Fólkakirkjan hevur nakrar funtiónsprestar. Ann Hermansdóttir er ein teirra, tí hon er studentaprestur. Hon ferðast runt stóru skúlarnar, prátar við ungfólk, heldur fyrilestur og guðstænastur.

Vegurin hjá Jákupi Erlingssyni Petersen var ikki snórabeinur. Hann royndi ymiskt handaligt, áðrenn hann fór undir gudfrøðislestur. Hann hevur tikið eina BA í Fjellhaug, hevur lisið á DBI og tikið teologiskt embætisprógv í Keypmannahavn. Í dag er hann prestur í Norðurstreymoyar eystara prestagjaldi.

Anne Mette Greve Klemensen er úr Danmark. Hon hevur lisið guðfrøði á Keypmannahavnar universiteti.

Í føroyska kórinum Mpiri møtti hon mann sín, Leif Hansen.

Í dag er Anne Mette prestur í Havn og úti í Nólsoy, har hon býr við síni familju.

Theodor Eli Dam Olsen er barnvaksin í Havn. Hann var vanur at ganga í kirkju og sunnudagsskúla.

Meðan hann gekk á studentaskúla, gjørdi hann av, at fara at lesa guðfrøði, tí hann kendi tað sum eitt kall.

Í dag er hann prestur í Hoyvík og Kaldbak.

Marjun í Kálvalið hevur kent "kallið" gjøgnum allan sín uppvøkstur. Men hennara vegur hevur ikki verið tann snórabeini. Hon varð tíðliga mamma trimum børnum.

Byrjaði guðfrøðislesturin, men gavst og varð socialráðgevi og arbeiddi í nøkur ár.

Men kallið var har, og hon fór so aftur undir at lesa guðfrøði og tað bar á mál. Hon hevur nú í nøkur ár verið prestur í Vágum.

Ovi Brim er toftamaður. Hann er uppvaksin í heimi við kirkjugongd, sunnudagsskúla og støði í Heimamissiónini.

Hann hevur verið prestur í tíggju ár í Nes sóknargjaldi. Á vári 2024 varð hann próstur.

Maria Summers Nolsøe er uppvaksin í fríkirkju í Havn. Hon hevur lisið guðfrøði á universitetinum í Keypmannahavn. Tá skrivaði hon bachelor um " støðuna hjá kvinnum í grikst/rómverska ríkinum í fyrstu og aðru øld".

Hon arbeiddi víðari við hesum í sínum speciali um "lógarbroytingina í 1947, tá kvinnur kundu søkja prestaembætið". Tá var kirkjan í Føroyum donsk, so tað sum kom í gildi í Danmark kom eisini at galda her.

Fyrsti kvinnuligu presturin, Elsa Funding, varð prestvígd í 1977. Men enn hoyrast røddir, sum ikki halda, at kvinnan skal vera prestur.

Tummas Lykke Kannuberg er úr Leirvík. Ein hending á unglingaárum kveikti áhugan fyri guðfrøðini.

Hann var í starvsvenjing hjá Una Næs, prósti.

Seinni fór hann á universitetið í Keypmannahavn og er í dag prestur í Nes prestagjaldi.

Bergtórur Hjelm Bjarkhamar hevur lisið guðfrøðið í Keypmannahavnar universiteti.

Hann skrivaði ritgerð um Bonhoeffer, sum var týskur prestur, sum varð skotin í nazi Týskalandi.

Bergtóri dámar væl at syngja og hevur vakra rødd og hann fekk eisini at vita, at hann skuldi fara at nema sær útbúgving á musikk konservatorium.

Men guðfrøðin dróg og í dag er hann prestur í Hoyvíkar og Kaldbaks kirkjum.

Steintóra Gleðisheygg Joensen hevur lisið guðfrøði í Keypmannahavnar universiteti. Hon skrivaði sína ritgerð "um tað røttu familjuna, við støði í Lukas evangelisti". Í dag er Steintóra prestur í Havnar kirkju.