Jon eta Jone motoei begira ari dira, errepasatzen. Nerabezaroko Mobilettea, Vale-a, Vespinoa... Vespa. Eta gero zilindrada handiko motorrak. Jon-ek izan zuen halakoa ere. Jon eta Jonek, hain zuzen ere, horrelako batean izan zuten istripua orain hamar urte.

Joneri, Jonek hortzak horituta dituela iruditu zaio eta zuritzeko tratamenduak errezak direla esan dio. Jon-ek entzun egin dio, baina ez du dentistagana joan nahi eta internetez eskatu du hortzak zuritzeko tratamendua. Ekialdeko hizkuntzan daude jarraibideak eta marrazki bidez jakin du nola egin tratamendua. Jone-k ez du ulertzen sarean nola eskatu litekeen halakorik.

Jone-k lana eskaini dio Joni. Aurrera atera da eskoletarako ekologia kanpaina eta kanpaina eta irudiak Jon-ek egitea nahi du. Ona da bere lanean eta irudiak hartu, kanpaina osatu eta fakturazioa lehen egitera bultzatu du, administrazioko ordainketak geldoak izaten direlako. Autonomo izatea izango du onena.

Jonek, Oskar, bere senar ohiarekin hitz egin du Nikori buruz. Haurra eskiatzera eraman nahi du asteburuan. Bide batez esaten dio, bezperan mutil batekin ikusi zuela eta ea norbaitekin hasi ote den. Jonek ez du bere intimitateari buruzko galderarik nahi. Jon-ek berriz, orein arraren orroarekin jarraitzen duela esaten dio.

Jon eta Jone ospakizun batera joan dira Joni gonbidapenak eman dizkiotelako. Pub berri bat zabaldu dute eta ginebra etxe batek antolatu du festa. Ez dago Jon eta Jonerentzako moduko girorik. Bien arteko harremana aurrera doa eta Jon-ek mahai gainean jarri ditu kartak. Jone-k du orain hitza.

Jon-ek argazki bat nahi du Jonerekin eta lanerako bidean selfie bat ateratzeko proposamena egin dio. Atera dute argazkia eta Joni garai bateko argazkiak etorri zaizkio gogora. Non ote dira bien argazki albumak?

Jonek ajea du bezperako sagardotegia eta gero. Ajeak, burumakur egotea eragin dio. Izan ere, ohartzen da askotan gogorregi erantzuten diola Joni. Konfidantzaz, baina arrenkuraz ere bai neurri txiki batean. Jon-ek ez du aintzat hartzen esaten diona badakielako kaktus arantza horien atzean zer dagoen.

Joneri bi lagunentzat afaria oparitu diote sagardotegian eta Jon gonbidatu du afaltzera, gehiegi gustatzen ez zaion arren. Txotx asko egin dituzte eta mingaina arin dabilkio Joneri.

Jon-ek irrati nobela bat entzun du Euskadi Irratian. Ane eta Anderren historia biltzen du, egunero, goizeko zortzietako albisteen aurretik. Joni kuriosoa egin zaio, Jon eta Joneren istoria bezalako gidoia duelako. Jon, aurreneko entzunalditik "engantxatzen" hasi da. Joneri berriz txorakeria bat iruditu zaio, nahiago ditu albisteak goizeko ordu horretan. Kanfor usaina dute gainera irratinobelek.

Jon eta Jone elkarrekin joan dira zinemara. Eztabaidan aritu dira pelikula aukeratzeko. Nolanahi, zineman jateko litxarreriak aukeratzeko izan dituzte benetako zailtasunak.