д “Зөвт хүн итгэлээр амьдарна” гэж бичигдсэн байдаг. Эдгээр ишлэлүүдээс харахад итгэл гэдэг зүйл Бурханы хувьд хичнээн чухал болохыг мэдэж болно. Гэхдээ итгэл гэдэг чинь чухам юу юм бэ? Найдахыг хэлээд байна уу? Түшиж тулна гэсэн үг үү? Энэ талаар тодорхой мэдэхийг хүсвэл сувгаа солилгүй доктор Стенлигийн заах “Итгэлийн үндсэн суурь” хичээлийг хүлээн авна уу.

Грек хэлээр загасыг икстхус гэдэг. Энэ үгийг бичихэд ордог 5 Грек үсэг нь тус бүрдээ тодорхой үгийн эхний үсгийг илэрхийлдэг бөгөөд үүнийг нь тухайн үеийн итгэгчид маш сайн мэддэг байсан. Тухайлбал эхний үсэг нь Есүс гэсэн үгийг, хоёр дахь үсэг нь Христ гэсэн үгийг илэрхийлдэг байжээ. Харин дараагийн хоёр үсэг нь Бурханы Хүү гэсэн үгийг илэрхийлдэг сүүлчийн үсэг нь Аврагч гэсэн үгийн эхний үсэг болдог байна.

Одоогоос 3000 орчим жилийн өмнө Давид хаан, “Би аймшигтай болоод  гайхамшигтай бүтээгдсэн тул Танд талархал өргөнө. Таны үйлс гайхалтай бөгөөд сэтгэл минь ч сайн мэднэ” (Дуулал 139:14) хэмээн шүлэглэсэн байдаг. Гэвч өнгөрсөн зуунаас шинжлэх ухаан өндөр хөгжиж эхлэх хүртэл хүмүүс бид ямар гайхамшигтай бүтээлүүд болохыг бид нарийн олж мэдэж чадаагүй явсан юм.

Итгэгч хүн авралаа алдах боломжтой юу? Хэрэв та энэ асуултанд итгэлтэйгээр хариулж чадахгүй байгаа бол өнөөдрийн хичээлийг чих тавин сонсоорой. Өнөөдрийн хичээлээр Др.Стэнли бидний анхаарлыг бидний авралын баталгаа руу хандуулах болно. Өнөөдөр бид 1 Иохан номын 5-р бүлгээс үзэх болно. Библийн энэ л хэсэг бидэнд Христийн золиос нь биднээс юу ч шаардаагүй болохыг бидэнд гэрчилдэг. Бид авралыг олж авахыг тулд юу ч хийж чадахгүй бас бидэнд Бурханы өгсөн авралыг бид юу ч хийсэн алдахгүй юм. Энэ л чухал ойлголтын талаар өнөөдөр Чарльз Стэнли бидэнтэй хуваалцах болно. Бурханы үг болох Библиэр дамжуулан бидний аврал төгс баталгаатай болохыг бидэнд ойлгуулах болно.

Өнөөдөр маш олон хүн өөрсөд нь Христ хэрэггүй гэсэн бодолтой амьдарч байна. Тэд өөрсдийгөө гэм нүгэлтэй гэдгээ хүлээн зөвшөөрөхийг хүсдэггүй. Өөрсдийгөө боломжийн сайн үйлстэн гэж итгэдэг. Тиймээс тэд Бурханы өмнө очихдоо хэлэх шалтагтай гэж боддог. Харин Бурханы шалгуур бол төгс юм. Хэрэв бид гэм нүгэл үйлдсэн л бол бүр нэг ширхэгийг үйлдсэн л бол бидэнд найдвар байхгүй. Аз болоход бидэнд нэг найдвар бий. Бурхан бидэнд гэм нүглээ уучлуулах арга замыг өгсөн байна. Загалмайгаар дамжуулан бидний гэм нүглийг цагаатгасан болохыг та дараах сургаалаар сонсоорой.

Хэн нэгэн хүн танд урьд өмнө хэзээ ч хийж үзэж байгаагүй тийм ажлыг даалгавал та яах вэ? Жишээлбэл таныг байшин барьж үзээгүй байхад таныг услангийн байшин барь гэвэл яах вэ? Танд байшин барих материал, заавар зөвлөгөөг өгсөн хэрнээ багаж хэрэгсэл өгөөгүй байвал та яах вэ? Алх, хадаас, хөрөө, шугам, метр юу ч байхгүй байна гээд та төсөөлдөө. Ингэвэл байшин барих ямар ч боломжгүй болно шүү дээ. Тэгвэл үүний адил заримдаа бидний итгэлийн амьдралд урамгүй санагдах үе олонтаа тохиолддог. Библи бидэнд хэрхэн амьдрахыг заасан байдаг. Гэтэл бид тэр амьдралаар нь амьдрах гэж хичээгээд ерөөсөө болж өгдөггүй. Тэгвэл тэр бүх үүрэг даалгаварыг биелүүлэхийн тулд бидний амьдралд Ариун Сүнсний туслалцаа зайлшгүй хэрэгтэй. Итгэгч хүний амьдралд Ариун Сүнсний хүч чадлын талаар Др.Стэнли юуг өгүүлэхийг өнөөдрийн ХАМТДАА нэвтрүүлгээр сонсоцгооё.

Тоорын мод яагаад алим биш тоор ургуулдаг юм болоо? Гэж та бодож байсан уу? Ямар утгагүй асуулт вэ? Гэж та бодож байж болох юм. Утгагүй асуулт байж магадгүй л дээ. Та бид бүгдээрээ л ямар мод байна тийм л жимс ургадаг гэдгийг сайн мэднэ. Модоосоо шим тэжээл авсан мөчир өөрөөсөө үр жимсийг ургуулдаг. Яг л үүнтэй адилхан Ариун Сүнсний оршихуй итгэгч хүн нэг бүрийн амьдралд ариун амьдралын үр жимсийг ургуулдаг. Ариун Сүнс хүн нэг бүрийн амьдралд орж ирэн Эзэний нүдэнд тааламжтай сүнслэг үр жимсийг ургуулахыг хүсдэг. Итгэгч хүний амьдрал дахь Ариун Сүнс хүч чадал хэмээх өнөөдрийн сургаалаас их зүйлийг сурч авах болно.