Есүсийн амьдралын тухай өгүүлж буй бидний түүх улам бүр хурдан хэмнэлтэй болсоор байгааг та анзаарч байна уу? Эмгэнэлтэй үхэл, ер бусын гайхамшгууд ар араасаа өрнөж, улмаар Есүсийг Хаан гэдгийг хүлээн зөвшөөрөхийг үл хүссэн шашны удирдагчдын эсэргүүцэл тэмцэл улам ширүүсэх болжээ.

Хэрвээ Матайн сайнмэдээг бид Хуучин болон Шинэ Гэрээ рүү алхан орох үүд гэж үзвэл Матай 13-р бүлэг энэ үүдний түлхүүр нь юм. Есүс бидэнд удахгүй ирэх тэнгэрийн хаанчлалын тухай долоон янзын сургаалт үгсийг айлдсан байдаг.

Өнөөдөр та “хүнд ачаа” үүрч байна уу? Гэм нүглийн хүнд ачаа бол таны үүрэх ёсгүй хүнд ачаа юм. Учир нь гэм нүглийн ачаа дарамт дэндүү хүнд. Тиймээс та өөрийн ачааг Түүний өмнө авчрах юм бол Тэр таныг уучлах болно.

Зөвхөн Есүс Христ л биднийг гайхамшигтайгаар эдгээж, мөн бидний гэм нүглийг сүр жавхлантайгаар уучилж чадна. Тиймээс зөвхөн Есүсийн л хийж чадах тэр ажлуудын урдуур битгий ороорой.

Өнөөдөр энэ дэлхий даяараа ах дүүсийн хайраар нэг нэгнээ хайрлаж, эв найрамдалтай амьдрахыг хичнээн хичээсэн ч үр дүнд нь дайн тулаан, зөрчил тэмцэл л бий болдог гэдгийг бүгд мэднэ. Яагаад? Учир нь бидний зүрх сэтгэл өөрөө гүн гүнзгий асуудалтай юм. Нэгэнт зүрх сэтгэл асуудалтай байхад хичнээн дасгал хийж, хоолны дэглэм бариад ч нэмэргүй шүү дээ. Харин бидэнд дасгал биш Есүс хэрэгтэй. Зөвхөн тэр л бидэнд цоо шинэ зүрхийг өгч чадна.

Уулын сургаал бол биднийг Есүс Христ рүү хөтлөн дагуулдаг гайхамшигтай номлол юм. Тиймээс та Түүний өмнө очоод “Эзэн минь, Та надад хэрхэн амьдрах ёстойг заасан. Харин би энэ хэм хэмжээнд хүрч чадахгүй байна. Би үүнийг өөрийн хүчээр хийж чадахгүй. Надад Таны өршөөл хэрэгтэй. Надад Аврагч Эзэн Та хэрэгтэй” хэмээн хэлээрэй.

Есүсийн хамгийн алдартай номлолуудын нэгийг бид Матай 5-7-р бүлгээс үзэх боломжтой юм. Энэ номлолыг “Уулын сургаал” гэж нэрлэдэг. Энэ номлолд өнөөдрийн бидэнд ч хамаатай маш чухал, гайхамшигтай үнэнүүдийг тунхагласан байдаг. Харин энэ үнэнийг амьдралдаа хэрэгжүүлэх тал дээр хүмүүс тэр бүр санал нийлдэггүй билээ.

Есүсийн хийж байсан бүхний тухай мэдээ хаа сайгүй түгэн тархахад, Израилийн өнцөг булан бүрээс хүмүүс ирж, Түүнийг дагах болжээ. Тэгвэл та ямар түүхтэй вэ? та Есүсийг дагахаар хэр холоос ирсэн бэ?

Эгэл жирийн ард түмнийхээ амьдралаар амьдрахын тулд титэм болон нөмрөгөө орхисон хаан мэт Есүс гэм нүгэлт хүн төрөлхтөнтэй бүх талаараа адилхан болохыг хүссэн юм. Есүс хэдийгээр гэм нүглээс ангид оршигч, Хаан байсан боловч ийнхүү Өөрийн хүмүүстэйгээ адил болсон нь энэ байлаа. Юутай агуу Хаан бэ!

Мэргэн хүмүүс бяцхан Есүсийг хаана байгааг хэлэлгүй яваад өгсөнд Херод хаан ихэд хилэгнэсэн юм. Тиймдээ ч тэрээр Бетлехемийн ойролцоох бүс нутаг дахь хоёр ба түүнээс доош насны бүх эрэгтэй хүүхдүүдийг хөнөөлгөжээ.