Karrape Irratia

Mimukai zentrura egin dugu gaurko saioan. Ikastaro ugari antolatuak dira Mimukai zentruan emanen direnak eta dohan denak. Teknologia, mugikorren inguruko 4 ikastaro emanen dira ekainean zehar eta izen emateko epea bukatzear da. Horrela kontatu digu Elena Irigoien teknikariak.

Aroztegiako 7 auzipetuen aurkako epaiketa ostiralean, maiatzaren 23an bukatu zen, eipaiaren zai gelditu dira auzipetu baztandarrak. Fiskalak akusazioei eutsi die. Gaur auzipetuetako batekin aritu gara hizketan. Entzun Gorka Laurnaga auzipetuak kontatu diguna.

Hamabostetik behin Leitzako liburuzaina Harkaitz Delgado gurean izaten da, izan ere liburutegiaren ingurukoak eta liburuen ingurukoak aipatzeko saio berezia egiten dugu, gaur ere bisitan izan dugu eta hainbat informazio jaso dugu liburutegiaren inguruan eta bertako jardueren inguruan

Xorroxin irratiko lagunak astero izaten ditugu asteartetan gurean gaur Julen Zelaietak egin digu Baztan, Malerreka eta Bortzirietako kronika, albiste ugari igorri dizkigu baita agenda kontu mordoska ere hona hemen gaurko kronika Xorroxin irratitik Juleneren eskutik

Nafarroako parlamentura egin dugu gaurko saioan. Hilabetean behin han izaten gara Mikel Zabaleta parlamentariarekin. Eguneroko hainbat gai izaten ditugu hizpikde Milekin. Gaur hizketarako gai zenbait ere izan ditugu. Entzun elkarrizketa honetan eman digun informazioa

Eguraldiaren berri jaso dugu egunero bezelaxe gurean, Karrape irratian. Datozen ordu eta egunetako iragarpena egiten digu astean zehar egunero Joxe Landa Itziarko gainetik eta gaurkoan ere horrela egin digu. Entzun datozen orduetarako zein iragarpen egin duen

Erleta Eskolako 4. A mailako ikasleen bisita izan dugu gaurkoan. Hainbat astetan gaur eskeini diguten saioa prestatzen aritu dira. Saio ederra eskeini digute. Irratigintza lantzen aritu ondoren, hemen entzunen duzue bukaerako emaitza. Ederra benetan. Entzun saioa.

Erleta eskolara egin dugu gaurko saioan. Hamabostero Erleta eskolako zuzendaritza taldeko kideren batekin aritzen gara hizketan Erleta eskolaren inguruan. Informazio ugari jasotzen dugu eta bide batez, Erleta eskola herritarrengana hurbiltzen saiatzen gara.

Berrobiko Txalo Talo antzerki konpainiak Kutxidazu Bidea Ixabel antzezlana taularatuko du maiatzaren 24ean Leitzako Herri Aretoan. Arratsaldeko 19.00etan izanen da emanaldia eta sarrera dohan. Gaur konpainiako kide eta aktore Ana Goñirekin aritu gara hizketan .

Leitzako Aurrerako pilota eskolako Joseba Sagastibeltza izan dugu gurean , azken asteburuan izan diren partiduen berri eman digu eta baita datozen egunetan izanen diren hainbat partiduren berri ere, txapelketa zenbaitetan ari dira gure inguruko pilotariak