Knock Nok?

今集非常輕鬆，我想同大家分享吓最近我最鍾意嘅嘢。包括係journaling,asmr同埋我嘅新指甲。呢三樣嘢我平時都有做開，但係最近我發掘咗新嘅做法，令我重新愛上佢哋。今日
我就同大家仔細講吓呢三樣近期非常得我心嘅嘢！

去我IG DM我啦！：https://www.instagram.com/_nokl/

眨下眼又黎到年尾了，係時候做返'Knock Nok'嘅傳統：年尾目標覆盤！但係今年比起年度目標，我更加重視同埋感受深刻嘅係我今年籌備自己clothing brand嘅經歷。基本上全年無時無刻我都係諗緊呢樣嘢，而面對呢個我咁著緊嘅野，為左可以成為一個更好嘅brand owner,我做左好多好多嘅心理建設，諗左好多野。第一次接觸fashion嘅產品，呢一年我一路不斷自己摸索，不斷學習。而係呢一年不斷比新嘅知識同難關入面，我都跌入左唔少嘅谷底，內耗，冇自信，唔知下一步應該點做，樣樣齊。但有底谷就自然會有反彈，每次嘅經歷過後換黎嘅係全新嘅視覺，更深嘅理解。今日藉住呢個podcast,同大家分享，亦都係比個機會我去反思成為一個clothing brand owner嘅一年。

去我IG DM我啦！：https://www.instagram.com/_nokl/

兩！週！年！快樂！！唔經唔覺 呢個podcast營運到第二年…仲有大家繼續喺度收聽，我仲繼續同大家分享緊我嘅故事，呢種關係我真係好感恩。一件事營運到第二年，熱情不如當初開始嘅澎湃，營運上嘅問題亦都逐漸浮現，今年我意識到如果要繼續做落去嘅話，一定要做出調整。所以我今年做出咗兩個好大嘅改變：調整podcast製作方法，同埋改為月更。呢兩個調整都已經默默地做咗一年，今日係到同大家分享一下做呢兩個調整嘅過程如何？效果如何？嚟到第二年對於做podcast嘅諗法又有冇改變？

去我IG DM我啦！：https://www.instagram.com/_nokl/

成長後去到成年人嘅世界，「做選擇」嘅標準好似變得好唔同。究竟我應該為自己做選擇？定應該融入社會風氣？選擇合群？定應該係20s呢個階段闖盡佢？Life is a series of decisions,但係係呢個階段做自己嘅選擇好似變得更加難，甚至係比生活各種事充斥嘅時候，或者已經默默放棄左做選擇呢個念頭。呢個課題係畢業後呢個階段一直都同我藕斷絲連，但係最近，特別係去完波蘭旅行之後，我似乎有一種新嘅理解，新嘅感覺。可能做選擇唔係要等知道晒啱同錯先做，而係更加需要你係未知入面，提起呢份勇氣，去行第一步，感受做出選擇嘅力量。

去我IG DM我啦！：https://www.instagram.com/_nokl/

波點，泡泡裙，鵝蛋形眼鏡…咁多位fashion mf,你絕對知我講緊啲咩！對上一次錄trend review已經係2023年，唔知大家有冇覺得2024年好似冇咩明顯大單嘅trend?所以今日我集合咗24-25年我覺得成日見到嘅一啲fashion trend,講吓我究竟有冇着過，對佢哋嘅睇法係點，我又鍾唔鍾意呢？

去我IG DM我啦！：https://www.instagram.com/_nokl/

仲記得我上年話要出街戒ig嗎？時間已經過咗八個月了，而我仍然係戒緊。係時候要同大家update一下呢八個月嘅生活究竟係點。同第一個月唔同，呢段時間除咗生活方式，我覺得對我個人嘅思考同價值觀有著更加大嘅影響。慢慢習慣成為一個出街冇ig嘅Gen Z之後，我開始提問：就算喺呢個資訊爆炸，個個都注重網上個人形象嘅時代，生活係咪就一定要係咁嘅模樣？今集同大家update下呢八個月嘅生活，亦都探討吓我對呢條問題嘅諗法。

去我IG DM我啦！：https://www.instagram.com/_nokl/

今日呢個清單，非常認真。今日介紹得嘅都係我整個人生以黎，我覺得買過最好嘅嘢。要入圍呢個清單一啲都唔容易，佢哋必須經得起時間嘅考驗，我到而家都咁鍾意，而且係接近完美冇瑕疵嘅產品。以我對物品嘅挑剔，呢個清單真係極品中嘅極品。建議大家一路聽一路揞住個銀包，如果唔係諗住俾我燒到！

去我IG DM我啦！：https://www.instagram.com/_nokl/

今集，送俾所有為自己目標努力緊嘅人。每當我哋開始一樣新嘅嘢，無論係目標，興趣，定係習慣，喺呢個過程中都總會有一啲意想不到嘅難處，同我哋想像有出入嘅嘢，令到我哋好想放棄。但慢慢我發覺，其實每一個過程入邊都有著一啲似曾相識嘅陷阱，重複嘅難處，我開始見到一個pattern係入面。今集我將經歷一個過程中可能會出錯嘅位置，一啲我希望當初人哋會話我知嘅trap，整理出嚟，同大家逐一分享。

去我IG DM我啦！：https://www.instagram.com/_nokl/

呢半年以黎我聽得最多嘅問題係：其實你最近做緊啲乜？畢業後呢半年，作為一個有清楚目標嘅人，我以為自己可以避開畢業，新環境，成長所帶黎嘅煩腦，但最後呢種不安感仍然狠狠地打中我。畢業後我決定直接去嘗試實踐自己嘅夢想-做一個時裝品牌。但啱啱離開學校環境嘅我，面對住呢個咁龐大，又唔熟悉嘅目標，伴隨嘅係一種新嘅壓力同考驗。半年後，經過不斷嘅消化同試驗，我終於可以答倒大家：其實陳諾最緊係做緊乜。

去我IG DM我啦！：https://www.instagram.com/_nokl/

要找數了！Knock Nok 每年年尾嘅小傳統，就係要係到同大家揭曉我呢一年黎嘅年度目標係乜野，同埋究竟進行成點？今年除左因為呢個目標令我有好多啟發同得著之餘，亦都係我個人心態轉變非常大嘅一年。究竟我2024嘅年度目標，有冇實踐到呢？

去我IG DM我啦！：https://www.instagram.com/_nokl/