ITGELRADIO

Зарим хүмүүс Христэд итгэгчдийн авралын баталгааг хүссэн үедээ гэм нүгэл үйлдэх эрхийн бичиг мэтээр ойлгодог. “Хэрвээ чи авралаа алдахгүй юм бол энэ нь чи хүссэнээрээ нүгэл үйлдэж болно гэсэн үг шүү дээ. Ийм юм байж болно гэж үү?” хэмээн тэд гайхдаг. Тэгвэл тийм биш гэдгийг ХАМТДАА нэвтрүүлгийн өнөөдрийн дугаараараа Др.Чарльз Стэнли бидэнд тайлбарлаж өгөх болно.

Еврей номын зарим хэсэгт итгэгч хүн авралаа алдах боломжтой мэтээр ойлгогдохуйц үгс бичигдсэн байдаг. Гэхдээ хэрвээ бид тэдгээр эшлэлүүдийн жинхэнэ утга санааг ойлгох юм бол энэ нь харин ч эсрэгээрээ, итгэгчид бид авралаа хэзээ ч алдахгүй гэдгийг баталж байдаг юм. Ингээд хамтдаа тэдгээр эшлэлүүдийг бидэнд тайлбарлаж ойлгуулж өгөх Др.Чарльз Стэнлийг угтан авцгаая.

Давид хаан, Бурхан оршдоггүй ямар газар байдаг тухай бодоод эцэст нь бууж өгч,

Таны Сүнснээс би хаашаа одох вэ?

Эсвэл Таны оршихуйгаас би хаашаа зугтах вэ?

Хэрэв би тэнгэр өөд очвол, Та тэнд,

Хэрэв би Үхэгсдийн оронд ор дэрээ засвал,

Харагтун, Та тэнд.

Үүрийн гэгээгээр жигүүрлэн

Далайн хамгийн алсын хэсэгт суувал

Тэнд ч мутар тань намайг удирдаж,

Баруун мутар тань надаас зуурна.

Дуулал 139:7-10 хэлсэн байдаг.

Тиймээс, залбирахдаа Бурхан сонсож байгааг мартаж болохгүй. Мосе хэлэхдээ, “Дуудах бүрд минь бидний Бурхан ЭЗЭН ойрхон байдаг” гэжээ. Тэр залбирлын үг бүрийг анхаарч үздэг.

Бид Есүс Христэд итгэсэн тэр мөчид бидний бүх гэм нүгэл уучлагдаж, бидний мөнхийн хувь тавилан бүр мөсөн шийдэгдсэн. Энэ бол Бурханы бидэнд өгсөн хувиршгүй амлалт юм. Гэхдээ Христэд итгэгч хүн авралаа алдах боломжтой мэтээр ойлгогдохуйц эшлэлүүд мэр сэр бий. Тэгвэл бид тэдгээр эшлэлүүдийг хэрхэн зөвөөр тайлж ойлгох вэ?

Тэгвэл ХАМТДАА нэвтрүүлгийн өнөөдрийн дугаараар Др.Стэнли бидэнд Библид бичигдсэн тэдгээр “амаргүй” эшлэлүүдийг бид хэрхэн тайлж ойлгох учиртайг тайлбарлаж өгөх болно. Тиймээс хэрвээ та Библид бичигдсэн тэдгээр эшлэлүүдийг хэрхэн зөвөөр тайлж ойлгохоо мэддэггүй байсан бол өнөөдрийн дугаарт анхаарлаа хандуулаарай.

Бурхан Мосегоор дамжуулан ард түмэндээ өөрөөсөө илүү том армитай тулгарахад урам зориг болох дөрвөн зарчимыг хэлсэн. Энэ нь танд ч бас туслах болно.

• Хэрвээ таны асуудал танаас том бол

1. Та айж, сандарч магадгүй. Таныг отож буй тэр айдас зүрхийг тань үхүүлж, таныг зогсоохыг бүү зөвшөөр.

• Хэрвээ таны асуудал танаас том бол

2. Та өөрийн хүчээр ялах нөөц боломж байхгүй гэдгээ хүлээн зөвшөөрөх хэрэгтэй. Та нартай тулалдахаар ирж буй арми та нараас олон морьтой, олон тэрэгтэй, олон цэрэгтэй. Тэр арми таныг дийлэх айлгах бүрэн итгэлтэй үедээ довтолсон гэдгийг сана.

• Хэрвээ таны асуудал танаас том бол үүнийг санаарай

3. Бурхан тантай хамт тулалдаанд явахаа амласан.

• Эцэст нь хэлэхэд таны асуудал танаас том бол:

4. Бурхан таныг өмнө нь аварсан бөгөөд энэ удаад ч мөн “та нарт ялалтыг өгнө” гэж амласныг санаарай.

Та хэзээ нэгэн цагт өөрийнхөө авралд эргэлзэж байсан уу? Эсвэл Христэд итгэгч болсон хойноо гэм нүгэл үйлдэх юм бол авралаа алдах болов уу? хэмээн тээнэгэлзэж байсан уу? Энэ дэлхийг орхин одох үедээ та мөнхийн улсад очих болно гэдэгтээ та бүрэн итгэлтэй байж чадах уу?

Хэрвээ үгүй бол таныг мөнхийн авралдаа бүрэн итгэлтэй байж болно гэдгийг Др.Стэнли танд өнөөдөр сануулж өгөх болно. ХАМТДАА нэвтрүүлгийн энэ удаагийн дугаараар Др.Стэнли бидэнтэй Бурханы үгэнд бичигдсэн амлалтуудын талаар ярилцах болно. Христэд итгэгчдийг Библид, “дахин төрсөн хүмүүс”, “Христийн доторх шинэ бүтээлүүд”, “Бурханы хөвгүүд охид” хэмээн тодорхойлсон байдаг. Энэ бүх нэршил нь бидний мөн чанарт гарсан эргэлт буцалтгүй өөрчлөлт, Бурхантай барилдсан бидний мөнхийн барилдалгааг батлан харуулж байдаг билээ.

Хэн нэгэн хүн танд амласан амлалтаа зөрчиж байсан тохиолдол бий юу? Ийм тохиолдолд бид маш их гомдож, сэтгэлдээ шархтай хоцордог. Тэгвэл ХАМТДАА нэвтрүүлгийн өнөөдрийн дугаараар дамжуулаад Др.Стэнли бидэнд хэзээ ч зөрчигдөшгүй гайхамшигтай амлалтуудын талаар өгүүлэх болно. Эдгээр амлалтуудыг бид Бурханы үг болох Библиэс олж уншиж чадна.

Бид Есүс Христэд итгэж Бурханы гэр бүлийн гишүүн болсон тэр мөчид мөнхийн улс дахь бидний байр суурь баталгаатай болсон гэдгийг Библи дэх амлалтууд гэрчилдэг байна. Өөрөөр хэлбэл, “Бидний аврал баталгаатай юу?” гэсэн асуултад ямар ч эргэлзээгүйгээр “Тийм” гэсэн хариултыг Библи бидэнд өгч байна гэсэн үг. Тэгвэл Др.Стэнли өнөөдөр бидэнд Бурханы хүүхэд болсон бидний мөнхийн хувь тавилан хөдөлшгүйгээр шийдэгдсэн гэдгийг батлах 2 баталгааг хэлж өгөх болно.

ХАМТДАА нэвтрүүлгийн өнөөдрийн дугаараар Др.Стэнли бидэнд итгэлийн амьдралд маань хамгийн чухал тэр нэгэн асуудлын талаар өгүүлэх болно. Энэ бол бидний авралын баталгаа юм. Есүс Христэд итгэсэн хүн бүрийн аврал мөнхийн мөнхөд баталгаатай гэдгийг Др.Стэнли бидэнд өнөөдөр дахин сануулах болно.

Христэд итгэгчид авралаа алдахгүй гэдэгтээ бүрэн итгэлтэй байх нь тийм чухал асуудал мөн гэж үү? хэмээн зарим хүмүүс асуудаг. Тэгвэл энэ нь бидний итгэлийн амьдралын хамгийн чухал асуудлуудын нэг мөнөөсөө мөн болохыг Др.Стэнли бидэнд сануулж байна. Учир нь энэ итгэл нь бидний амьдралын талбар нэг бүрд нөлөөлж байдаг. Хэрвээ бид хүлээж авсан авралдаа бүрэн итгэлтэй байж чадахгүй бол бид Бурханд үр нөлөөтэйгөөр үйлчилж чадахгүйд хүрэх болно. Тэгвэл энэ ойлголт нь бидний амьдралын яг ямар талбаруудад онцгойлон нөлөөлдөг болохыг Др.Стэнли бидэнд өнөөдөр тайлбарлаж өгөх болно. Ингээд хамтдаа Др.Стэнлийн ярианд анхаарлаа хандуулцгаая.

Цөөнгүй итгэгчид “бидний аврал үнэхээр мөнхөд баталгаатай гэж үү?” хэмээн эргэлздэг. Тэгвэл энэ эргэлзээг тайлах баталгаа бол Есүс Христийн загалмай юм. Учир нь Христийн загалмайгаар дамжуулаад бид төгс уучлалыг хүлээж авсан. Есүс Христийн загалмайн үхэл бидний бүх гэм нүглийн асуудлыг бүрэн шийдэж, бидэнд мөнх амийн баталгааг өгсөн юм.

Магадгүй та дотроо, бидний аврал мөнхөд баталгаатай гэдэгт итгэж амьдрах нь тийм чухал гэж үү? хэмээн гайхаж байж болох юм. Тэгвэл бидний аврал мөнхөд баталгаатай гэдэгт итгэж амьдрах нь бидний амьдралд хандах хандлагад хэрхэн хүчтэйгээр нөлөөлдөг болохыг өнөөдөр Др.Стэнли бидэнд тайлбарлаж өгөх болно. Ингээд хамтдаа “Авралын мөнхийн баталгаа – бидний амьдралын хамгийн чухал зүйл” гэсэн сэдвээр суралцацгаая.

Хүний гараар бүтээгдсэн зарим зүйлс эвдэрч гэмтлээ гээд бид тийм ч их харамсдаггүй. Учир нь бид ихэнхдээ маш олон хувь хийсэн байдаг учраас орлуулж болно гэж боддог. Харин Бурханы хувьд эвдэрч гэмтсэн хүнийг орлуулах биш шинэчлэн засаж авдаг талаар нэгэн гайхамшигт түүхийг өнөөдөр сонсьё.

Мөнхийн авралын тухай ойлголтыг бүрэн дүүрэн ойлгохын тулд бид Есүс Христэд итгэсэн тэр мөчид бидний амьдралд юу тохиолдсон болохыг сайтар ойлгох нь чухал юм. Тэгвэл Есүс Христэд итгэсэн тэр мөчид Бурхан бидний бүх гэм нүглийг уучилсан гэдгийг Др.Стэнли бидэнд дахин сануулж байна.

Үнэхээр бидний өнгөрсөн, одоо, ирээдүйн бүхий л гэм нүглийг уучлахын тулд Есүс Христ Өөрийнхөө амийг зориулсан. Тийнхүү бид Түүгээр дамжуулан Бурханы уучлалыг хүлээж авсан. Бидний уучлал биднээс биш Христээс хамааралтай учир бидний ямар ч үйлдэл энэ уучлалаас биднийг салгаж чадахгүй юм. Энэ энгийн атлаа чухал үнэн бидний мөнхийн амьдралын баталгаа болдог. Тэгвэл Др. Стэнли бидэнд энэ чухал үнэнийг үргэлжлүүлэн тайлбарлаж өгөх болно. Хамтдаа Др.Стэнлийн ярианд анхаарлаа хандуулцгаая.