Sa ating panibagong serye ay bibigyang tinig natin ang mga kwento ng isa sa dalawang biyaya ng Diyos sa ating mga tahanan, na kadalasan ay hindi napapahalagahan, maliban sa ilang okasyong inaalala sila. Ito ay kwento ng isang nanay, na dahil sa mataas na kalooban ng Panginoon ay minabuti niyang paraanin sa ibayong hirap, upang magbigay liwanag hindi lamang sa tahanan, kundi pati sa lipunang nalulunod sa kawalan ng pag-asa.

May tagtuyot na nararanasan ang Iglesia ngayon bunga ng modernization at influence ng banyagang Kristiyanismo. Ang tagtuyot na ito ay kawalan ng discernment o ang kakayanang makita ang kaibahan ng tama, sa halos tama. Hango mula sa sulat ni A.W. Tozer, at sinalinan ng sariling unawa at pagpapaalala ng Verse Ministries, upang pagibayuhin natin ang pagbabantay sa pananampalatayang minsan pang ibinigay sa mga pinabanal ng Ama kay Kristo,

Pinapaalala sa atin ng Diyos, na ang ating tugon sa mga kahirapang dinadanas natin, ay ang paglalabas lamang ng kung ano ang nakatago na sa ating loob. Ang sanhi ng ating paghihirap, ay ang paglakad natin ng hiwalay sa Diyos. Sa episode na ito ng ating podcast, pakinggan natin ang maikling bahagi ng isang sermon sa aklat ni Job.

Sa episode na ito ng ating podcast, pakinggan natin ang maikling bahagi ng isang sermon sa aklat ni Job, kung saan pinapaalala sa atin ng Diyos, na ang ating tugon sa mga kahirapang dinadanas natin, ay ang paglalabas lamang ng kung ano ang nakatago na sa ating loob. Ang sanhi ng ating paghihirap, ay ang paglakad natin ng hiwalay sa Diyos.

Isang buong araw naglakbay ang mga magulang ni Hesus pauwi bago nila napansin na wala na pala ang kanilang anak. Isang maikling paalala upang manumbalik at sariwain natin ang ating unang pag-ibig.

Likas sa tao ang humanap ng hustisya o pananagutan sa tuwing magagawan tayo ng kamalian. At ang sigaw na ito sa ating pagkatao ay nagmula sa may akda ng hustisya at katapatan, ang Diyos. Sa ikatlo at huling usapang ito ng ating serye tatalakayin natin ang tamang tugon para sa ilan lamang sa napakaraming masasaklap na trahedyang dumadapo sa tao, at ang nararapat na pananaw sa hustisyang nauukol dito.

Alam natin na ang pinakamahalagang foundation ng society ay ang pamilya, kaya't maaari nating sabihin na ang dahilan sa pagbagsak ng moralidad ng lipunan ay ang pagkasira ng pamilya. At ang pinakaugat ng pagkasira nito ay ang kawalan o maling pananaw ng pagpasok ng lalaki at babae sa sagrado at pang habang-buhay na sumpaan ng kasal. Samahan ninyo kami habang aming pag-uusapan sa ikalawang episode ng serye na ito ang mga nagiging sanhi ng trahedya ng paghihiwalay ng mag-asawa.

May mga taong dumaan sa kabigatan na higit pa sa mararanasan ng karamihan, ngunit lahat tayo ay nakaranas na o dumadanas ng trahedya sa ating mga buhay. May mga sumasakay na lang at minamanhid ang sarili sa mga pangyayari, at may mga hindi na rin muling nakakabangon at nananatiling bagsak o nakatali. Meron din namang mga muling bumabangon dahil sila'y may kaya sa buhay o maraming suporta, ngunit may mga hindi natitinag sa pagkakatayo at lumalakad sa tagumpay na hindi dala ng lakas loob o tiwala sa sarili, kundi dala ng kapangyarihan ng Diyos na may akda, at may hawak ng lahat ng nangyayari sa buhay. Samahan niyo kaming pagusapan ang kaibahan ng mga taong nagtatayo ng bahay sa buhangin, at ng mga taong nagtatayo ng bahay sa bato.