នៅខួបលើកទី៦នៃការសោយទិវង្គតរបស់ព្រះបាទនរោត្តម សីហនុ វីអូអេផ្នែកខេមរភាសាបានជួបសម្ភាសលោកអ៊ីវ ឌុយម៉ុង អតីតស្វាមីព្រះអង្គម្ចាស់ក្សត្រី នរោត្តម វិជ្ជរ៉ា ដែលជាព្រះអនុជនៃព្រះបាទសីហនុ អំពីកិច្ចការខ្លះរបស់ព្រះអង្គដែលលោកឌុយម៉ុងបានចំណាយពេលជាមួយនិងរក្សាចងចាំទុក។

សូមលោកអ្នកទស្សនាបទសម្ភាសន៍រវាងលោកម៉ែន គឹមសេង អ្នករាយការណ៍ព័ត៌មាន VOA ជាមួយនឹងលោកអ៊ីវ ឌុយម៉ុងដែលបានធ្វើឡើងនៅគេហដ្ឋានរបស់លោកក្នុងទីក្រុងប៉ារីសប្រទេសបារាំង៕

នៅ​ពេល​លោក​នាយក​រដ្ឋ​មន្ត្រី​ ​ហ៊ុន សែន​ ​នៃ​ប្រទេស​កម្ពុជា​បាន​អញ្ជើញ​មក​ដល់​បុរីញូវ​យ៉ក​ ​ដើម្បី​ត្រៀម​ថ្លែង​សុន្ទរកថា​ ​នៅក្នុងកិច្ចប្រជុំមហា​សន្និបាត​ ​អង្គការ​សហ​ប្រជាជាតិ​ ​(អ.ស.ប)​ ​លើក​ទី៧៣​ ​ក្រោយ​ពេល​រាជ​រដ្ឋា​ភិបាល​ថ្មី​ប្រទេស​កម្ពុជា​កើត​ឡើង​នោះ មាន​តំណាង​ពល​រដ្ឋ​ខ្មែរ​អាមេរិ​កាំង​ជា​ច្រើន​មក​ពី​តាម​បណ្តា​រដ្ឋ​នា​នា​ ​និង​រួមទាំង​ខ្មែរ​ ​កាណាដា​ផង​ ​បាន​មក​ទទួល​ស្វាគមន៍​នៅ​ឯ​សណ្ឋាគារ​ ដែល​មេដឹកនាំ​កម្ពុជា​កំពុង​ស្នាក់​នៅ។

ព័ត៌មានលម្អិតដោយលោកសុខ ខេមរា លោក​ប៉ូច រាសី និងលោកពិន ស៊ីសុវណ្ណ

ក្រុម​តំណាង​ពលរដ្ឋ​ជាច្រើន​មក​ពី​បណ្តា​រដ្ឋ​នានា​ក្នុង​ប្រទេស អាមេរិក​និង កាណាដា​ផងដែរ បាន​ចូលរួម​ស្វាគមន៍ លោក​នាយក​រដ្ឋមន្ត្រី ហ៊ុន សែន នៅ​ទីក្រុង​ញូវយ៉ក កាលពី​ថ្ងៃព្រហស្បតិ៍​មុន​ពេល​លោក ថ្លែងសុន្ទរកថា​ក្នុង​មហាសន្និបាត​អ.ស.ប នៅ​ថ្ងៃ សុក្រ​ទី២៨ ខែកញ្ញា ឆ្នាំ២០១៨។ ពលរដ្ឋ​ទាំងនោះ​ចាត់ទុកថា វត្តមាន​របស់ ប្រមុខ​ដឹកនាំ​កម្ពុជា​នៅក្នុង​វេទិកា​ពិភពលោក​នៅ​អ.ស.ប​នេះ គឺ​ជា​កិត្តិយស និង​មោទនាភាព​ជាតិ។ លោក សុខ ខេមរា លោក ប៉ូរាសី និង លោក ពិន ស៊ីសុវណ្ណ នៃ VOA កំពុង​ស្ថិត​នៅក្នុង​បុរី​ញូវយ៉ក​ដើម្បី ផ្តិត​យក​ព័ត៌មាន អំពី​កិច្ចប្រជុំ​មហា​សន្និបាត​អ.ស.ប​លើក​ទី៧៣៕

លោក​នាយក​រដ្ឋមន្រ្តី ហ៊ុន សែន នៃ​ប្រទេស​កម្ពុជា បាន​ថ្លែង​សុន្ទរកថា ទៅ​កាន់​មហា​សន្និបាត​អង្គការ​សហ​ប្រជាជាតិ​លើក​ទី៧៣ ក្នុង​ទីក្រុង​ញូវយ៉ក សហរដ្ឋអាមេរិក កាលពី​ថ្ងៃទី២៨ ខែកញ្ញា ឆ្នាំ២០១៨៕

លោក ទន់ សុវណ្ណ ត្រូវបានព្រះសង្ឃ និងពុទ្ធសាសនិក ចាត់ទុកជា «ព្រឹទ្ធបណ្ឌិត» និង «អ្នកមានគុណ» ដោយសារលោកបានចូលរួមយ៉ាងសកម្មបំផុត ក្នុងការកសាងវត្ត លើកកម្ពស់ព្រះពុទ្ធសាសនា និងដឹកនាំសហគមន៍ខ្មែរ នៅតំបន់រដ្ឋធានីវ៉ាស៊ីនតោនក្នុងរយៈពេលជិត៤០ឆ្នាំកន្លងមកនេះ។ កាលពីថ្ងៃអាទិត្យកន្លងទៅនេះ លោកត្រូវបានតែងតាំងជាប្រធានកិត្តិយសនៃពុទ្ធិកសមាគមខ្មែរប្រចាំវត្តពុទ្ធិការាម បន្ទាប់ពីលោកបានចូលនិវត្តន៍។ អ្នកនាង ទែន សុខស្រីនិត និងលោក ចាប ចិត្រា រាយការណ៍ពីទីក្រុង Silver Spring រដ្ឋម៉ារីឡែន៕

កាលពី​ខែ​កញ្ញា ឆ្នាំ​២០១៥ លោក​នាយក​រដ្ឋមន្ត្រី ហ៊ុន សែន បាន​ផ្ដល់​បទ​សម្ភាសន៍​ដ៏​កម្រ​មួយ​ដល់​ផលិតករ​ភាពយន្តអាមេរិកាំង គឺ​លោក Robert H. Lieberman ដែល​បាន​ផលិត​រឿង Angkor Awakens។ បទសម្ភាសន៍​នេះ បាន​ធ្វើ​ឡើង​ក្នុង​ទីក្រុង​ញូវយ៉ក សហរដ្ឋ​អាមេរិក នៅ​ពេល​ដែល​លោក ហ៊ុន សែន បាន​ចូលរួម​កិច្ចប្រជុំ​ថ្នាក់​កំពូល​មួយ​ចំនួន​នៅ​ឯ​អង្គការ​សហ​ប្រជាជាតិ។ VOA ទទួល​បាន​សិទ្ធិ​ពី​ផលិតករ​ភាពយន្ត​រូប​នេះ​ ក្នុង​ការ​ផ្សាយ​បទសម្ភាសន៍​នេះ​ទាំងស្រុង​ជា​លើក​ដំបូង។ VOA បាន​បែងចែក​បទ​សម្ភាសន៍​ដែល​មាន​រយៈពេល​ជិត​២ម៉ោងនេះ ជាបី​ភាគ។ ក្នុង​ភាគ​ទី​១​នៃ​បទសម្ភាសន៍​នេះ លោក ហ៊ុន សែន បាន​ប្រាប់​ផលិតករ​ភាពយន្ត​ អំពី​ជីវប្រវត្តិ​របស់​លោក មូលហេតុ​ដែល​ធ្វើ​ឱ្យ​លោក​ក្លាយ​ជា​អ្នក​នយោបាយ និង​របៀប​ដែល​លោក​បាន​ចូល​ប្រឡូក​ក្នុង​ចលនា​ខ្មែរ​ក្រហម​រហូត​ដល់​ធ្វើ​ឱ្យ​លោក​ពិការ​ភ្នែក​ម្ខាង​ ព្រមទាំង​អំពី​ឥទ្ធិពល​នៃ​របប​ខ្មែរ​ក្រហម​មក​លើ​ប្រជាជន​កម្ពុជា៕

កាលពី​ខែ​កញ្ញា ឆ្នាំ​២០១៥ លោក​នាយក​រដ្ឋមន្ត្រី ហ៊ុន សែន បាន​ផ្ដល់​បទ​សម្ភាសន៍​ដ៏​កម្រ​មួយ​ដល់​ផលិតករ​ភាពយន្តអាមេរិកាំង គឺ​លោក Robert H. Lieberman ដែល​បាន​ផលិត​រឿង Angkor Awakens។ បទសម្ភាសន៍​នេះ បាន​ធ្វើ​ឡើង​ក្នុង​ទីក្រុង​ញូវយ៉ក សហរដ្ឋ​អាមេរិក នៅ​ពេល​ដែល​លោក ហ៊ុន សែន បាន​ចូលរួម​កិច្ចប្រជុំ​ថ្នាក់​កំពូល​មួយ​ចំនួន​នៅ​ឯ​អង្គការ​សហ​ប្រជាជាតិ។ VOA ទទួល​បាន​សិទ្ធិ​ពី​ផលិតករ​ភាពយន្ត​រូប​នេះ​ ក្នុង​ការ​ផ្សាយ​បទសម្ភាសន៍​នេះ​ទាំងស្រុង​ជា​លើក​ដំបូង។ VOA បាន​បែងចែក​បទ​សម្ភាសន៍​ដែល​មាន​រយៈពេល​ជិត​២ម៉ោងនេះ ជាបី​ភាគ។ ក្នុង​ភាគ​ទី​ពីរ​នៃ​បទសម្ភាសន៍​នេះ លោក ហ៊ុន សែន បាន​ប្រាប់​ផលិតករ​ភាពយន្ត​ អំពី​របៀប​ដែល​លោក​បាន​ផ្ដាច់​ខ្លួន​ពី​ក្រុម​ខ្មែរក្រហម​ អំពី​ទស្សនៈ​របស់​លោក​ផ្ទាល់​ទៅ​លើ​ដំណើរការនៃ​សាលាក្ដី​ខ្មែរ​ក្រហម អំពី​បុគ្គល​ដែល​លោក​នាយក​រដ្ឋមន្ត្រី​គោរព​ក្នុង​អាជីព​ជា​អ្នក​នយោបាយ អំពី​ការឆ្លើយតប​របស់​លោក​ទៅ​នឹង​ការ​បង្ក្រាប​បាតុកម្ម​ប្រឆាំង​នឹង​រូប​លោក និង​អំពី​គម្រោង​របស់​រដ្ឋាភិបាល​ក្នុង​ការ​បង្កើត​ច្បាប់​គ្រប់គ្រង​អ៊ីនធឺណិត​ផង​ដែរ៕

កាលពី​ខែ​កញ្ញា ឆ្នាំ​២០១៥ លោក​នាយក​រដ្ឋមន្ត្រី ហ៊ុន សែន បាន​ផ្ដល់​បទ​សម្ភាសន៍​ដ៏​កម្រ​មួយ​ដល់​ផលិតករ​ភាពយន្តអាមេរិកាំង គឺ​លោក Robert H. Lieberman ដែល​បាន​ផលិត​រឿង Angkor Awakens។ បទសម្ភាសន៍​នេះ បាន​ធ្វើ​ឡើង​ក្នុង​ទីក្រុង​ញូវយ៉ក សហរដ្ឋ​អាមេរិក នៅ​ពេល​ដែល​លោក ហ៊ុន សែន បាន​ចូលរួម​កិច្ចប្រជុំ​ថ្នាក់​កំពូល​មួយ​ចំនួន​នៅ​ឯ​អង្គការ​សហ​ប្រជាជាតិ។ VOA ទទួល​បាន​សិទ្ធិ​ពី​ផលិតករ​ភាពយន្ត​រូប​នេះ​ ក្នុង​ការ​ផ្សាយ​បទសម្ភាសន៍​នេះ​ទាំងស្រុង​ជា​លើក​ដំបូង។ VOA បាន​បែងចែក​បទ​សម្ភាសន៍​ដែល​មាន​រយៈពេល​ជិត​២ម៉ោងនេះ ជាបី​ភាគ។ ក្នុង​ភាគ​ទី​បី​នៃ​បទសម្ភាសន៍​នេះ លោក ហ៊ុន សែន បាន​ប្រាប់​ផលិតករ​ភាពយន្ត​ អំពី​សមិទ្ធផល​ធំធេង​និង​ការ​សោកស្ដាយ​ខ្លាំង​បំផុត​របស់​លោក​ក្នុង​រយៈពេល​ដែល​លោក​ធ្វើ​ជា​នាយក​រដ្ឋមន្ត្រី​ជាង​៣០​ឆ្នាំ​កន្លង​មក​នេះ និង​អំពី​ទស្សនវិស័យ​របស់​លោក​សម្រាប់​កម្ពុជា ក្នុង​ពេល​៣០​ឆ្នាំ​ខាង​មុខ​ទៀត។ ក្នុង​ភាគ​បញ្ចប់​នេះ លោក ហ៊ុន សែន​ ក៏​បាន​ឆ្លើយតប​ទៅ​នឹង​ការ​ចោទប្រកាន់​មួយ​ចំនួន​ អំពី​ការ​គ្រប់គ្រង​ចំណូល​ពី​ប្រាសាទ​អង្គរវត្ត គម្រោង​សាងសង់​ទំនប់​វារីអគ្គិសនី​លើ​ដង​ទន្លេ​មេគង្គ​ក្នុង​ប្រទេស​ឡាវ​និង​កម្ពុជា ព្រម​ទាំង​បញ្ហា​បំណុល​របស់​កម្ពុជា ដែល​ជំពាក់​សហរដ្ឋ​អាមេរិក និង​គោលនយោបាយ​ការបរទេស​របស់​កម្ពុជា ក៏​ដូចជា​គោលជំហរ​របស់​លោក​ចំពោះ​ឥទ្ធិពល​បរទេស​ដូច​ជា​សហរដ្ឋ​អាមេរិក​និង​ប្រទេស​ចិន មក​លើ​កម្ពុជា​ផង​ដែរ៕

លោក ចន ម៉ាក់ខេន​សមាជិក​ព្រឹទ្ធសភា​អាមេរិកាំង​ដ៏​មាន​ឥទ្ធិពល​ម្នាក់ ទទួល​បាន​ការគោរព​ពី​អ្នក​នយោបាយ​ខ្មែរ​មួយ​ចំនួន និង​សហគមន៍​ខ្មែរ​អាមេរិកាំង ដោយសារតែ​បាន​ធ្វើ​កិច្ចការ​ជាច្រើន ដើម្បី​ជំរុញ​ឱ្យ​មាន​ការគោរព​សិទ្ធិ​មនុស្ស និង​លទ្ធិ​ប្រជាធិបតេយ្យ​នៅ​ប្រទេស​កម្ពុជា នៅមុន​ពេល​លោក​ទទួល​មរណភាព​កាលពី​ថ្ងៃ​ទី​២៥​ខែ​សីហា ឆ្នាំ២០១៨ កន្លង​ទៅ​នេះ។ លោក សម រង្ស៊ី សហ​ស្ថាបនិក​គណបក្ស​សង្គ្រោះ​ជាតិ និង​ជា​ប្រធាន​ចលនា​សង្គ្រោះជាតិ បាន​រំឭក​ដល់​ស្នាដៃ​របស់​លោក ម៉ាក់ ខេន នៅ​ក្នុង​បទសម្ភាស​ពិសេស​ជាមួយ​នឹង​លោក ម៉ែន គឹមសេង​នៃ VOA៕

ក្រុម​តំណាង​រាស្ត្រ​ចំនួន​ ​១២៥​រូប​ ​រួម​មាន​មន្ត្រី​សំខាន់ៗ​របស់​បក្សកាន់​អំណាច​ ​ដែល​បាន​ជាប់ឆ្នោត​បាន​ចូល​រួម​ ​ក្នុង​ប្រជុំ​ជា​លើក​ដំបូង​របស់​រដ្ឋសភា​ខ្មែរ​នៅព្រឹក​ថ្ងៃ​ពុធ​នេះ​ ​បើ​ទោះ​ជា​រង​ការ​រិះគន់​ពី​បស្ចឹម​ប្រទេស​និង​មិនមាន​ការ​ចូលរួម​ពី​អង្គទូត​នា​នា​របស់​ប្រទេស​ទាំង​នោះ។​ ​ថ្លែង​ទៅ​កាន់​ ​សមាជិក​រដ្ឋសភា​ថ្មី​ទាំង​ ​១២៥​រូប​ ​ដោយ​មាន​ការ​ផ្សាយផ្ទាល់​តាម​ទូរទស្សន៍​ក្នុង​ស្រុក​ និង​បណ្តាញ​សង្គម​ ​ព្រះ​មហាក្ស​ត្រ​ខ្មែរ​ ​ព្រះបាទ​ ​នរោត្តម សីហមុនី​ ​បាន​ក្រើន​រំឮកពី​ការបញ្ចប់​នៃ​ការ​បែកបាក់​ជាតិ​ ​និង​ការ​អភិវឌ្ឍជាតិ​ក្នុង​រយៈ​ពេល​ជាង​២៥ឆ្នាំ​ចុង​ក្រោយ។​ ​ព្រះ​មហាក្សត្រ​ខ្មែរ​ក៍​បាន​ជំរុញ​ឱ្យ​រដ្ឋ​សភា​អាណត្តិទី៦​ ​ធានា​ឱ្យ​បាននូវ​«ការ​អនុវត្តន៍ច្បាប់​ដោយ​ស្មើភាព​សម្រាប់​ពល​រដ្ឋ​គ្រប់​រូប​និង​ធានា​ការពារ​លើក​ស្ទួយ​សិទ្ធិ​សេរីភាព​គ្រប់​បែប​យ៉ាង​របស់​ពល​រដ្ឋ»ខ្មែរ៕