សារព័ត៌មាន Reuters បាន​ឲ្យ​ដឹងថា របាយការណ៍​ថ្មី​របស់​អង្គការ​សហប្រជាជាតិ​ព្រមាន​ថា​កិច្ច​ខិតខំប្រឹងប្រែង​លើ​ពិភពលោក​ប្រឆាំង​នឹង​ពលកម្មកុមារ​បាន​ធ្លាក់ចុះ​ជា​លើក​ដំបូង ចាប់​តាំង​ពី​ឆ្នាំ​ ២០១៦។ វិបត្តិ​កូវីដ១៩ ទំនង​ជា​នឹង​ជំរុញ​កុមារ​រាប់​លាន​នាក់​បន្ថែម​ទៀត ឱ្យ​ធ្លាក់​ខ្លួន​ក្នុង​ពលកម្ម​កុមារ លើក​លែង​តែ​មាន​វិធានការ​កាត់​បន្ថយ​ជា​បន្ទាន់។ លោក ចាប ចិត្រា នៃ VOA ជូន សេចក្តី រាយការណ៍​ពី​រដ្ឋធានី​វ៉ាស៊ីនតោន។

កាល​ពី​ថ្ងៃ​ទី​២ ខែ​មិថុនា អាជ្ញាធរ​រាជធានី​ភ្នំពេញ ​បាន​ចេញ​បញ្ជា​ឲ្យ​«រុះរើ​ឬ​ចល័ត បែ​ចិញ្ចឹម​ត្រី ផ្ទះ​បណ្ដែត​ទឹក ផ្ទះ​ទូក​តូច​ៗ​និង​សំណង់​មិន​រៀប​រយ» នៅ​លើ​ផ្ទៃ​និង​ច្រាំង​ទន្លេ​សាប ទន្លេ​មេគង្គ និង​ទន្លេ​បាសាក់ ក្នុង​ដែន​ដី​ទីក្រុង​មួយ​នេះ ឱ្យ​បាន​មុន​ ថ្ងៃទី០៩​ ខែ​មិថុនា ​ក្នុង​មូល​ហេតុ​រក្សាសណ្ដាប់​ធ្នាប់​និង​បរិស្ថាន។ សម្រាប់​ប្រជានេសាទ​មួយ​ចំនួន ដែល​ខ្លះ​បាន​រស់នៅ​និង​ប្រកប​របប​ចិញ្ចឹម​ជីវិត​តាម​ផ្ទះ​បណ្តែត​ទឹក និង​ទូក​នេសាទ​ពី ២០ឆ្នាំ ទៅ ៣០​ឆ្នាំ​មក​នេះ ​អនាគត​របស់​ពួកគេ​មិន​មាន​ភាព​ប្រាកដ​ប្រជា​នោះ​ទេ។ ដូច​អ្នកស្រី ម៉ាន នាង ប្រជានេសាទ​ខ្មែរ​ឥស្លាម បាន​លើកឡើង៖ «គេ​មាន​ផ្ទះ​សម្បែង​អ្នក​ធំ​អ្នកតូច​អត់អី​ទេ។ ខ្ញុំ​អ្នក​ទូក​ អ្នក​កម្សត់ នៅលើទូក​ហ្នឹង​អណ្តែត​ដូចចក​តាម​ទឹក​ហ្នឹង ខ្យល់​បក់ទៅណា​ទៅហ្នឹង​ហើយ»៕

អស់រយៈពេល ១៤ ឆ្នាំ​មកហើយ ក្រុមរបាំ​បុរាណ​ខ្មែរ​មួយ​ក្រុម​នៅ​ភាគ​ខាង​ជើង​ប្រទេស​កម្ពុជា បាន​ធ្វើឲ្យ​ខ្លួនឯង​មាន​លក្ខណៈ​ប្លែក​ពីគេ ដោយ​ប្រកាន់​ខ្ជាប់​នូវ​ទម្លាប់​បួងសួង​និង​សមាធិ​ប្រចាំ​ថ្ងៃ។ ប៉ុន្តែ​ផល​ប៉ះពាល់​នៃ​ជំងឺ​កូវីដ១៩ អាច​ផ្តាច់​ជីវភាព​រស់នៅ​និង​អត្តសញ្ញាណ​សក្ដិសិទ្ធ​របស់​ក្រុម​របាំ​មួយ​នេះ។ លោក ចាប ចិត្រា នៃ VOA រាយការណ៍​ពី​រដ្ឋធានី​វ៉ាស៊ីនតោន៕

ត្រី​ផ្តល់​នូវ​ជាតិ​ប្រូតេអ៊ីន​ប្រមាណ​ជាង ​៧៥%​ នៃប្រូតេអ៊ីន​ដែល​បាន​មក​ពី​សាច់​សត្វ​នៅ​ក្នុង​អាហារ ដែល​ត្រូវ​បាន​ចាំ​បាច់​ដើម្បី​ទ្រទ្រង់​សុខភាព​រាយកាយ​និង​ខួរក្បាល​របស់​មនុស្ស។ ក្រៅ​ពី​នេះ វិស័យ​ជលផល ឬ​ការ​នេសាទ​ត្រី ក៏​រួម​ចំណែក​ដ៏​សំខា​ន់​ក្នុងការ​លើកកម្ពស់​កម្រិត​ជីវភាព​រស់នៅ​របស់​ប្រជាជន​កម្ពុជា​នៅ​តាម​ជនបទ និង​រួម​ចំណែក​ដល់​ការ​ទប់ស្កាត់​ការ​ខ្វះ​អាហារូបត្ថម្ភ​និង​កង្វះ​សន្តិសុខ​ស្បៀង​ ដែល​ជា​បញ្ហា​ប្រឈម​ដ៏​ធ្ងន់ធ្ងរ​មួយ​ក្នុង​ពិភពលោក។ ប៉ុន្តែ​គម្រោង​អភិវឌ្ឍ​ហេដ្ឋារចនា​សម្ព័ន្ធ​នានា​នៅ​លើ​ផ្ទៃ​និង​តាម​ដង​ទន្លេ​មេគង្គ និងទន្លេសាប​នៅក្នុង​ប្រទេស​កម្ពុជា សកម្មភាព​នេសាទ​ហួស​កម្រិត​និង​ខុស​ច្បាប់ និង​ការ​ប្រែប្រួល​អាកាសធាតុ កំពុង​គំរាម​កំហែង​ដល់​ទិន្នផល​ត្រី​ ដែល​ជា​ប្រភព​របប​អាហារ​ប្រចាំ​ថ្ងៃ​ដ៏​សំខាន់របស់​ប្រជាជន​កម្ពុជា។ កញ្ញា កាន់ វិច្ឆិកា ​រាយ​ការណ៍​លម្អិត​ឲ្យ​វីអូអេ​ ពីរាជធានី​ភ្នំពេញ៕

លោកស្រី មូរ សុខហួរ អនុ​ប្រធាន​គណបក្ស​សង្គ្រោះជាតិ ស្នើ​ឲ្យ​មេដឹកនាំ​អាស៊ាន​ជួបប្រជុំ​ពិភាក្សា​គ្នា​ដើម្បី​ស្វែងរក​ដំណោះ​ស្រាយ​រួម​លើ​បញ្ហា​ពលករ​ចំណាក​ស្រុក ដែល​កំពុង​ប្រឈម​នឹង​ការលំបាក​ក្នុង​ការងារ និង​ជីវភាព។ ការឆ្លង​វីរុស​កូរ៉ូណា​នៅ​តែ​ជា​ក្តី​បារម្ភ​ក្នុង​តំបន់​អាស៊ាន ដោយសារតែ​ការឆ្លង​កើនឡើង​ជាច្រើន ហើយ​វា​បាន​បង្ហាញ​នូវ​វិសមភាព​ក្នុង​ចំណោម​ពលករ​ចំណាក​ស្រុក​នៅ​ប្រទេស​នានា​នៃ​សមាជិក​សមាគម​តំបន់​នេះ៕

រយៈពេល​១​ខែ​ក្រោយ​ពី​ថ្នាក់​ដឹកនាំ​នៃ​បណ្តា​ប្រទេស​សមាជិក​អាស៊ាន​សម្រេច​បាន​ចំណុច​សំខាន់ៗ​ចំនួន​៥​ដើម្បី​ដោះស្រាយ​ទំនាស់​នៅ​ប្រទេស​មីយ៉ាន់ម៉ា​គឺ​គ្មាន​ចំណុច​ណា​មួយ​ត្រូវ​បាន​យក​មក​អនុវត្ត​នៅ​ឡើយ​ទេ។ វិបត្តិ​ដែល​កើត​ឡើង​ក្រោយ​រដ្ឋប្រហារ​នៅ​ដើម​ខែ​កុម្ភៈ​បន្ត​អូសបន្លាយ​និង​កាន់​តែ​អាក្រក់។ នេះ​បើ​តាម​ការ​លើក​ឡើង​របស់​អ្នក​វិភាគ៕

សេចក្តីក្លាហានរបស់លោក ឆឺយ ឧត្តមរស្មី បន្តកេរតំណែលឪពុកលោកគឺលោក ឈុត វុទ្ធី ក្នុងការការពារព្រៃឈើ និងបរិស្ថាននៅប្រទេសកម្ពុជាត្រូវបានទទួលស្គាល់ ដោយសាលាក្រុងឡូវែល ព្រឹទ្ធសភានិងរដ្ឋសភារដ្ឋម៉ាស្សាឈូសេត និងសមាជិករដ្ឋសភាសហរដ្ឋអាមេរិកម្នាក់។ លោក ពិន ស៊ីសុវណ្ណ រាយការណ៍លម្អិតពីទីក្រុង Lowell រដ្ឋ Massachusetts៕

អ្នកតស៊ូមតិដើម្បីតម្លាភាពនៅកម្ពុជាលើកឡើងថាអំឡុងពេលកម្ពុជាកំពុងដំណើរការចាក់វ៉ាក់សាំងបង្ការជំងឺកូវីដ១៩ ពលរដ្ឋក្នុងក្រុមអាទិភាពនិងអ្នកដែលមានហានិភ័យខ្ពស់ក្នុងការឆ្លងជំងឺកូវីដ១៩ គួរទទួលបានវ៉ាក់សាំងមុនគេ។ ចំណែកពលរដ្ឋក្នុងក្រុមដែលមិនសូវមានហានិភ័យនៃការឆ្លង គួររង់ចាំ សិនរហូតដល់ពេលដែលកម្ពុជា មានវ៉ាក់សាំងចាក់គ្រប់គ្រាន់។ លោក សាយ មុន្នី នៃវីអូអេ បានសម្ភាសន៍លោក ប៉ិច ពិសី នាយកប្រតិបត្តិនៃអង្គការតម្លាភាពកម្ពុជា នៅក្នុងកម្មវិធី Hello VOA កាលពីថ្ងៃព្រសហ្បតិ៍ ទី១៣ ខែឧសភា ឆ្នាំ២០២១៕

អ្នកតស៊ូមតិដើម្បីសេរីភាពសារព័ត៌មាននៅកម្ពុជាលើកឡើងថា ទោះបីជាការផ្តោតទៅលើមហោស្រពភាពយន្តស្តីពីសេរីភាពសារព័ត៌មាននៅតែជាបញ្ហាប្រឈមនៅកម្ពុជាក៏ដោយ ក៏ការចូលរួមរបស់អ្នកសារព័ត៌មានកាន់តែសកម្មថែមទៀត នឹងជួយជំរុញឲ្យសេរីភាពសារព័ត៌មានក្នុងប្រទេសកាន់តែល្អប្រសើរជាងពេលបច្ចុប្បន្ន។ លោក សាយ មុន្នី នៃវីអូអេ បានសម្ភាសន៍លោក ណុប វី នាយកប្រតិបត្តិនៃសមាគមសម្ព័ន្ធអ្នកសារព័ត៌មានកម្ពុជា នៅក្នុងកម្មវិធី Hello VOA កាលពីថ្ងៃច័ន្ទ ទី ១០ ខែឧសភាឆ្នាំ២០២១៕

រាជធានី​ភ្នំពេញ​នៅ​ថ្ងៃ​ពុធ​ ទី២៨ ខែ​មេសា​កំពុង​ត្រៀម​ពន្យារ​ពេល​រាំងខ្ទប់​មួយ​សប្តាហ៍​ទៀត​ក្នុង​គោល​បំណង​ទប់ស្កាត់​ការឆ្លងជំងឺកូវីដ១៩។​ ទីភ្នាក់ងារ​ព៍ត៌មាន​ Reuters  រាយការណ៍​អំពី​រឿង​នេះ​ពី​រាជធានី​ភ្នំពេញ។ លោក​ពិន ស៊ីសុវណ្ណ​ជូន​សេចក្ដីប្រែសម្រួល។