希望大家都一齊收聽收睇呢集之餘亦都留言話俾我哋知你嘅睇法，多謝大家支持！

今年NBA決賽終於塵埃落定。唔知大家覺得好唔好睇呢？兩位主持人首先會喺今集第十二集(佢地講錯咗係做第13集)嘅第一部分同大家回顧，總結一下兩隊係總決賽嘅精彩表現。

少年，你太年輕了！呢句說話大家偶爾都會聽到一啲前輩話後輩不識時務，諗嘢片面嘅時候都會聽到類近嘅說話。

話咁快季後賽第二圈就打完啦。唔知大家嘅心水有冇出局啦定係再進一步呢？不過話時話，計埋剛剛出局嘅波士頓塞爾特人。已經連續七年未有球隊可以衛冕成功。究竟發生咩事呢？我哋一齊喺今集回顧一下波士頓喺第二圈發生啲咩事？而其他球隊第二圈打成點樣呢？兩位主持人亦會同大家分享嚟緊嘅東西決會有啲乜嘢焦點要注意。

經歷過第一輪血拼之後，東西岸嘅四強已經產生咗啦。呢一集兩位主持人就回顧返各隊嘅表現，順便睇吓自己有冇做到燈神。亦都會為大家預估一下東西岸第二輪有咩焦點值得大家留意。

好嘢梗係唔可以俾佢停啦，仲有半集係講兩位主持人對於今屆季後賽首圈嘅睇法，大熱門嘅會唔會大熱倒灶定係繼續無敵？黑馬會唔會可以掀起波瀾？

常規正式結束啦，係時候要同大家一齊埋單計數啦。究竟對於今年嘅獎項，我哋有咩心水？呢一個半集，兩位主持人就會同大家分享一下佢哋嘅心水。有冇啲古靈精怪嘅獎項佢哋想頒發呢？

今集正如之前喺我哋嘅社交平台嘅帖文提及過，我哋一直想觀摩一下外地頂級籃球聯賽，特別係亞洲其他地區。今次我哋嘅特派員員玫瑰粉絲去到東京，觀摩一下近年冒起得相當之快而且整體行銷策略，規劃能力與日俱增嘅日本頂級聯賽BLeague。

就係2月2號朝早，一個震撼全球嘅消息出爐。獨行俠將主將盧卡當錫送去洛杉磯湖人。唔少朋友收到呢個消息嘅時候都應該打咗個突，以為係假消息。過咗一陣，先確認係真嘅。好多人都會問究竟獨行俠嘅管理層點解咁憎Luka？點解呢個時間會交易走呢？ 一石激起千層浪，喺Luka交易之後亦都發生咗唔少震撼嘅交易。正如KD話齋，Luka都可以交易得走嘅話，聯盟任何人都可以交易。

年…又過年….共慶歡樂年年