講SEN你知

聽咗頭兩集，唔少家長都會關心，SEN子女係家庭管理方面可以點訓練。今集我地會講下SEN青，係日常生活中面臨嘅挑戰，特別是清潔、整理收納同家居安全。包括邊啲清潔任務對佢地嚟講最具挑戰性，亦都會講下點樣教佢地應對突發情況，幫助家長調整心態，令孩子更獨立。

人大咗，始終要學會獨立生活，不過對於一班SEN青嚟講並唔係一件簡單嘅事。係個人管理方面例如煮野食、財務管理，等等方面能力較弱。今集由職業治療師陳宥君來分享佢地嘅教學經驗，講下點樣幫助SEN青克服呢啲困難。

當SEN青踏入青春期時候，亦係佢地學習獨立嘅重要階段。然而，好多家長係呢個過程中成日感到困惑，唔知點開始。儘管面對困難，家長們通常都只可以依靠自己，令到佢地對仔女未來獨立生活能力感到擔憂。今集由職業治療師陳宥君為我地分享一下，佢地嘅教學經驗。

我哋一連三集講解《拆解孩子的感覺密碼》，今年會推出增修版，書入面新增一位角色，我地今日邀請到職業治療師楊志凱介紹下書中新角色。為大家逐一拆解孩子的感覺密碼。

有啲小朋友好鍾意玩刺激野，成日沖嚟沖去，周身郁無時停，家長仲會好擔心佢會成日受傷。呢個有機會係感覺訊息處理有困難，令到佢哋成日被人誤解、責罵，甚至被忽視。今集我地邀請到職業治療師楊志凱為我地介紹下「拆解孩子的感覺密碼」呢本書，為大家剖析書中其中一個主角「衝鋒鼠」。

有啲小朋友反應比較慢，好似要多啲時間先明白老師講咩，甚麼講左都好似無咩反應。大家係咪都諗過，點解有啲小朋友會反應慢啲呢？今日想同大家介紹呢本《拆解孩子的感覺密碼》，可能會幫到你。書入面仲有啲簡單易用嘅方法，可以幫小朋友更加留心同專注。

唔知大家有無聽過「拆解孩子的感覺密碼」。呢本書係由協康會職業治療師團隊，經過多年嚟嘅臨床經驗、治療心得寫出嚟嘅。我地會一連四集介紹書中角色，今年書會新增多一位角色，究竟係邊個，我地係最後一集揭曉。我地今集先講下書入面其中一個主角「無膽貓」。

上集，我們提到特殊幼教同家長關係十分重要，對SEN學生嚟講因材施教都好重要。當中，有啲咩學習資訊家長可以提供比孩子，令佢地建立自尊、自主、自信，而大人又可以點樣同佢地相處？今集，由蘇鎧盈老師講下對SEN學生究竟有邊啲教學方式。最後更加會分享係PACT中遇到嘅深刻難忘事。

特殊幼教唔單止要面對學生，同家長建立良好嘅關係也十分重要。家長係同孩子相處最多嘅人，他們嘅情緒都好容易影響學生嘅發展。今集，我們由做特殊幼教嘅蘇鎧盈老師分享，每當家長有情緒時候可以點樣疏導，同孩子一起共同成長適應新階段。

今集，蘇鎧盈老師回顧了她7年嘅特殊幼教之旅，分享了為何入行、作為教師需要具備甚麼能力，以適應不斷變化嘅教學需求。在現今社會，每位孩子嘅獨特性不應被標籤所限制，隨著對特殊教育認識嘅提升，持續進修亦成為教育者嘅必須，咁樣唔單止有助兒童嘅發展，亦都可以影響家庭。