Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Grondhervorming 'moet meer deursigtig wees'
    Die IPC doen 'n beroep op groter deursigtigheid en aanspreeklikheid in Namibië se grondhervormingsproses. Die party se skaduminister van landbou en grondhervorming, Michael Mulunga, het kommer uitgespreek oor die aanstelling van die nuwe Raadgewende Kommissie vir Grondhervorming en aangevoer dat die keuringsproses nie voldoende openbare deelname en toesig ingesluit het nie. Hy dring ook aan op strenger monitering van plase wat deur middel van die Fonds vir Grondverkryging en -ontwikkeling verkry is, met die argument dat grondherverdeling verder moet strek as bloot die toewysing van grond en moet fokus op die skep van volhoubare lewensbestaan.
    1 min
  • Jeudiges pleeg meeste moorde in Wes-Kaap
    Die nasionale kommissaris van Korrektiewe Dienste, Makgothi Thobakgala, sê bendes werf jongmense om ernstige misdade, insluitend moord, te pleeg. Hy het voor die Madlanga-kommissie getuig bendes gebruik doelbewus jongmense omdat die strafregstelsel jong oortreders anders hanteer as volwassenes, wat hulle kwesbaar maak vir uitbuiting deur georganiseerde misdaadgroepe. Thobakgala sê bendes het gewoonlik 'n duidelike rangorde en sekere jong oortreders kom uit gesinne met 'n geskiedenis van bende-lidmaatskap:
    1 min
  • Nictus Holdings bring motordienste na Hosea Kutako-lughawe
    Nictus Holdings het sy voetspoor vir motorverwante dienste na die Hosea Kutako Internasionale Lughawe uitgebrei met die opening van 'n gedeelde fasiliteit vir Auas Motors, Glasfit en TrenTyre. Die ontwikkeling bring voertuigverkope en -ondersteuning, motorruitdienste, banddienste en motorverhuringsdienste byeen in een toeganklike gebied by die lughawe. Philippus Tromp, die groep se besturende direkteur het meer.
    1 min
  • SA regering wil steeds met VSA praat: Roelf Meyer
    Suid-Afrika se ambassadeur in Amerika, Roelf Meyer, sê die regering wil dialoog met Washington voortsit, selfs in 'n moeilike diplomatieke tyd. Amerika het nuwe beperkings ingestel op persone wat volgens hom verantwoordelik is vir of medepligtig is aan beleid wat rasgegronde diskriminasie bevorder, dreigende geweld teen rasse- of etniese minderhede aanhits, of onteiening sonder vergoeding bemiddel in Suid-Afrika. Meyer het aan die SABC gesê die versterking van diplomatieke bande is belangrik:
    1 min
  • NamPol-opleiding NQF-5 geakkrediteer
    Ingrypende hervormings word by wetstoepassingsopleiding ingestel, aangesien die Namibiese Kwalifikasie-owerheid die Namibiese polisiemag se Sertifikaat in Polisiewerk amptelik op NQF-vlak 5 geakkrediteer het. Dit bring al vier NamPol-opleidingsinstellings landswyd onder volle akkreditasie. Dit beteken ook dat die duur van die basiese opleiding verdubbel van ses maande tot 'n volle jaar, en dat die kursus van 6 modules tot 11 uitgebrei word. NamPol se waarnemende inspekteur-generaal, generaal-majoor Anne-Marie Nainda, sê hulle mik na akkreditasie van meer kursusse.
    1 min
  • Brittanje se Healey onder druk
    In sy eerste groot ekonomiese toespraak het die skadukanselier, die Tories se Andrew Griffith, kritiek op kanselier John Healey gelewer. Healey sal op 28 Oktober die begroting bekend maak te midde van hoë inflasie en ekonomiese druk. Griffith eis dat die kanselier onderneem om nie belasting in die komende begroting te verhoog nie, en sê Brittanje het 'n ekonomiese revolusie nodig.
    1 min
  • Verbruikersbegrotings gaan onder druk bly
    'n Senior ekonoom van FNB, Siphamandla Mkhwanazi, sê die herverskyning van verhoogde geopolitieke spanning, hoër oliepryse en die moontlikheid van hoër huishoudelike leningskoste dui daarop dat verbruikersbegrotings onder druk gaan bly. Kleinhandelverkope was in Julie positief met 'n toename van 3,4-persent jaar-tot-jaar-groei na 1,1-persent in Junie. Mkhwanazi sê dit veronderstel dat verbruikers se besteding beter hanteer is as wat verwag is, soos reeds gesien in die tweede kwartaal se bruto nasionale produk:
    1 min
  • Nuus om 13:00
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    5 min
  • Suide! Sleep jou sambreel nader!
    Met Namibië se jaarlikse reën-seisoen wat gewoonlik die laaste week van September afskop, lyk dit of daar moontlik nog goeie neerslae oor die Westelike en sentrale dele van die land oor die volgende paar dae verwag kan word. Plaaslike weerkenner George van der Merwe, sê ‘n sterk bo-sikloon sisteem wat onlangs oor Suider-Afrika beweeg het, het vir goeie reëns in die Noord-Kaap en Kharas-streek gesorg. Hy sê as die sisteem aktief bly hou dit goeie nuus in vir boere in die suide, westelike, en sentrale gedeeltes van Namibië:
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…