الفيديو كليب:

https://youtu.be/xzhUxn4w-aM

يا قبضة بتُعصري فكِّي

يا صرخة فـ حَلقي بتكابر

.. ونا فـ الصمت بأتمادى

ضروري فـ لحظة تنفكِّي

عشان مابقاش وجع عابر

.. فـ روحُه الآهة متعادة

يا قاصدة تكوني مش ليَّا

مانيش قادر أكون خِصمِك

بأضمِّك ونتي مهزومة

.. آلاقي فـ وشي أسلحتِك

يا راصدة كل شيء فيَّا

مافيش فـ ضلوعي غير اسمِك

حروف جوَّايا ملضومة

.. بخُصلةْ ضيّ من ريحتِك

يا قبضة بتعصري فكِّي

يا صرخة فـ حَلقي بتكابر

.. ونا فـ الصمت بأتمادى

ضروري فـ لحظة تنفكِّي

عشان مابقاش وجع عابر

.. فـ روحُه الآهة متعادة

يا لسعةْ برد بتزاحمي

طيور فـ عروقي مفزوعة

بتنهش قلبي وعيونِك

.. على حدود الأمل رابضة

يا رعشة متبِّتة فـ لحمي

شفايفِك شوكة مزروعة

ما بين أحلامي وسجونِك

.. وبين النبضة والنبضة

يا قبضة بتعصري فكِّي

يا صرخة فـ حَلقي بتكابر

.. ونا فـ الصمت بأتمادى

ضروري فـ لحظة تنفكِّي

عشان مابقاش وجع عابر

.. فـ روحُه الآهة متعادة

يا ضحكة تمللي بتكشَّر

.. يا غنوَّة بدمي مكسيَّة

يا حيطة جِلدها مقشَّر

.. مكان ما سندتْ بإيديَّا

يا خوذة بتحمي سجَّاني

يا أجمل دودة ساكناني

فـ قلبِك كفّ م الأحزان

.. بيعصر قلبي كالعادة

يا شايلة م السموم ألوان

.. ياريت الموت يكون سادة

يا قبضة بتعصري فكِّي

يا صرخة فـ حَلقي بتكابر

.. ونا فـ الحلم بأتمادى

ضروري فـ لحظة تنفكِّي

عشان مابقاش وجع عابر

.. فـ روحُه الآهة متعادة

........................................

كلمات وألحان: أنطونيوس نبيل

توزيع: أحمد العسال

حضور مميز للفنانة: ريم نسيم

جيتار: روكيت

كولا: محمد عاطف

ميكس وماستر: Shankur

مهداة إلى روح: رهاف الأغا

In the memory of Rehaf Al Agha

14-11-2014

http://elagha.net/person776

كان جرحي إنِّك ماتكونيش جرحي

جوَّايا جوع مطبوع على ملامحي

.. مزَّع فـ روحي كلّ شرايين الكلام

هادر يا بحر الليل غميق هادر

صحِّيت فـ قلبي كلّ شيء قادر

.. يتملَّى جوَّاك فـ العدم ويموت أوام

بأغرق وإيه قدامي ممكن يتمسك

غير موس مصدِّي من سنين مالمستهوش

مدِّيت صوابعي الخرسا عايز ألمسِك

دوَّرت على وشِّك فـ ملايين الوشوش

ولقيتني بأسأل غصب عنِّي

عن عيونِك هُمَّا بُنِّي

ولَّا سُود

ولَّا لون مسحور عجيب

فيه ملايكة بتبتسم.. فيه بتتنهد ورود

فيه مطر حاضن لهيب

حضن جوّاه بأترعش.. رعشة أطهر م السِّجود

لون يجوز مالهوش وجود

لون بيحيي النبض فـ عروق الرُّخام

لون بيحمي اللحم من حزن الهدوم

ولقيتني بأصرخ جوَّه سراديب الزحام

رغم الفشل رغم الألم رغم الهموم

فارس على حصانُه الورق

سيفُه الخشب طقّ اتحرق

قبل الهجوم

فارس وحيد فجأة اتعمى

والدرع من إيده اترمى

إكمن حتَّى الدرع كان مسموم

فارس ومات

كده من سُكات

من غير أنين مالهوش لزوم

الدم سال ع الموس بُقع داكنة

آه يا حبيبتي يا جنَّة مفقودة

جوَّه البُقع شوفتِك هناك ساكنة

نعسانة ولَّا فـ قبر ممدودة

مالقتش غير اسمِك على لساني

أربع حروف صُلبانها شايلاني

أربع مجازر قلبي عايشهم

على عضم روحي بدمي ناقشهم

وشم لوطن مهزوم

------------

كلمات وألحان: أنطونيوس نبيل

توزيع: محمد يسري

وتريات: محمد يسري

جيتار: طارق حمودة

كولا: عبد الله حلمي

ميكس وماستر: ميشيل عبد الملك

من حق كل واحــــــد

يقول للدنيا بخ

أو يعلن انه رافـــض

يساوم أو ينخ

أو يتمادى ف جنـانه

ويخلص كـيلو لـــــب

يقزقز لب سوبـــــــر

أو أبيض لو يـــــحب

يقعد فـ الضلمة حبة

من ضـــله بيستخبى

ويدب بـ إيـــــده دبــة

فـ عينيه الخوف يدب

من غير مـ الناس تقوله

يقزقز من سكـــــــــات

ويــرمي القشر كــــــله

فـ وش الذكـــــــريات

يستسلم باختيـــــــــاره

ويهرب من نهــــــــاره

الليل ياخد بتــــــــــاره

مـ الجاي ومـ اللي فــات

------------------------------

كلمات والحان : انطونيوس نبيل

توزيع : سامو

جيتار: باسم سعيد

قانون: عمرو الصواف

ناي: محمد عاطف

طبلة: ماجد الصواف

Shankur ميكس وماستر:

Shankur شكرخاص للفنان

Doddzشكرخاص للفنان

لقاء اذاعى فى برنامج حكاية نغم - وحديث عن اغنيه عدت سنين

يتحدث الفنان المصري جوني عن السبب الذي جعله يعيد تقديم أغنية "عدت سنين" 9 سنوات بعد صدورها، ويتوقف عند التعديلات التي أدخلها عليها تماشيا مع نضجه الفني وتغيُّر وجهة نظره

صدرت أغنية "عدت سنين" سنة 2010 وها هي تعود وتصدر في 2019 لغرض ما في نفس مؤديها جوني.

ظل هذا الأخير طيلة السنوات الماضية يطل على الجمهور بأعمال جديدة تسير في نفس خط الالتزام بنصوص عميقة وحاملة لرسالة ومعنى، لكن هاجس أغنية "عدت سنين" رفض أن يفارقه وانتهى به الأمر إلى الخضوع للفكرة.

أعاد جوني الانكباب على الأغنية والعمل عليها بشكل مختلف وتوجّه موسيقي جديد، وسجّلها مع الفنانة بسمة فرح وأعاد طرحها قناعة منه بأنها لم تجد حظّها في المرة الأولى، ولم تبُح بعد بكل أسرارها.

تحمل أغنية "عدت سنين" مكانة خاصة في نفس مؤديها جوني وذلك لتعبيرها عن مشاعر حقيقية صادقة وجد صداها في القصيد الشهير "أنابيل لي" Annabel lee للشاعر الأمريكي إيدغار آلان بو Edgar Allan Poe الذي نظمه سنة 1849 أي أشهرا قليلة قبل أن يغادر الحياة ونُشر بعد رحيله.

Facebook : https://www.facebook.com/JohnnyEgyptianSinger/

Twitter : https://twitter.com/Johnnysinger81

Instagram : https://www.instagram.com/johnnysinger81/

Google + : https://plus.google.com/u/1/+johnnyG1981

Facebook : https://www.facebook.com/JohnnyEgyptianSinger/

Twitter : https://twitter.com/Johnnysinger81

Instagram : https://www.instagram.com/johnnysinger81/

(فجأة انتشر في الأرض جوع

فجأة الجيوش اتكتِّلت

فجاة البشر لبسوا الدروع

فجأة الوشوش اتبدِّلت

سال القمر دم ودموع

فوق الجبال اتزلزلت

فجأة الغُنا أصبح نحيب

فجأة الشجر أصبح رماح

فجأة الغوايش فـ اللهيب

صارت معادن للسلاح

والحضن أصبح شيء مُريب

والقتل أصبح شيء مباح)

فارس ماليش غير النجوم خوذة

صورتِك مدينة فـ حُضنها بارتاح

ماملكش سيف السيف مالوش عوزة

طول ما الحروب دايرة ما بين أشباح

أنا حلمي سيفي لكني خايف أمسكُه

خايف أثور ونا شايلُه فـ دروب الحياة

مالقاش قصادي حدّ ممكن أهلكُه

مالقاش قصادي غير فضا فـ كل إتجاه

مالقاش مع السيف العجوز

غيري أنا

يمكن يومين شهرين يجوز

يمكن سنة

وأكيد فـ قلبي هـ أرشقُه

قلبي اللي قال عنِّك وطن

قلبي اللي رافض

حدّ غيرِك يعشقُه

(وقبل ما السيف الحزين

ريح السنين تستهلكُه

هـ نشوف صوابعُه العطشانين

على كفّ سيفُه اتشبكوا

يا فراشة نايمة ع الجبين

وجناحها مغسول بالدموع

هـ تقومي على آخر أنين

والورد سايل م الضلوع)

-----------------

كلمات وألحان: أنطونيوس نبيل

توزيع: وليد ميمني

جيتار: مصطفى أصلان

إيقاع: ماجد الصواف

أكورديون: وائل النجار

كولا: محمد عاطف

ميكس وماستر: ميشيل عبد الملك

تصميم لوجو: نشأت عبد المولى

تصميم كفر: مصطفى عامر

Facebook : https://www.facebook.com/JohnnyEgyptianSinger/

Twitter : https://twitter.com/Johnnysinger81

Instagram : https://www.instagram.com/johnnysinger81/

الفيديو كليب:

https://youtu.be/3BAyOSWdIXA

It was many and many a year ago,

In a kingdom by the sea,

That a maiden there lived whom you may know

With a heart so young and free

And this maiden she lived with no other thought

Than to love and be loved by me.

عدت سنين مقدرتش انساكي

باغرق في بحر العتمة و القاكي

في كل ضحكة واخدها غصب من الحياه

و فـ كل شارع كنت بامشي معاكي فيه

و فـ كل فنجان قهوة باتكلم معاه

عن قلب كان بيدق علشان تسمعيه

***************

قلبي اللي ضمك حتى وانتي بتكسريني

ماقدرش يفهم ليه ببعدك تكسريه

لترﹼجعي لحظة فراقنا و تقتليني

لترجعي و بلمسة واحدة تطمنيه

But our love it was stronger by far than the love

Of those who were older than we—

Of many far wiser than we—

And neither the angels in Heaven above

Nor the demons down under the sea

Can ever dissever my soul from the soul

Of a heart so young and free;

قلبي اللي ضمك حتى وانتي بتكسريني

ماقدرش يفهم ليه ببعدك تكسريه

لترﹼجعي لحظة فراقنا و تقتليني

لترجعي و بلمسة واحدة تطمنيه

------------------------

الجزء العربي: كلمات وألحان: أنطونيوس نبيل

الجزء الأجنبي: كلمات: إدجار آلن بو

ألحان وتصرف: بسمة فرح

توزيع: جون إسطفانوس

جيتار: مصطفى أصلان

بيركشن: ضياء بدر

ميكس وماستر: ميشيل عبد الملك

Facebook : https://www.facebook.com/JohnnyEgyptianSinger/

Twitter : https://twitter.com/Johnnysinger81

Instagram : https://www.instagram.com/johnnysinger81/

الفيديو كليب:

https://youtu.be/BHZqvEsGU1U

يا بت ردي الباب بأقفاله

قالت حبيبي خطر فـ الدرب واقفاله

ده حبيبي زي عيد رمضان

كل الناس واقفاله

وحق النبي اللي الغزالة استجارت بيه

لأزمزم الكاسات وأبات طول الليل واقفاله

------------

عنبي يا عنبي يا خولي العنب

حلقي يا راجل شبك في الجناب

عنبي يا عنبي يا خولي العنب

قلبي يا خولي م القساوة تاب

لو شفت ديا ف لساور ليا

لـ تموت عليا يابن عمدة البلد

لو قلتى رايدة وشوقى جاى بفايدة

لـ تطفى نارى القايدة وأشهّد البلد

.......

عنبي يا عنبي يا خولي العنب

حلقي يا راجل شبك في الجناب

عنبي يا عنبي يا خولي العنب

قلبي يا خولي م القساوة تاب

لو شفت شعري يتدحرج ورا ضهري

لـ تقبض مهري يابن عمدة البلد

لو قلتي عيني لـ أبدرلك سنيني

وارويها بحنيني وأشهّد البلد

.......

عنبي يا عنبي يا خولي العنب

حلقي يا راجل شبك في الجناب

عنبي يا عنبي يا خولي العنب

قلبي يا خولي م القساوة تاب

لو شفت رجلي في الخلخال بتضوي

لـ تجيلي تجري يابن عمدة البلد

لو قلتي جاية وحققتي منايا

لـ أسرح بالرحاية وأشهّد البلد

........

عنبي يا عنبي يا خولي العنب

حلقي يا راجل شبك في الجناب

عنبي يا عنبي يا خولي العنب

قلبي يا خولي استسلم وطب

--------------------------------

غناء المقدمة للفنانة: هدى السنباطي

مهداة إلى روح الدكتور: كمال فرج

كلمات وألحان: تراث قديم

كلمات الرجل: هاني مهران

توزيع: جون إسطفانوس

جيتار: مصطفى أصلان

قانون: ماجد سرور

إيقاع: ماجد الصواف

كولا: محمد عاطف

ربابة: جان بشرى

ميكس وماستر: ميشيل عبد الملك

شكر خاص: د/علاء الكاشف

أ/ يوسف النقيب

الشاعر/ هاني مهران

بتشحتوا

من بعض حلم تحققوه

و تداروا فيه طول انتظاركم للدفا

و بتنحتوا

فـ الصخر تمثال تعبدوه

لكن ايديه زي العيون متكتفا

بتهربوا من جرحكم

مـ اللى يصارحكوا بضعفكم

عايزين كلام حلو و خلاص من غير تمن

مع إنى واحد منكم

ما أقبلش اركع زيكم

بأصرخ فـ وش الدنيا وفـ وش الزمن

ميهمنيش العمر يقصر او يطول

مادام هعيش هعيش وأنا بـ أصرخ وأقول

أنا صوت بيلعن صمتكم

و فـ كل خطوة بتسمعوه

أنا صوت بيجرى فدمكم

ومستحيل هتسكتوه

---------------------------

كلمات: أنطونيوس نبيل

ألحان: بسمة فرح

توزيع: بولس جرجس

جيتار: مصطفى أصلان

شيللو: محمود صالح

ميكس وماستر: ميشيل عبد الملك

الفيديو كليب:

https://www.youtube.com/watch?v=J5pKRezceZk

كل كلمة بتنطقيها

بينسى فيها القلب كبته

كل نجمة بتحضنيها

حلم ف عينيكي ارتكبته

حلم ف عينيكي البريئة

من جيوب الليل سرقنا

نفسه يبقى ف يوم حقيقة

بس خايف من فراقنا

جوة حضنك كنت شايفه

كل ما يبرر آلامه

تلمسي بايدك شفــــايفه

غنوتك تسبق كلامه

غنوة العمر اللي فاته

بكرة لازم يفتكرها

داللي فاضل من حياته

ذكريات خانت مصيرها

-------------------

كلمات والحان : انطونيوس نبيل

توزيع: Doddz

جيتار: شريف سعيد

إيقاعات: ماجد الصواف

أكورديون: وائل النجار

عود: اسلام القصبجي

باص جيتار: سيكاه

ميكس وماستر: Shankur

تم التسجيل باستوديو: Dandon Sound

ذَبْحُ اليَاسَمِين – مهداة إلى روح الشهيدة لينا النابلسي

بَهَرُوا الدُّنيا

ومَا فِي يَدِهِم إلَّا الحِجَارة

وأضاؤوا كالقناديلِ

وجاؤوا كالبِشَارة

قاوموا واستبسَلُوا واستُشْهِدوا

وبَقِينا

قاتلوا عنَّا إلى أنْ قُتِلُوا

وبَقِينا

وبَقِينا

فِي مَقَاهِينَا بَقِينا

ليسَ فِينا

أوْهَى نَبْضٍ مِنْ جَسَارة

وبَقِينا

نَلْبَسُ الوَجهَ الحَزينا

قانعينَ

بالدُّموعِ المُسْتَعَارة

وبَقِينا

نَثغُو بالخُطَبِ اللَّعِينَة

آملينَ

أنْ يَلُوكَ القَلْبُ عَارَه

وبَقِينا

بالقَضيةِ صَارِخينَا

حتَّى صَارَ

الحَلْقُ وَكرًا لِلدَّعَارة

بَهَرُوا الدُّنيا

ومَا فِي يَدِهِم إلَّا الحِجَارة

وأضاؤوا كالقَناديلِ

وجاؤوا كالبِشَارة

قاوموا واستبسَلُوا واستُشْهِدوا

وبَقِينا

قاتلوا عنَّا إلى أنْ قُتِلُوا

وبَقِينا

وبَقِينا

أيُّ وَحْشٍ تَحْتَ بَشرتِنا الثَّخينة؟

جِيفَةٌ

قد عَافَهَا الدُّودُ احتقَارا

وبَقِينا

رَهْنَ لَيلٍ ظَلَّ يَأبى أنْ يَلينا

ورَضِينا

أنْ نَقيءَ العُمْرَ زُورًا واحتضارا

إذ نَسِينا

أنَّ شَرَّ الكُفْرِ ذَبْحُ اليَاسَمينا

كافرينَ

كَمْ سَفَكْنَا العِطرَ فِي مَبغَى التِّجَارة

إذ نَسِينا

أنَّ ربًّا قد تَجَلَّى بوَجهِ لينا

حينَ غنَّتْ

صَلَّتِ الأزهارُ عِشْقًا

والمَلائكُ سَاجِدينا

حينَ أنَّتْ

شُقَّتِ الفِردَوْسُ شَقًّا

صَعَّدَ الكونُ الأنينا

أينَ لينا؟

إنَّا بالأشواكِ تَوَّجْنا النَّهَارا

أينَ لينا؟

قد صَلَبْنَاها ونَصْلُبُها مِرَارا

وبَقِينا

.....................

شكر خاص للدكتورة: مها النابلسي

كلمات وألحان: أنطونيوس نبيل

(بالاستعانة بمقطع من "أطفال الحجارة" للراحل الرائع: نزار قبَّاني)

توزيع: محمد يسري

وتريات: محمد يسري

جيتار: طارق حمودة

قانون: ماجد سرور

ساكس: مصطفى سعيد

فلوت: محمد عبد الرحمن

ميكس وماستر: ميشيل عبد الملك