ITGELRADIO

Бурхан яагаад биднийг уучилдаг юм бол? гэж та бодож байсан уу? Библид хэлэхдээ Бурханыг, “уучлал өршөөл, хайр энэрлийн Бурхан” хэмээн тодорхойлсон байдаг. Энэ бол Бурханы уучлал өршөөлийн цаад шалтгаан юм.

ХАМТДАА нэвтрүүлгийн өнөөдрийн дугаараар Др.Стэнли бидэнд Эзэн Есүсийн ярьсан нэгэн гайхамшигтай сургаалт зүйрлэлийн талаар өгүүлэх болно. Гэрээ орхин одсон хүүгээ эргэн ирэхэд нь баярлан угтаж буй эцгийн дүр зураг бол биднийг хайрладаг, бидний “ӨРШӨӨНГҮЙ БУРХАН ЭЦЭГ”-ийн дүр зураг юм шүү.

“ЭЗЭН сайн гэдгийг амсацгаа, үзэцгээ! Дотор нь хоргоддог нэгэн Юутай ерөөлтэй вэ!” Дуулал‬ ‭34‬:‭8‬

Бид Есүс Христэд итгэх үедээ Бурханаас гэм нүглийн уучлалыг хүлээж авдаг. Харин уучлал гэдэг нь нарийндаа бол бидний “ҮХЭЛ АМЬДРАЛЫГ ШИЙДЭХ АСУУДАЛ” юм. Магадгүй та Бурханы уучлалыг ийм ноцтой асуудал гэж огт бодож байгаагүй байж болох юм. Тэгвэл та ХАМТДАА нэвтрүүлгийн өнөөдрийн дугаарыг анхааралтай сонсож, Бурханы уучлал таны амьдралд ямар чухал болохыг олж мэдээрэй.

Нүглийн төлөөс бол үхэл гэдгийг Библид тодорхой өгүүлсэн байдаг. Харин Христэд итгэгч хүмүүст Бурхан уучлал болон мөнх амийг өгдөг. Тэгвэл та Бурханы энэ гайхамшигтай бэлгийг хүлээж авч амжсан уу? Та амийг сонгох уу, үхлийг сонгох уу? Др.Стэнли бидэнд Бурханы уучлал бидний амьдралд ямар чухал болохыг тайлбарлах зуур та энэхүү чухал шийдвэрийн талаар нухацтайгаар эргэцүүлэн бодоорой.

Др. Чарльз Стэнлийн Библийн цуврал хичээлээр бэлтгэн хүргэдэг ХАМТДАА нэвтрүүлгийн энэ удаагийн дугаар ийнхүү эхэлж байна.

Өнөөдөр бид Христитгэлийн нэгэн чухал үндэс суурь болсон ойлголтын талаар ярилцах болно. Энэ бол УУЧЛАЛ юм. Өнөөдөр Др.Стэнли бидэнд Бурханы уучлалын тухай үндсэн ойлголтуудыг өгч, ингэхдээ бид бусдыг болон өөрсдийгөө уучлах бодит алхмуудын талаар өгүүлэх болно. Энэ нь эргээд биднийг Бурханы амар тайван, хайр энэрлийг мэдрэхэд саад болдог аливаа зүйлсээс чөлөөлөх болно. Ингээд хамтдаа “БИДНИЙ УУЧЛАЛЫН ҮНДЭС” нь чухал юу болохыг олж мэдэцгээе. Др.Стэнлийг угтан авцгаая.

Та ойрд Бурханы таны төлөө хийсэн онцгой зүйлийн талаар гэр бүлийнхэнтэйгээ хуваалцан ярилцсан уу? Замын түгжрэл ихтэй үед эсвэл магдгүй таныг яаралтай дуудлага хийх үед Бурхан таныг хэрхэн хамгаалж, яаж тусалсныг гэр бүлийнхэндээ хэлээрэй.

1980-аад оны сүүлээр Зүүн Европ Коммунист дэглэмээс чөлөөлөгдсөн. Үүний үр дүнд мянга мянган хүн эрх чөлөөг эрэлхийлэн Баруунд ирсэн байдаг. Тэр хүмүүсийн зарим нь улс төрийн эрх чөлөөг эрэлхийлж байсан бол зарим нь нийгмийн эрх чөлөөг эрэлхийлж байсан юм. Тэгвэл өнөөдөр хүн төрөлхтөн бүхлээрээ үүнээс ч илүү дарлал боочлолын дор амьдарч байна. Энэ бол гэм нүглийн боолчлол юм.

Др.Чарльз Стэнлийн Библийн цуврал хичээлээр бэлтгэн хүргэдэг ХАМТДАА нэвтрүүлгийн энэ удаагийн дугаар ийнхүү эхэлж байна. “ҮНЭН ТАНЫГ ЧӨЛӨӨЛНӨ” гэсэн энэхүү цувралаар дамжуулаад бидэнд жинхэнэ эрх чөлөөг өгдөг зүйл бол Бурханы үнэн юм байна гэдгийг бид ойлгож авч байна. Бид Бурханы энэхүү үнэнийг ойлгосноор энэ нь биднийг хянаж байдаг сөрөг сэтгэл хөдлөлүүдээсээ ангижрахад тусалдаг ажээ. Тиймээс хамтдаа Бурханы гайхамшигтай үнэнээс үргэлжлүүлэн суралцацгаая. Ингээд Др.Чарльз Стэнлийг угтан авцгаая.

Бид нэг газраас нөгөө тийш явахын тулд тээврийн хэрэгсэл ашигладаг. Автомашины тусламжтайгаар бид ажил, сургуульдаа явж, дэлгүүр хэсэж, амарч зугаалж чаддаг. Автомашингүйгээр бидний амьдралыг төсөөлөхөд бэрх болсон байна. Тэгвэл автомашины энэхүү гайхамшигтай амжилт түүний дотоод шаталтын хөдөлгүүртэй шууд холбоотой юм. Дотоод шаталтын хөдөлгүүрийн хүчээр автомашин хөдөлж, хурдалж чаддаг. Тэгвэл үүний нэгэн адил Библийн үнэний цаана амьд Бурханы агуу хүч байгаа гэдэгт бид бүрэн итгэлтэй байж болно. Бид Бурханы энэхүү агуу үнэнд итгэж эхлэх үед түүний цаана буй Бурханы агуу хүч бидний төлөө ажиллаж эхэлдэг.

ХАМТДАА нэвтрүүлгийн өнөөдрийн дугаараар бид Бурханы энэ л агуу хүчийг таньж мэдэх болно. Ингээд Др.Чарльз Стэнлийг угтан авцгаая.

Та Библи бол сайн ном гэж сонсож байсан байх. Гэхдээ энэ нь үнэхээр үнэн эсэхийг та мэдэх хүслээр дүүрч гайхширан байна уу? Тэгвэл өөрөөсөө нэг асуулт асуугаарай.

“Би амьдралдаа Бурханы хүслийг биелүүлэхийг үнэхээр хүсэж байна уу?

Др.Стэнлийн Библийн цуврал хичээлээр бэлтгэн хүргэдэг, Бурханы үгээр бусдын амьдралыг босгон байгуулдаг ХАМТДАА нэвтрүүлгийн энэ удаагийн дугаар ийнхүү эхэлж байна.

Гэм нүгэл гэдэг бол маш харгис хэрцгий боолчлогч юм. Харамсалтай нь олон хүн тэсэж тэвчихийн аргагүй болж байж сая нүглийн хүлээснээс ангижрахыг эрмэлзэж эхэлдэг. Гэтэл гэм нүгэл бидний амьдралыг боолчлон хянаж ямар ихээр зовоож байгааг ухаарах хүртлээ бид Бурханаас тусламж гуйн хашхирдаггүй. Ийнхүү цөхөрч шаналсан тэр л үедээ бид гэм нүглийн дарангуйллын эсрэг бид өөрсдийгөө чөлөөлөх ямар ч хүчгүй болохоо ухаардаг. Харин Бурхантай хүмүүсийн хувьд аврал тусламж гуйсан залбирал маань бидний эрх чөлөөний эхний алхам болдог. Ингээд хамтдаа “ҮНЭН ТАНЫГ ЧӨЛӨӨЛНӨ” цувралын дараагийн дугаарыг хүлээн авцгаая. Др.Стэнлийн ярианд анхаарлаа хандуулцгаая.

Др.Чарльз Стэнлийн Библийн цуврал хичээлээр бэлтгэн хүргэдэг ХАМТДАА нэвтрүүлгийн энэ удаагийн дугаар ийнхүү эхэлж байна. Өнөөдөр бид хамтдаа “ҮНЭН ТАНЫГ ЧӨЛӨӨЛНӨ” гэсэн сэдвээр үргэлжлүүлэн ярилцах болно.

Үнэн үнэхээр биднийг чөлөөлөх хүчтэй юм. Гэхдээ тэглээ гээд биднийг автоматаар эрх чөлөөтэй болгодоггүй ажээ. Учир нь юуны түрүүнд бид энэ үнэнд хариу үйлдэл үзүүлэх хэрэгтэй байна. Хоёрдугаарт гэм нүгэл, хууран мэхлэлтийн хүлээс ганц шөнийн дотор бий болдоггүй шиг бид ч бас тийм амархан эрх чөлөөтэй болчихдоггүй гэдгийг бид ойлгох хэрэгтэй. Тиймээс бид Ариун Сүнс Өөрийн үнэнийг бидний амьдралд асган буулгахыг зөвшөөрөх хэрэгтэй. Бас зарим тохиолдолд үр дүн урт хугацааны явцад гарах болно гэдгийг ойлгох хэрэгтэй.

Ингээд хамтдаа Бурханы үгийн үнэнээс суралцаж эрх чөлөөг хүлээн авцгаая. Др.Стэнлийг угтан авцгаая.