Kompas

Athina Jansen praat met Chante Adams van die Onafhanklike Verkiesingskommissie oor die deelname aan die demokrasie tydens die plaaslike regeringsverkiesing.

Ons gesels oor hoe jy jou uitrusting van 0 tot ‘n 100 kan vat met net ‘n paar basiese bykomstighede. Lavern Maarman,'n grafiese ontwerper, deel modewenke en vertel meer oor haar loopbaan. En modekenner Grant Dyers gee raad oor stilering.

Athina Jansen praat met Elisna Kelly, 'n opvoedkundige spesialis oor hoe leerders kan voorberei vir die eindeksamen, en hoe hulle vraestelle kan interpreteer en beantwoord.

Athina Jansen gesels met Durane Plaatjies en Melissa Devries oor die toneelstuk, Groeipyne. Sy praat ook met Adinda Vermaak oor die boek, Vrae en Feite vir Feitevrate.

Francois van der Merwe gesels met juffrou Merle Rippenaar van die Hoërskool Bellville, wat vir leerders 'n laaste paar wenke gee oor hoe hulle beter vir hulle eerste vraestel in Engels kan voorberei.

Hoekom is 1 November 2021 is ‘n nasionale vakansiedag? Want die plaaslike regeringsverkiesing vind dan plaas, en jy kry die  kans om jou kruisie te gaan trek. Athina Jansen praat met Ellsforth Booyse van die Onafhanklike Verkiesingskommissie oor wat setels is en die struktuur van munisipaliteite ná die verkiesing. Sy hoor ook by  jongmense wat hulle van verkiesing dink.

Oktober is geestesgesondheid bewusmakingsmaand. Die doel hiervan is nie net om mense oor geestesgesondheid op te voed nie, maar ook om die stigma en diskriminasie daarvan verminder. Ons gesels met 'n derdejaar kunsstudent aan die Universiteit van Wes-Kaapland oor haar geestesgesondheid, en met 'n sielkundige wat praktiese wenke gee.

Athina Jansen praat met Elisna Kelly, 'n opvoedkundige spesialis, oor hoe leerders moet voorberei vir die eindeksamen, en hoe hulle vraestelle kan interpreteer en beantwoord.

Athina Jansen praat met die bekroonde skrywer en digter, Elias P. Nel, oor die skrywerswerkswinkel wat hy op Worcester aangebied het. Van die deelnemers gesels oor hulle ervaring en deel van hulle gedigte.

Met matriekleerders wat binnekort hulle finale praktiese eksamen in inligtingstegnologie moet skryf, gesels Francois van der Merwe met Juffrou Louise Bezuidenhout oor hierdie vak. Sy gee insig in die wêreld van programmering.