Jumpball 自由斟-廣東話NBA podcast

好嘢梗係唔可以俾佢停啦，仲有半集係講兩位主持人對於今屆季後賽首圈嘅睇法，大熱門嘅會唔會大熱倒灶定係繼續無敵？黑馬會唔會可以掀起波瀾？

常規正式結束啦，係時候要同大家一齊埋單計數啦。究竟對於今年嘅獎項，我哋有咩心水？呢一個半集，兩位主持人就會同大家分享一下佢哋嘅心水。有冇啲古靈精怪嘅獎項佢哋想頒發呢？

今集正如之前喺我哋嘅社交平台嘅帖文提及過，我哋一直想觀摩一下外地頂級籃球聯賽，特別係亞洲其他地區。今次我哋嘅特派員員玫瑰粉絲去到東京，觀摩一下近年冒起得相當之快而且整體行銷策略，規劃能力與日俱增嘅日本頂級聯賽BLeague。

就係2月2號朝早，一個震撼全球嘅消息出爐。獨行俠將主將盧卡當錫送去洛杉磯湖人。唔少朋友收到呢個消息嘅時候都應該打咗個突，以為係假消息。過咗一陣，先確認係真嘅。好多人都會問究竟獨行俠嘅管理層點解咁憎Luka？點解呢個時間會交易走呢？ 一石激起千層浪，喺Luka交易之後亦都發生咗唔少震撼嘅交易。正如KD話齋，Luka都可以交易得走嘅話，聯盟任何人都可以交易。

年…又過年….共慶歡樂年年

各位朋友，新年快樂，祝大家身體健康，平安順心，波運亨通！

近依幾年有唔少意見話NBA確實冇以前咁好睇，不單止少咗血流成河，成為咗3分大賽。比賽嘅可觀性好似冇以往年代咁好。但無論如何時代嘅巨輪一直向前走，潮流一直在轉變，正所謂變幻原是永恆。究竟喺比賽內容上點樣可以改善得到？綜合網上嘅意見，今集就一齊討論一下！

今集關於開季的那些事顧名思義就係同大家分享一下NBA嘅新球季打左超過八分之一。有冇邊隊令大家喜出望外？有冇邊隊令大家失望至極呢？今集兩位主持人又再不負責任地討論一下開季之後NBA嘅戰局同埋分享一下一啲NBA嘅花邊新聞。

每年休賽季期間NBA都會發一份問卷俾30支球隊嘅管理層，訪問吓佢哋對內季NBA嘅展望。今次節目我哋就扮係管理階層，睇吓我哋兩位主持人嘅睇法同其他NBA管理層對於新賽季嘅睇法係咪接近。

話說網上剛剛流出新一季城市版本波衫，雖然消息未經官方證實但喺網上邊引起唔少網友嘅熱烈討論，有唔少意見都認為比去年負面。講起波衫，唔少球迷都會買返一兩件傍身。今集兩位主持人將會同大家分享一下自己睇波以來印象比較深刻嘅深刻嘅波衫？又有冇啲波衫係睇完之後打個突？今集就同大家分享一下。