ITGELRADIO

Бурхан биднийг яг энэ үед амьдруулахдаа амьдралдаа хэрэгцээтэй бүхнийг олж авч чадах зөв цагтаа амьдруулсан. Тиймээс бидэнд яг хэрэгтэй зүйлийг хэзээ ч олж авч чадахгүй байна гэж байхгүй. Бурхан бидэнд хэрэгтэйг хэдийнээ өгснийг, бид харин мэдээгүй байж магадгүй...

Христэд итгэгчдийн хувьд өөрийнхөө авралд эргэлзэх, цаашилбал тэр аврал нь үнэхээр мөнхийн аврал мөн эсэхэд эргэлзэх тохиолдол цөөнгүй тохиолддог. Тэгвэл Др.Стэнли өнөөдөр бидний энэхүү эргэлзээг тайлж өгөх болно. Ингэхдээ Есүс Христэд итгэх итгэлээр бидний гэм нүгэл бүрэн уучлагдаж, Бурхан биднийг байгаагаар нь хүлээж авсан гэдгийг, мөн Тэр биднийг мөнхийн улсынхаа иргэд болгож, бидний мөнхийн ирээдүйг бүрэн дүүрэн баталгаатай болгосон гэдгийг тод томруунаар тайлбарлаж өгөх болно.

Христэд итгэгчдийн хувьд ихэнх нь Бурхан өөрсдийг нь уучилсан гэдэгт бат итгэдэг. Тэр бүү хэл өөрсдийг нь гомдоож хохироосон хүмүүсийг ч тэд уучилж чаддаг. Харамсалтай нь бусдыг уучилдаг шигээ өөрийгөө уучилж чаддаггүй итгэгчид цөөнгүй бий. Христэд итгэгчид бид өөрсдийнхөө үйлдсэн буруу үйлдлийг уучлахын аргагүй ноцтой хэмээн үзэж, өөрсдийгөө буруутган ялласаар байдаг. Гэтэл энэ нь бид Христийн загалмайн үйлсийг бүрэн дүүрэн ойлгож ухаараагүйтэй шууд холбоотой юм.

Тэгвэл Др.Стэнли бидэнд өөрөө өөрийгөө уучилж чадахгүй байх нь ямар хор хөнөөлтэй болохыг тайлбарлаж өгөх болно. Мөн бидэнд “Өөрийгөө уучлах”-ын тулд ямар алхмуудыг хийх ёстойг зааж өгөх болно.

Энэ дэлхий дээр байгаа бидний хүн нэг бүрт зориулагдсан зорилгыг бүхэлд нь, эвдэрч нурсан эсэхээс нь үл хамааран Библи тодорхой зааж өгдөг. Дуулал 138:8-д “ЭЗЭН миний төлөө гүйцэлдүүлнэ. Аяа ЭЗЭН, хайр энэрэл тань мөнхийн юм. Мутрынхаа бүтээлүүдийг бүү орхиоч” гэжээ. Тиймээс Бурханы энэхүү амлалтыг санан, чанд сахиарай.‬‬‬‬‬‬‬‬

Хэн нэгэн хүн биднийг гомдоож, хохироох үед бид заримдаа тэр бүхнийг үл тоож, тийм зүйл огт болоогүй юм шиг царайлах гэж оролддог. Хэдийгээр энэ нь өнгөн дээрээ үр дүнтэй арга мэт боловч гаднаа зүгээр мэт царайлж, асуудлыг дотроо хадгалснаараа бид өөрсдийгөө илүү ихээр зовоодог. Тэгвэл Др.Стэнли бидэнд “Бие биенээ уучлах нь” ямар чухал болохыг сануулж байна. Ингэхдээ Иосефын амьдралаар дамжуулаад бусдыг уучлахад маань туслах чухал зөвлөмжүүдийг өгөх болно.

Хэрвээ таны амьдралд үл уучлалын ул мөр байгаа бол та өнөөдрийн дугаарыг анхааралтай сонсоорой. Др.Чарльз Стэнли таныг үл уучлал, уур хилэн, атаа хорсол, үзэн ядалтаасаа чөлөөгөдөхөд чинь туслах болно.

“Цаг хугацаа бүх шархыг анагаадаг” гэдэг үгийг та сонсож байсан байх. Гэхдээ энэ үнэн гэж үү? Уур хилэн, атаа хорсол, үзэн ядалт цагийн аясаар үнэхээр алга болдог гэж үү?

ХАМТДАА нэвтрүүлгийн өнөөдрийн дугаараар Др.Стэнли бидэнд “БИЕ БИЕЭЭ УУЧЛАХ НЬ” ямар чухал болохыг тайлбарлан таниулах болно. Бид бие биеэ уучилдаг байх учиртайг Эзэн Есүс маш тодорхой сургасан байдаг. Ингэхдээ Тэр бидэнд үл уучлалаас ангижрах арга замуудыг зааж өгсөн юм.

Ингээд “бие биеэ уучлах” талаар Библид юу гэж өгүүлсэн болохыг хамтдаа суралцацгаая.

Учир нь Бурхан бидэнд айдсын бус, харин хүч, хайр ба биеэ захирах сүнсийг өгсөн” (2Тимот 1:7)

ХАМТДАА нэвтрүүлгийн өнөөдрийн дугаарт Др.Чарльз Стэнли бидний анхаарлыг итгэлийн амьдралын амин чухал нэгэн асуудал руу хандуулах болно. Энэ бол “БИЕ БИЕЭ УУЧЛАХ” явдал юм.

Хүмүүс биднийг гомдоож, бидний сэтгэлийг шархлуулах үед бид уурлаж, сэтгэлдээ хорсол занал, үзэн ядалтыг тээж эхэлдэг. Хэрвээ бид тэр бүх сөрөг сэтгэл хөдлөлүүддээ автаж эхлэх юм бол энэ нь эргээд бидний итгэлийн амьдралын үр нөлөөг бууруулж, сэтгэл хөдлөл, бие махбод, оюун санаанд маш хортойгоор нөлөөлж эхэлдэг. Тэгвэл таныг үл тоож, гомдоон шархлуулсан нэгнийг та чөлөөтэйгөөр уучилж чаддаг уу? Эсвэл та уур хилэн, өс хонзон, үзэн ядалтыг тээдэг үү? Хэрвээ та бусдыг уучилж тэр бүр чаддаггүй бол “БИЕ БИЕЭ УУЧЛАХ НЬ” ямар чухал болохыг Др.Стэнли танд тайлбарлаж өгөх болно.

Сорилтыг эрдэнэс гэж нэрлээд төсөөлөөд үз дээ. Эрдэнэс бол үнэ цэнтэй, маш өндөр үнэтэй, нандин зүйл. Элч Паул бидний сорилтыг "мөнхийн алдар" гэж нэрлэхдээ утга ижил зүйлийг хэлдэг. Тэрээр “Тиймээс бид зүрх алддаггүй… Учир нь агшин төдий ялихгүй зовлон нь бидэнд алдрын мөнхийн жинг үлэмж арвижуулж байна” ‭‭гэсэн байдаг. (2Коринт‬ ‭4‬:‭16‬-‭17‬)‬‬‬‬‬‬‬‬‬‬‬‬‬‬‬

Та хэзээ нэгэн цагт Бурханы өмнө гэм нүглээ гэмшиж, Түүнээс уучлал өршөөлийг гуйж байсан уу? Бид Бурханы өмнө сайн гэмшиж, уучлал өршөөлийг сайн гуйхгүй бол Бурхан биднийг уучлахгүй гэж зарим хүмүүс боддог. Тэгвэл ийм бодол нь итгэгч хүмүүсийн итгэлийн амьдралыг тогтворгүй болгох нэг том шалтгаан болдог гэдгийг ХАМТДАА нэвтрүүлгийн өнөөдрийн дугаараар Др.Стэнли бидэнд өгүүлэх болно.

Бидний гэм нүглийн уучлал нь зөвхөн Есүс Христийн загалмайн үхлээр дамжуулан бидэнд өгөгдсөн гэдгийг Библид тодорхой өгүүлсэн байдаг. Хэрвээ тийм бол бидний гэмшил Бурханы уучлалтай ямар холбоотой юм бэ? гэсэн асуулт гарч ирнэ. Тэгвэл Др.Стэнли бидэнд “ГЭМШИЛ БА УУЧЛАЛ” хоорондоо ямар уялдаа холбоотой болохыг тайлбарлаж өгөх болно.