Símun Persson Jacobsen er barnvaksin í Havn. Hann hevur altíð gingið í kirkju og á møti.

Unglingaárini fóru við fótbólti og býarlívi. Men brádliga varð hann sannførdur um, at tað, hann altíð hevði trúð á, hevði størri dýbd og týdning, enn hann áður hevði varnast.

Í dag er Símun prestur á Skála.

Ólavur Eysturdal er hevur lisisð guðfrøði á Keypmannahavnar universitetið.

Hann vildi verða prestur, men gongdi at røkka málinum var ikki altíð so løtt, men tað bar á mál.

Hann hevur starvast sum prestur í Danmark og í Havnar kirkju.

Óalvur heldur, at onki er so meiningsfult, sum tað at vera prestur.

Havstein Klein er barnvaksin á Glyvrum. Aftaná lokið studentsprógv fóru hann og konan Beinta til Stavanger at lesa guðfrøði.

Síðani hava tey búð og arbeitt í Tanzania í fimm ár.

Í dag er Havstein prestur í Sandoynni.

Derhard Jógvansson er vaksin upp í kirkjuligum umhvørvi. Og hevur verið aktivur í heimamissiónini.

Við eitt, so kendist trúgv og tað átrúnaðarliga meiri djúpt.

Hann fór fyrst á handilsskúla, men hálsaði um og fór at lesa guðfrøði á Keypmannahavnar universiteti.

Derhard leggur stóran dent á tað kontemplativa og at ganga í einsemi í náttúruni. Hann sigur, at tú hoyrir Guð í tøgnini.

Lívið er sum teir, sum gingu frá Jerusalem til Emmaus og varnaðust, at Jesus gekk teimum undir lið.

Í dag er Derhard prestur í Vesturkirkjuni.

Annika Magnussen er barnvaksin í Tjørnuvík. Hon hevur lisið guðfrøði á Keypmannahavnar universiteti. Hon skrivaði í serritgerðini um "queer hugtakið". Annika heldur, at pláss skal vera fyri øllum menniskjum í kirkjuni.

Í dag er hon prestur í suðri.

Bergur Debes Joensen hevur altíð havt sera stóran áhuga í søgu og fornaldarfrøði.

Men hann valdi guðfrøðina sum sítt lívsyrki. Hann las á Keypmannahavnar universiteti og er í dag prestur í suðurstreymoyar prestagjaldi.

Maria Jørðdal Niclasen er barnvaksin í brøðrasamkomuni Mizpa á Eiði.

Hon fór at lesa guðfrøði á Keypmannahavnar universiteti, men hevur eisini lisið í Boston á lærdum katólskum universiteti.

Maria ætlaði sær avgjørt ikki at verða prestur. Men ein samrøða, hon hoyrdi millum prest og syrgjandi kvinnu, fekk hana at broyta áskoðan.

Í dag er Maria prestur í Kvívík.

Hanus á Gørðum visti longu sum fimm ára gamal at hann vildi verða prestur. Men vegurin til prestastarvið var langur og strævin og ofta var Hanus við at falla í fátt, men seiggið var stórt, so dagurin, tá hann varð prestvígdur var ein sera stórur dagur.

Hann hevur verið prestur í Klaksvík í nógv ár.

Men so kom dreymastarvið og í dag abeiðir hann sum hospitals og fongsulsprestur.

Lis Samuelsen er prestur. Hon hevur lisið á Keypmannahavnar universiteti. Í tólv ár var hon prestur í Sorø klosterkirkju. Eisini hevur hon tikið útbúgving sum herprestur.

Í dag býr hon í Føroyum og vónar at fáa fast starv í Fólkakirkjuni.

Jóannes Purkhús er klaksvíkingur. Hann hevur lisið gudfrøði í Árhus. Hann hevur eisini lisið í universitetinum í Halle. Í dag er hann prestur á Viðareiði og hevur í nøkur ár granskað við univeristetið í Munster. Um ikki so langa tíð, so verður hann doktari í gudfrøði. Evnið, hann skrivar um, er "trælahugtakið hjá Paulusi".