Jonen lagun "bikingoa" ere etorri zen azkenean. Norvegiarra bikotekidearekin, Ingridekin, etorri zen azkenean. Jon-ek jeloskor ikusi zuenez, datu hori ezkutatu egin zion Joneri bezperan. Solasean ari dira gizakiok ditugun 3 bizitzei buruz: bizitza publikoa, bizitza intimoa eta bizitza sekretua.

Jon eta Joneren arteko harremana goxatzen ari da. Ia egunero elkar ikusten dute aitzakia batekin edo bestearekin. Igerilekuan egiten dute topo, besterik ez bada.Gaur, zinemara elkarrekin joateko proposamena egin dio Jone-k, baina Jon Norvegiako lagun baten zain dago. Neska da.

Ekologiari lotutako proiektu bat hasi dira lantzen Jon eta Jone. Berez ideia Joni bururatu zaio eta ingurumen sailak eskoletarako kanpaina bat egiteko baliatu daitekeela pentsatu du Jone-k. Haurrek beren inguruko zuhaitz, animalia edo arrainak ezagutu ditzaten.Ruper Ordorikaren musikak balio dezake girotzeko: "Zaindu mate duzun hori".

Jon eta Jone igerilekuan daude. Bezperan, mozorrotuta zeudenean musu eman zion Jonek Joni eta edanaren ondorio zuzen izan zela ohartarazi dio.Igeri egiteari utzi dioten tarte batean, Jon-ek igerilekura joaten diren pertsonen izaera bitxiaz ohartarazten du.

Gaua luzatu egin zaio Joneri aspaldiko partez. "Grease"ko bi protagonisten paperetan mozorrotu dira Jon eta biak, Danny eta Sandyren paperean eta gustura pasa dute gaua.Jon-ek etxeraino lagundu dio Joneri gaua amaitu denean.

"Grease" pelikulako bi protagonistaz, Dany Zucko eta Sandyz, mozorrotzea erabaki dute Jon eta Jonek, John Travolta eta Olivia Newton-Johnen rollak betez. Joneri ilusioa piztu dio mozorrotzeko proposamenak. Mozorroak prestatzen ari dira Joneren etxean.

Inauteri garaia da eta Jonek xaxatu egin du Jone mozorrotzera. Plantak egiten ari da Jone, mozorrotzeko gogorik ez balu bezala, baina bitartean Oscar bere senar ohiarekin negoziatu du asteburuan haurra berak zaindu dezan. Igerilekura elkarrekin joan dira gainera.

Jon eta Jone elkarrizketa bizian ari dira teknologiak gure bizitzan duen tarteaz. Behin zerbaitera ohitutakoan, hura gabe ezin bizi! Autoko giltza elektronikoa kasu. Robot xurgagailua da beste adibidea, Jone-k faltan botatzen du , Jon-ek aldiz, badu erabiltzen ez duen bat.

Jon eta Jone sare sozialei buruz eztabaidatzen ari dira, eztabaida lasaian, hori bai! Aitortu diote elkarri, batak bestearen berri izan ez duten urte bitarte hauetan begiratu dutela besteak sare sozialetan argitaratzen zuena. Non zebiltzan eta bereziki norekin... Nola nahi, Jonen iritzirako eskaparatean horrenbeste jarri nahi dutenak gozatzeko besterik ez dira sare sozialak. Joneri, besteren berri jakin eta norberari buruz ezer ez idaztea ez da zilegi, espiarena egitea baizik.

Jone-k kartera galdu du. Ez daki non, bila dabil eta pentsatu du bezperan Jon-ek pakete bat ekartzen lagundu zionez haren autoaren barruan egon litekeela erorita eta deitu egin dio. Bai, hantxe dago eta Jon-ek ekarriko dio.