Харин Өөрт нь итгэсэн тэр нэгэнд хандаад Есүс, “Үнэнээр Би чамд хэлье. Өнөөдөр чи Надтай хамт Диваажинд байх болно” (23:43) хэмээн айлдсан билээ. Ийнхүү тэр гэмт хэрэгтэн дэргэд нь цовдлогдсон Есүсийн улмаас Бурханы оршихуй руу орсон билээ.

Загалмайд цовдлогдохынхоо өмнөхөн Есүс нэгэн орой дагалдагч нартайгаа хамт Иерусалимын зэргэлдээх толгод дээр гарч, ирэх зүйлсийн тухай тэдэнд ярьж өгсөн байна. Тухайн үед Есүсийн ярьж байсан бүхэн эш үзүүллэг байсан бол одоо тэдгээрийн ихэнх нь түүх болон үлджээ.

Есүс итгэл болон айдсын талаар маш сайн мэддэг байсан юм

Библийн хамгийн агуу парадоксуудын нэг бол та амьдралаа өөрийнхөө арга замаар аврах гэж оролдвол түүнийгээ алдах болно, харин амьдралынхаа жолоог Есүс Христэд атгуулах юм бол та аврагдах болно гэсэн ойлголт юм.

Бидэнд яагаад муу зүйл тохиолддог юм бэ? Хүмүүс Есүсээс олонтаа ингэж асуудаг байв. Хэн нэгэн хүн зуурдаар амь насаа алдах нь тэр хүн буруу хэргийнхээ төлөө шийтгэгдсэн гэсэн үг үү? Бидний хувьд Бурхан руу эргэх өдөр нь өнөөдөр юм гэдгийг сануулахын тулд Есүс энэ мэт асуултыг асууж байсан юм.

Өнөөдөр та нар зүрхээ нягталж, өөрөөсөө, би зөвхөн энэ амьдралаа л хамгийн чухалд тооцон амьдарч байна уу? гэж асуугаарай. Учир нь Есүс “Мөнхийн ирээдүйгээ битгий мартаарай” гэж сануулсан юм. Цаг нь ирэхэд бид бүгд энэ дэлхий дээр хурааж цуглуулсан бүхнээ орхиод явах болно.

Иерусалим руу явах зам зуур Есүс дагалдагч нартаа Өөрийн үхлийн талаар дахин дахин сануулж байсан ч дагалдагч нар нь эсрэгээрээ Бурханы хаанчлалд нь хэн нь хамгийн агуу болох талаар маргаж явжээ.

Есүс үйлчлэлээ үргэлжлүүлэх тусам илүү олон хүн Түүн рүү эргэсээр байлаа. Тэр бүү хэл нөлөө бүхий хүмүүс ч Есүст итгэж байв. Жишээ нь нэгэн удаа Ромын зуутын дарга Есүс дээр ирж хайртай зарцаа эдгээж өгөхийг хүссэн байдаг.

Лукын сайнмэдээний чухал зорилго бол “Гайхамшигтай сайнмэдээг аль болох олон арга замаар бусадтай хуваалцах” юм. Яагаад тэр билээ? Учир нь хүмүүс сайнмэдээгээр дамжуулан Есүс Христийн тухай сонсож, улмаар Есүсийг хүлээж авах уу, үл тоох уу гэдгээ шийдэх юм. Үнэндээ бидний хүн нэг бүр ийм шийдвэрийг гаргах учиртай

Таны угийн бичиг таны талаар маш олон зүйлийг хэлж чадна. Таны хаанаас гаралтай, өвөө тань ямар хүн байсныг, цаашилбал өвөөгийн чинь өвөө ямар хүн байсныг ч эндээс мэдэж болно. Тэгвэл Лук эмч сайнмэдээний номондоо Есүсийн угийн бичгийг Мариагийн талаас хөөж бичсэн байна.