Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Menstruasie-armoede bly 'n groot struikelblok vir meisies
    Voormalige Tukwatha-jeugorganisasie-leier Hendrina Kudhingililwa sê menstruasie-armoede bly 'n groot struikelblok vir meisies se onderwys, en waarsku dat skenkingsaksies alleen nie die krisis kan oplos nie. Sy moedig die regering aan om 'n volhoubare nasionale stelsel op te bou, en dat skole gratis sanitêre doekies verskaf net soos openbare klinieke gratis kondome verskaf. Kudhingililwa het met Kosmos 94.1 Nuus gepraat:
    1 min
  • 07:00 Nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    5 min
  • AfriForum sê Mbalula word saam met Malema vervolg
    AfriForum sê die sekretaris-generaal van die ANC, Fikile Mbalula, sal strafregtelik vervolg word oor uitlatings wat hy gemaak het oor 'n beweerde kinderverkragting by die Bergview College in Matatiele in die Oos-Kaap. Die Nasionale Vervolgingsgesag het ingestem om die saak te vervolg. Mbalula sluit dus aan by die EFF-leier, Julius Malema, wat teregstaan op 'n soortgelyke aanklag. Gerrie Nel van AfriForum sê Mbalula se uitlatings het die kollege se skoolhoof, Jaco Pieterse, verkeerdelik betrek en dit skend sy waardigheid:
    1 min
  • Usakos-stadsraad: Eie boorgate sal dorp van water voorsien
    Die Usakos-stadsraad sê sy eie boorgate sal die dorp van water voorsien. Dit kom na NamWater aangekondig het dat hy 'n gefaseerde vermindering van water-toevoer dié week in Usakos sal toepas. Usakos se uitvoerende hoof, Lesley Goreseb, sê NamWater se eis vir 'n voorafbetaling van 30 persent van die bedrag is onmoontlik, en het voorgestel dat die watervoorsiener eerder die 1,6 miljoen Namibiese dollar wat dit die raad in erfbelasting en belasting skuld, verreken. Hy het ook NamWater se foutiewe toerusting blameer vir vorige voorsieningsonderbrekings wat rekeninginvordering benadeel het. Hy het met Kosmos 94.1 Nuus gepraat:
    1 min
  • Wêreldrenosterdag vandag gevier
    Vandag is Wêreldrenosterdag, wat vanjaar gevier word onder die tema "Keep the Five Alive”. Dit fokus op die beskerming van al vyf oorblywende renosterspesies. Daar is net sowat 27 000 tot 28 000 renosters oor in Afrika en Asië. Kosmos 94.1 Nuus het gesels met Professor Morgan Hauptfleisch, direkteur van navorsing by die Namibiese Natuurstigting. Hy sê dat renosters as sleutel- en sambreel-spesies dien en dat hul teenwoordigheid noodsaaklik is om hele natuurlike habitatte gesond en gebalanseerd te hou.
    1 min
  • Stad Kaapstad sê breek-en-gryp-diefstalle duur voort
    Drie minderjariges is in Kaapstad in hegtenis geneem ná 'n breek-en-gryp-diefstal uit 'n voertuig wat die aantal verdagtes wat in sulke sake aangekeer is, op minstens elf oor 'n tydperk van vyf weke te staan bring. Een van die verdagtes is met die slagoffer se selfoon gevind. Die burgemeesterskomiteelid vir Veiligheid en Sekuriteit, JP Smith, sê misdaad op groot hoofweë het egter tussen Augustus verlede jaar en Augustus vanjaar met ongeveer 60-persent afgeneem:
    1 min
  • Napha: Openbare konsultasies met omgewingministerie 'n positiewe stap
    Die Namibiese Professionele Jagtersvereniging sê openbare konsultasies wat met die omgewingministerie gehou is, is 'n positiewe stap vir die opdatering van roofdier-jagregulasies en -tariewe. Napha-president Hannes du Plessis sê die besprekings het jagstandaarde en voorgestelde tariewe vir luiperds, jagluiperds en beide bruin en gevlekte hiënas gedek. Terwyl finale besluite oor nuwe tariewe nog hangende is, het Napha voorgestel dat fooiverhogings aan inflasie gekoppel word. Belanghebbendes en die publiek kan tot 25 September skriftelike terugvoer en ondersteunende argumente by die ministerie indien. Du Plessis het met Kosmos 94.1 Nuus gepraat:
    1 min
  • 06:00 Nuus
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    5 min
  • Dinsdag, 22 September 2026
    In jou finansiële nuus vanoggend: Groenwaterstof, olie, gas en selfs steenkool sou Namibië dit ontdek - niks sal in die land se pad staan om verskillende energiebronne te gebruik om te ontwikkel nie, het president Netumbo Nandi-Ndaitwah in New York gesê. En: Die Bank van Namibië vorder goed met die opbou van goudreserwes danksy Navachab.
    3 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…