1 Тесалоник захидлын гол сэдэв нь Есүс Христийн дахин ирэлт юм. 

Төгсгөлийн үеийн онол болон эш үзүүллэгийн талаар сурч байсан ямар ч хичээлээс илүүгээр 1 Тесалоникт өгсөн Паулын заавар маш практик шинж чанартай юм. Зарим Библийн багш нар эш үзүүллэгийг маргалдаж мэтгэлцэх сэдэв мэт хардаг ч бидний өдөр тутмын амьдралд ойр, утга учир бүхий зүйл гэж тэр бүр авч үздэггүй. Харин Паулын сургаал биднийг илүү амьдралд ойр, практик байдал руу хөтөлж байна.

Христийн дахин ирэлтийн тал дээр Христэд итгэгчид харилцан адилгүй байр суурьтай байдаг. Зарим нь Түүнийг Их зовлонгийн үеийн дараа ирнэ гэж итгэдэг бол зарим нь Түүнийг Их зовлонгийн үеийн өмнө ирнэ гэж итгэдэг. Гэтэл зарим нь Их зовлонгийн үе гэж огт байхгүй гэж итгэдэг. Тэр бүү хэл Түүнийг дахин ирнэ гэдэгт огт итгэдэггүй хүмүүс ч бий.

Паул Тесалоникийн итгэгчдэд хандан бичихдээ, “Бурханаар хайрлагдсан ах дүү нар аа, та нарын сонгогдсоныг бид мэднэ” (эш. 4) гэсэн байна. Паул энд сонголтын тухай онолыг батлах гэж эсвэл энэ талаар ямар нэгэн маргаан мэтгэлцээн өрнүүлэх гэж ийнхүү бичээгүй. Тэр зүгээр л бодит баримтыг өгүүлсэн. Паул тэднийг Бурханы өнцгөөс харж ийнхүү бичсэн байна.

Бид Бурханы үгийг хүлээн авч, үүний дагуу үйлдэж эхлэх үед бидний итгэлийн үйлс бусдад илэрхий харагдаж эхэлдэг. Энэ нь бидний итгэлийн алхам юм. Паул Тесалоникийн итгэгчидтэй уулзах үедээ, “Та нар хиймэл шүтээн шүтэхээ боль” гэж хэлээгүй. Тэр зүгээр л Христийг тунхагласан. Харин Тесалоникчууд Бурхан руу эргэх үедээ өөрсдөө аяндаа хиймэл шүтээнүүдээсээ холдсон байна.

Ром захидлын энэхүү сүүлчийн бүлгээс бид сайнмэдээ Ромын Эзэнт гүрэн даяар хэрхэн түгэн тархаж байсныг харж чадна. Ёс бус байдал, садар самуун, зугаа цэнгэлд дарагдсан Ромын хотуудын гудамжаар Есүс Христийг гэрчлэгчид зүрхэндээ Христийн баяр хөөрийг тээн Христийг хаа сайгүй тунхагласаар байсан.

Паул Ромын Эзэнт гүрний нэг захаас нөгөө зах хүртэл аяласан байсан. Харин одоо тэр шинэ газар нутаг буюу Испаний хязгаар луу зорихыг төлөвлөж байна. Гэхдээ үүнээс өмнө тэр эхлээд Иерусалим руу буцах ёстой байсан. Тэрээр Бага Азийн чуулгануудаас Иеурсалимын чуулганд зориулан цуглуулсан хандив тусламжийн зүйлсийг өөрийн гараар хүлээлгэн өгөхийг хүсэж байсан. Яагаад? Яагаад гэвэл Паул өөрөө нэгэн цагт Иерусалим дахь итгэгчдийг хавчин гадуурхаж байсан. Тиймээс Паул тэдний төлөө гэсэн чин сэтгэлээр тэдэнд туслахыг зорьж байсан.

Та Есүс Христэд итгэдэг үү? энэ бол бүхнийг шийдэх асуулт юм. Хэрвээ та Есүс Христэд итгэсэн бол та Христийнх болсон гэсэн үг. Тэгвэл 1 Коринт 6:20-д хэлэхдээ, “Та нарыг үнэтэйгээр худалдан авсан тул биеэрээ Бурханыг алдаршуул” хэмээн уриалсан байна.

Бурханаас бидэнд төлөвлөсөн тэр л амьдралаар амьдрахын тулд бид харилцаа бүхэлдээ Бурханы хүслийн дагуу байх учиртай юм. Бурхан биднийг бусадтай харилцаатай байхаар бүтээсэн. Тиймээс ч бидэнд бие биенийхээ өмнө хүлээсэн үүрэг хариуцлага бас бий.

Бид бүгд өөрсдийн авралыг өөрсдийн хичээл зүтгэлээр олж авах гэж байдгаараа хичээдэг. Тиймдээ ч бид Бурханы өмнө очоод, “Би хангалттай байсан байж чадахгүй юм байна. Би Таны авралын бэлгийг даруугаар хүлээж авъя” гэж хэлж тэр бүр чаддаггүй. Үүний оронд бид Бурханы авралыг хүлээн авах зохистой нэгэн байх гэж хичээдэг. Бид өөрсдийнхөө хүчин чармайлтаар Бурханд таалагдах гэж хүсдэг. Гэхдээ энэ нь хэзээ ч боломжгүй гэдгийг бид ойлгох хэрэгтэй.

Хэдийгээр бид Бурханы үйлс бүрийг бүрэн дүүрэн ойлгож чадахгүй байж болох ч Түүний үйлс бүхэн зөв шударга гэдэгт бүрэн итгэлтэй байж болно. Энэ орчлон ертөнц бол Түүнийх. Тэр бүгдийг захирч, бүгдийг удирдаж байна.