ITGELRADIO

Би сайн тэмцлээр тэмцсэн, замаа дуусгасан, итгэлээ сахисан. Урьд минь зөв байдлын титэм надад зэхэгдсэн байна. Зөвт Шүүгч Эзэн намайг тэр өдөр, зөвхөн намайг ч биш, Түүний үзэгдэхийг хүсэгч бүгдийг бас түүгээр шагнах болно.

2Тимот 4:7-8

#ХермоныШүүдэр #itgelradio

Бурхан бидний гэм нүглийн улмаас тэр мөчүүдийн төлөө Хүүгээсээ харцаа буруулах хэрэгтэй болсон. Түүнд итгэх итгэлээрээ дамжуулан “Нүглийг үл мэдэгч Түүнийг бидний төлөө Тэрээр нүгэл болгосны учир Түүний дотор бид Бурханы зөвт байдал болох юм.” ‭ (2 Коринт 5:21) гэдгийг та эндээс харж болно.‬ ‬‬

Есүс та биднийг цагаатгахын тулд Өөрөө бүх гэмийг үүрч, гэмийн бүх төлөөсийг амиараа төлөхөд бэлэн байсных нь төлөө та Түүнд талархдаг уу? Яг одоо та талархаарай.

Түүний нүдэнд олиггүй нь жигшигддэг боловч

ЭЗЭНээс эмээгчдийг тэрээр хүндэлдэг

Тэр өөрөө хохирсон ч

Андгайлснаасаа үл няцна. Дуулал 15:4

Есүс Христийг Аврагчаа болгон хүлээн авсан тэр л мөчид мөнхийн улс дахь бидний байр суурь бүрэн баталгаатай болсон гэдгийг ХАМТДАА нэвтрүүлгийн өнөөдрийн дугаараар Др.Стэнли бидэнд дахин сануулах болно. Магадгүй нэгэн цагт Бурханд итгэдэг байсан ч итгэлээ орхин одсон хэн нэгнийг та санаж байж болох юм. Тэд цуглаандаа үйлчилж, Библи уншиж, залбирч, Бурханыг таньж мэдэхээр тэмүүлдэг байсан. Гэвч ямар нэгэн шалтгааны улмаас тэд итгэлээ орхиж, хуучин амьдралынхаа хэв маяг руу буцсан байна. Хэрвээ тэд үнэхээр Бурханд итгэж авралыг авсан байсан бол тэр авралаа алдах болов уу? Бурханаас нүүрээ буруулсных нь төлөө Бурхан тэднээс авралаа буцааж авах болов уу?

Энэ асуултуудтай холбоотойгоор Др.Стэнли бидэнд Библийн чухал амлалтуудыг сануулах болно. Бидний зан байдал, үйл хөдлөл, бидний дотор төрж буй мэдрэмжүүдээс үл шалтгаалаад мөнхийн улс дахь бидний байр суурь хөдөлшгүй бат гэдгийг тэдгээр амлалтууд бидэнд сануулах болно. Бурханаас нүүр буруулж гэм нүгэлт амьдралын замыг сонгосон хүмүүс энэ сонголтынхоо үр дагаврыг амсах нь гарцаагүй боловч тэдний үйлдсэн гэм нүгэл тэдний мөнхийн авралыг үгүй хийж чадахгүй.

Ингээд биднийг Бурханаас хүлээж авсан авралдаа “бүрэн итгэлтэй байж болно” гэдгийг бидэнд дахин сануулж өгөх, Др.Стэнлийг угтан авцгаая.

Бид Есүс Христийг Аврагчаа болгон итгэлээр хүлээж авсан тэр л мөчид бидний аврал баталгаатай болсон. Бидний дотор ямар мэдрэмж, ямар сэтгэл хөдлөл төрөхөөс үл шалтгаалаад бид мөнхийн авралыг хүлээж авсан. Тиймээс бидний сэтгэл хөдлөл бидний авралын баталгааг хэмжих хэмжүүр байж чадахгүй. Итгэлийн амьдралдаа бид янз бүрийн мэдрэмж, янз бүрийн сэтгэл хөдлөлийг мэдрэх болно. Харин бид авралын баталгаагаа тэр бүх мэдрэмжтэй холбож ойлгохоос зайлсхийх учиртай.

Тиймээс өнөөдөр Др. Стэнли бидэнд Есүс Христтэй барилдсан бидний тасаршгүй мөнхийн барилдлагааг дахин сануулах болно. Энэ хувиршгүй мөнхийн харилцаа бидэнд Бурханаас хүлээн авсан авралдаа бүрэн итгэлтэй байх баталгаа болдог.

Ром 8:32

Тэр Өөрийн Хүүг харамлалгүй, харин Түүнийг бид бүхний төлөө тушаасан юм. Тэгвэл Тэр яаж бүх юмыг Түүний хамт бидэнд сул өгөхгүй байх билээ?

Харин та нарын хэн нэг нь мэргэн ухаанаар дутвал, бүх хүнд өгөөмрөөр, буруушаалгүй өггөч Бурханаас гуйг. тэгээд түүнд өгөгдөх болно.

Иаков 1:5

Энэ үеийн явдалд нийцэлгүй, харин оюун санааныхаа шинэтгэлээр өөрчлөгдөж байгтун! Тэгвэл Бурханы сайн, тааламжит, төгс төгөлдөр таалал юу болохыг таних болно.

Ром 12:2

2Коринт 4:18 дээр “Бид үзэгдэх юмсыг бус, харин үл үзэгдэх юмсыг хардаг. Учир нь үзэгдэх юмс бол цаг зуурынх, харин үл үзэгдэх юмс мөнх билээ” гэжээ.

Бурханы Үгийг унших, магтан хүндэтгэх, мөнхөд Түүн рүү анхаарлаа төвлөрүүлэх гэсэн гурван дасгал нь Бурханы хийх ёстой ажлын төлөө таны хүч чадлыг шинэчлэх болно.

Харин итгэл сүсэг ба сэтгэл хангалуун байдал нь хамтдаа агуу ашиг мөн. Учир нь бид ертөнцөд юу ч авчраагүй, мөн юу ч авч гарч чадахгүй. Хэрэв хоол хүнс, хувцас хунар байвал эдгээрээр бид сэтгэл хангалуун байх болно.

1Тимот 6:6-8