“Иймээс бид Христийн төлөөх элчин сайд юм. Бурхан биднээр дамжуулан ятгаж байгаачлан Христийн төлөө та нараас бид гуйя. Бурхантай эвлэрцгээ.” 2 Коринт 5:20

Тэгэхээр эвлэрэл бол хэний зөв, бас хэний буруу байсантай ямар ч холбоогүй. Харин энэ бол харилцаагаа авч үлдэх тухай асуудал юм. Дотны хүмүүс биднээс урваж нүүрээ бууруулахад бид түүний хийсэн зүйлээс үүдэн, өвдөж шаналан, харилцаагаа тасалдаг. Тухайн үедээ өөрийгөө өвтгөхгүй асуудлыг хаалттайгаар шийдэж болох ч хаалттайгаар өдвөлтөөс зугтаж шийдсэн харилцаа бүхэн хожмын өдөр хор уршиг нь хэвээрээ байдаг юм.

Өөртэй нь мөр зэрэгцэн үйлчилж буй хамтран зүтгэгчид нь Паулын хувьд онцгой чухал байр суурийг эзэлж байсан болохыг бид Колоссай захидлын төгсгөл хэсгээс харж болно. Колоссай захидлын төгсгөлд дурдсан хүмүүсээс олонхи нь Ефесийн итгэгчид байсан юм. Өөрийнх нь дотны анд, хамтран зүтгэгч Тухикаас өөрийнх нь тухай мэдээг хүлээж аваарай гэж Паул Колоссайн итгэгчдэд захисан байна.

Бурханы амар тайван бидний оюун санааг дүүргэж, улмаар бидний толгойд эргэлдэж буй аливаа бодол санаануудыг өөрчилдаг. Тийнхүү Бурханы Сүнс бидний бодол санааг Бурханы өмнө тааламжтай бодол санаа болгон шинэчилдэг.

Бурхан биднийг Есүсийн доторх шинэ мөн чанараа бүрэн ухамсарлаж, энэ л мөн чанартаа нийцсэн ариун амьдралаар амьдраасай гэж хүсдэг. Тэгвэл та өнөөдөр хэрхэн амьдарч байна вэ? Ихэнх хүмүүсийн нэгэн адил мөнхийн ирээдүйгээ үл тоон өнөөдөр маргаашаа бодон амьдарч байна уу?

Та Есүс Христийг Аврагчаа болгон хүлээн авч, Түүнийг таньж мэдэх юм бол Бурханы Сүнс, Бурханы Үг, Түүний хүчирхэг оршихуй болон амар тайван гээд Бурханы бүхий л баялаг танд өгөгдөх болно. Учир нь Бурхан итгэмжит. Бурханы амар тайван, баяр хөөрийг мэдрэхэд Есүс Христ байхад танд хангалттай.

Хэрвээ хэн нэг хүн танаас Есүс Христийг хэрхэн таньж мэдэж болох вэ? Есүс Христ яг хэн юм бэ? гэж асуувал та юу гэж хариулах вэ? Хэрвээ Есүс Христийг хэн болохыг ойлгож мэдэж чадахгүй хүн байвал, эсвэл өөрт нь яагаад Аврагч хэрэгтэй болохыг хараахан ухаараагүй нэгэн байвал та түүнд юу гэж хэлэх вэ? Та Түүний бурхан мөн чанараас нь эхэлж ярих уу? эсвэл Түүнийг хүмүүн болон ирсэн тухай нь эхэлж ярих уу?

Бурханы тухай мэдлэг чинь бүдэг бадаг байна уу? Есүсийг хэн гэдгийг та хараахан бүрэн дүүрэн ойлгож ухаарч чадаагүй байна уу? Тэгвэл Шинэ Гэрээний Колоссай захидал үүнийг таны оюун ухаан, зүрх сэтгэлд арилшгүйгээр сийлэн үлдээх болно.

1 Тесалоник 5-р бүлэгт “Эзэний өдрийн” тухай Паул өгүүлсэн байдаг. Ингэхдээ “Эзэний өдөр нь шөнийн хулгайч мэт ирэхийг та нар өөрсдөө сайн мэднэ” гэсэн байдаг. Тиймээс бид сэргэг байж, Христийг дахин ирэх хүртэл Түүний үгийг бусдад тунхагласаар байх учиртай юм. Тэгвэл Эзэний өдөр гэж юу юм бэ?

1 Тесалоник захидлын сүүлийн хэсэгт элч Паул нэгэн маш чухал эш үзүүллэгийн үгийг дамжуулсан байдаг. Энэ бол Есүс Христийн дахин ирэлтийн тухай юм. Есүс Христийн дахин ирэлт нүд ирмэхийн зуур байх болно гэдгийг Паул энд онцолсон байдаг. Энэ тухай өгүүлэхдээ Паул, “Эзэн Өөрөө тушаалын уухай, тэргүүн тэнгэрэлчийн дуу ба Бурханы бүрээнээр тэнгэрээс бууж ирнэ” гэсэн байна.

Бид Эзэн Есүсийн дахин ирэлтийн тухай болон энэ нь бидэнд бурханлаг амьдралаар амьдрах сэдлийг өгдөг тухай үзсэн. Цаг нь ирэхэд Есүс Христ дахин ирж бид бүгд Түүнтэй дахин уулзах болно. Харин тэр өдрийг хүртэл бид энэ дэлхий дээр амьдрах ёстой. Тэгвэл бид итгэгч хүнийхээ хувьд хэрхэн амьдрах учиртай талаар товчхон ярилцацгаая.