Бурханы үг бол луужин. Өнөөдөр луужингийн зүү Еврей 4:16-г зааж байна.

“Тиймд бид хэрэгцээтэй цагт туслах нигүүлслийг олж, өршөөлийг хүлээн авахын тулд нигүүлслийн хаан ширээнд зоримгоор очицгооё”

Та яагаад залбирдаг вэ? Та магадгүй таван шалтгааны улмаас залбирдаг байх. Энэ 5 шалтгаан юу гэхээр та залбирч чаддаг, залбирч болдог, залбирдаг байх хэрэгтэй, залбирахыг хүсдэг, бас залбирах ёстой учраас бид залбирдаг.

Тэгэхээр Бурхан биднийг сонсдог учраас Түүнтэй ярьцгаая. Залбирдаг байцгаая. Залбирлын үр дүн бол гэрчлэл. Гэрчлэлийг мооданд оруулцгаая.

Түүний өмнө биднийг хайр дор ариун бөгөөд гэм зэмгүй байхын төлөө Бурхан ертөнцийн сууриас урьд биднийг Христ дотор сонгосон юм. Тэрээр хүслийнхээ сайн тааллын дагуу, биднийг Есүс Христээр дамжсан үрчлэлд урьдаас тогтоожээ. Ефес 1:4-5

Өөрийгөө дандаа доош үнэлдэг хүн бол өөрийнхөө жинхэнэ үнэ цэн, эрхэм байдлаа хүлээн зөвшөөрөөгүй нэгэнтэй адилхан. Бурханы мэлмийд өөрийгөө хэн болохыг мэдэх нь таныг эрх чөлөөтэй болгож, Бурханы танд зориулан төлөвлөсөн бүхэнд орон зайг бий болгодог юм. Бурхан таныг хайрласан учраас өөрийгөө хайрла. Бурхан таныг уучилсан учраас өөрийгөө ч уучил. Би тэгж байж Бурханд олон гайхалтай гэрчлэл алдрыг өргөж амьдрах болно.

Бурхан хүний амьдралд гайхамшигтай төлөвлөгөө, учир шалтгаан зорилго өгдөг. Таны энэ амьдралын зорилго юу вэ? Энэ тухайгаа ч гэсэн та лайвын дотор коммент хэсэг хуваалцаж болно шүү. Роза Парксаар дамжуулж хийлгэх ажил Бурханд байсан. 20-р зууны дунд үед америкт ид гаарч байсан арьс өнгөний үзлийн эсрэг Бурхан Роза Паркс, Мартин Лютер Кинг мэт олон янзын хүмүүсийг босгож ирж, Өөртөө ашигласан. Тэгээд тэднийг өргөмжилж, амаргүй хэр нь онцгой хувь зохиолоор шагнасан. Эзэн үнэхээр магтагдах болтугай. Арьс өнгөний ялгаварлалыг Бурхан хүсээгүй, харин хүн төрөлхний энэ хар муу санааг Өөрийнхөө сайн сайхныг шинэчилдэг нь Эзэн билээ.

“Та нар юу ч хийсэн, хүмүүсийн төлөө бус, Эзэний төлөө чин зүрхнээсээ хийгтүн.” Колоссай 3:23

“Чи цорын ганц хайртай хүү Исаакаа аваад Мориа гэдэг газар уруу яв. Тэнд түүнийг шатаалт тахил болгон Миний чамд зааж өгөх тэр нэг уулан дээр тахин шатаагтун” Эхлэл 22:2

Есүс гэр бүлийн доторх хайр хэр чухал болохыг анхааруулсныг санаад Есүсийг ердийн л нэгэн гэр бүлд өсөж торнисон гэдгийг бүү мартаарай. Эзэн Есүс маань эгэл жирийн айлд төрж өссөн, бас 7 дүүтэй. 8 хүүхэдтэй айлын ууган хүүгийн хувьд Есүс өнөөдөр бидэнд онцлон ярьж буй гэр бүлийн амьдралын бүхий л асуудал бэрхшээлийг өөрөө амсаж туулсан л байгаа...

“Тиймээс мөн Бурханы алдрын төлөө Христ та нарыг хүлээн авсны адил бие биенээ хүлээж авагтун.” Ром 15:7

Бусдыг хайрлах ба түүний эсрэг байдаг өөрийгөө дөвийлгөж, хувиа хичээх чанарын талаар та суралцсан байх аа. Тэгэхээр та магадгүй дотроос чинь хуучин зан чанар чинь цухалзах гээд байгаа бол Бурханы Агапе хайрыг санаарай.

Элч Паул Ефес номдоо нөхрүүдэд ингэж хайрлахыг тушаасан байдаг шүү дээ. Энэ хайр бол гэр бүлүүдийг минь нэгтгэн нийлүүлэх түлхүүр. Биднийг хаа ч байсан бидэнд хүрдэг Бурханы хайрын төлөө Түүнд талархаарай. Үүний адилаар бид ч гэсэн хайраа нэг нэгэндээ хүргэж, өнөөдөр бие биенээ байгаагаар нь хүлээн авах ёстой юм шүү.

“Хэцүү цагт урвагч хүнд найдах нь хорхойтсон шүд, доголсон хөл мэт.” Сургаалт үгс 25:19

Өнөөдөр бид нэгэн сонирхолтой түүхээр аялах болно. Хилсээр гүтгэгдэн шоронд хоригдсон Иосефийн түүхийг та мэдэх байх.

Бурхан өөрийг нь цагаатгаж, эрх чөлөөг нь эргүүлэн өгөхийг хүлээх зуураа Иосеф хатуу хахир сургамжийг авсан юм. Суралцах нэг зүйл бол таны анд нөхдүүд таныг хүсэж зорьсон зүйлд чинь хүргэж чадахгүй. Иосефийн ачаар хааны сөнч эрх чөлөөгөө олж авмагцаа л шоронгийн хуучин андаа шууд л мартсан. Харин Иосеф Бурханд л найдах хэрэгтэйг сөнчөөс сураад үлдэж хоцорсон. Гэхдээ Иосеф шоронгоос суллагдаж, бүхэл бүтэн Египет улсын Ерөнхий Сайд хэмээх төрийн томоохон албыг Фараоноос хүлээн авсан. Хэрэв Иосеф шоронд хилсээр ороогүй бол тэр насаараа Потифарын гэрийн даамал чигээрээ үлдэх байсан. Харин тэр хилсээр гүтгэгдэж олны доог тохуу, бусад хүмүүсийн доромжлолыг амссан учраас Бурхан зохих хариуг нь барьж хожим Ерөнхий Сайд болгосон.

“Зүдэж зүтгэгсэд хийгээд хүнд ачаа үүрсэн бүгд ээ, Над дээр ир. Би та нарыг амраая.” Матай 11:28

Шинэ он эхлээд удаагүй байгаа ч та магадгүй үнэхээр туйлдаж ядарч байгаа бол Эзэн дээр очоорой. Тэр таныг амрааж, танаас тэрхүү хүнд хүчир ачааг суллан авч, Өөрийнхөө хөнгөн буулгаа үүрүүлнэ. Ингэхдээ танд Эзэн Есүс Өөрийн дуудлага зорилгоо илчилж, бас хүрэх арга зам хүчийг өгөх болно. Учир нь бидний Эзэн ийм л зүрх сэтгэлдээ дөлгөөн даруу Нэгэн.

Учир нь та нарт зориулж байгаа төлөвлөгөөнүүдийг Би мэдэх бөгөөд тэдгээр нь та нарт ирээдүй ба найдварыг өгөх гай гамшгийн бус, сайн сайхны төлөөх төлөвлөгөөнүүд юм» гэж ЭЗЭН тунхаглаж байна. Иеремиа 29:11

#ХермоныШүүдэр" өглөөний хөтөлбөр танд хүрч байна.

Үүнээс хойш дахин нүгэл бүү үйлд. Иохан 8:11

Оксфордын Их сургуулийн эрдэмтэн доктор Жей. Эдвин Оррын бичсэн “Сайнмэдээний аязыг солгойруулан тоглох нь” хэмээх нийтлэлдээ хэлсэн нэг үг яг зүрх рүү зүүгээр шивэх шиг боллоо. “Орчин цагийн сайн мэдээ тараалт дотор гэмшлийн нот ихэнхдээ дутагддаг болох нь батлагдсан. Өнөө цагт гэмшилд уриалахаа байж, харин зүгээр л сүм чуулганд элсүүлдэг болчихсон” гэж бичсэн. Энэ хатуу боловч үнэн үг. Гэмшлийн хэсгийг орхигдуулах л юм бол хаана ч тэр өөрчлөгдөж шинэчлэгдсэн амьдрал байх билээ. Хэрвээ сайн мэдээг бүрэн утгаар нь ойлгон, өнгөрсөн амьдралынхаа алдаа бүрийг гэмшиж, давтахгүй байх шийдвэрийг гарган түүнийхээ төлөө тэмцэх юм бол таны амьдрал өөрчлөгдөх болно. Тэрхүү өөрчлөгдсөн амьдралаа та гэрчлээрэй.

Библи биднийг хоёр бээр яваарай гэж уриалдаг. Гэхдээ яс юман дээрээ хоёр бээр битгий хэл, нэг бээр явахад ч хэцүү үе бидэнд байдаг. Энэ нь нэг талаар харилцааны зөрчилтэй холбоотой. Тийм болохоор тус болох 5 энгийн аргыг амьдралдаа хэрэгжүүлэхийг санал болгож байна.

1. Сэтгэл доторх хорслоо авч хая

2. Та хоёр бээр газар явахад Бурхан таны талд байгааг ухаар

3. Анхны алхмыг хийхэд бэлэн бай

4. Хариуцлагаа үүр

5. Эв найрамдлыг мөшги. Харилцаанд тулгараад байгаа ялих шалихгүй асуудлаа Бурханы үг ба энэхүү арга замаар даван туулсан бол та бидэнд гэрчлэн хуваалцаарай.