Karrape Irratia

Hamabostetik behin Leitzako liburuzaina Harkaitz Delgado gurean izaten da, izan ere liburutegiaren ingurukoak eta liburuen ingurukoak aipatzeko saio berezia egiten dugu, gaur ere bisitan izan dugu eta hainbat informazio jaso dugu liburutegiaren inguruan eta bertako jardueren inguruan

Xorroxin irratiko lagunak astero izaten ditugu asteartetan gurean gaur Julen Zelaietak egin digu Baztan, Malerreka eta Bortzirietako kronika, albiste ugari igorri dizkigu baita agenda kontu mordoska ere hona hemen gaurko kronika Xorroxin irratitik Juleneren eskutik

Leitzako Ihoteriak ditugu ate joka. Ilbeltzaren 23an Eskolako lagunek hasi eta ilbeltzaren 27arte izanen dira aurten. Gaur Pesta Batzordeko eta zinegotzi Iñaki Zabalo izan dugu bisitan eta aurtengo ihoterietan izanen denaren berri ekarri digu. Entzun elkarrizketa.

Sagardotegi denboraldia iriki berria da eta Nafarroako sagardotegietara egin dugu. Gaur Aldazko Martintxonea Sagardotegiko Inaxio Begiristainerekin aritu gara hizketan. Tartean aurtengo sagardoaren ingurukoak ere kontatu dizkigu. Entzun elkarriketa honetan.

Erleta Eskolako LH4ko ikasleen bisita izan dugu gaur. Aurtengo Ihoterien inguruko saioa prestatu dute azken asteetan eta gaur gurean eskeini digute. Talde ederra eta lan bikaina egin dutena LH4ko ikasleek. Entzun gaur guren ihoteriei buruz eskeini diguten saioa.

Ihoteritako Atsauren Sonbreroa nola egin zabaldu du Leitzako Udalak. Pablo Feok egindako lagungarri den eskuorri bat zabaldu du sare sozialen bidez. Guk gaurko saioan Pablo Feorekin egin dugu hitzordua eta sonbreroa nola egiten den irakatsi digu. Entzun elkarrizketa.

Ostiralero Irati irratiko lankidea Eneko Villegas izaten dugu gurean, eskualdeko desberdinetako berriak igortzen dizkigu bertako kronika eginez, bertako informazioa, agenda, deialdiak, gaur ere gurean izan dugu ta hau guzia kontatu digu Irati irratiko lankideak

Haur, Guraso eta Eskolen arteko topaketak aurten Areson ospatuko dira maiatzaren 30ean. Aurten XXV. edizioa izanen da eta urteurren borbila denez logo lehiaketa antolatu dute. Gaur Prebentzio Programako teknikari Oihane Calderon izan dugu gaiaren inguruan aritzeko.

Leitzako ERNAI gazte erakundeko kideak izan ditugu gaurko saioan. Kattalin Lizarraga eta Mikel Portuk urtarrilaren 17ra, larunbaterako zer antolatu duten kontatu digute. Izan ere Ernaik Independetzia Eguna antolatu du hainbat herritan eta tartean Leitzan.

Leitzako Jeiki Abesbatzaren Leitza: Euskal soinu ondarearen ibilbideak proiektuarekin lankidetzan arituko da Nafarroako Kutxa Fundazioa 2026an. 5.000 euroko dirulaguntza lortu du Leitzao abesbatzak. Urteko batzarra ere egin du zuzendaritzak eta zuzendaritza berria ere aurkeztu dute.