Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Verbruikersbegrotings gaan onder druk bly
    'n Senior ekonoom van FNB, Siphamandla Mkhwanazi, sê die herverskyning van verhoogde geopolitieke spanning, hoër oliepryse en die moontlikheid van hoër huishoudelike leningskoste dui daarop dat verbruikersbegrotings onder druk gaan bly. Kleinhandelverkope was in Julie positief met 'n toename van 3,4-persent jaar-tot-jaar-groei na 1,1-persent in Junie. Mkhwanazi sê dit veronderstel dat verbruikers se besteding beter hanteer is as wat verwag is, soos reeds gesien in die tweede kwartaal se bruto nasionale produk:
    1 min
  • Nuus om 13:00
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    5 min
  • Suide! Sleep jou sambreel nader!
    Met Namibië se jaarlikse reën-seisoen wat gewoonlik die laaste week van September afskop, lyk dit of daar moontlik nog goeie neerslae oor die Westelike en sentrale dele van die land oor die volgende paar dae verwag kan word. Plaaslike weerkenner George van der Merwe, sê ‘n sterk bo-sikloon sisteem wat onlangs oor Suider-Afrika beweeg het, het vir goeie reëns in die Noord-Kaap en Kharas-streek gesorg. Hy sê as die sisteem aktief bly hou dit goeie nuus in vir boere in die suide, westelike, en sentrale gedeeltes van Namibië:
    1 min
  • DA sê Lesufi misluk om vroue te beskerm
    En ons sluit in Suid-Afrika af: Die DA beskuldig die Gautengse premier Panyaza Lesufi van voortslepende mislukking om inwoners, veral vroue, te beskerm al spog hy met sy tegnologies gevorderde misdaadbekampingstegnieke. Dit volg terwyl die polisie die ontdekking van nege vroue se liggame in Kemptonpark ondersoek. Solly Msimanga van die DA sê die kwessie van veiligheid en misdaad in Gauteng word vererger deur die provinsiale regering se versuim om sy basiese pligte en teikens wat hy vir homself stel, na te kom:
    1 min
  • Namibië oorweeg nuwe heffing vir bek-en-klouseer
    Namibië oorweeg 'n nuwe heffing vir bek-en-klouseer om fondse in te samel ter beskerming van die veebedryf teen die toenemende bedreiging van die siekte. Volgens die Lewendehawe- en Lewendehawe-produkteraad word die voorgestelde tydelike heffing steeds bespreek en kan dit ongeveer 0,76 persent van die waarde van 'n veetransaksie beloop. Die landboukundige Wallie Roux.
    1 min
  • Nuus om 12:00
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    4 min
  • Sankwasa sê munisipaliteite doen net hul werk
    Die minister van stedelike ontwikkeling, James Sankwasa, sê plaaslike munisipaliteite wat informele handelaars uit areas – waar hulle nie mag handeldryf nie – verwyder, doen net hul werk. Hy sê regulering van handelaars help om wanorde te voorkom. Sankwasa het onlangs in die Nasionale Vergadering gepraat en vra dat leiers inwoners met opvoed om munisipale regulasies na te kom, eerder as om hul eie reels te volg as hulle stalletjies oprig.
    1 min
  • Savanna Beef vier sterk eerste bedryfsjaar
    Savanna Beef sê hy fokus op die toekoms en beoog verdere groei en werkskepping ná 'n sterk eerste bedryfsjaar. Tussen Augustus 2025 en 31 Julie 2026 het die maatskappy meer as 12 600 beeste geslag en verwerk en 267,95 miljoen Namibiese dollar aan produsente uitbetaal. Savanna Beef se werksmag het van 126 werknemers aan die einde van Februarie tot 237 teen die einde van Julie gegroei. Uitvoerende hoof, Ian Collard, het aan Kosmos 94.1 Nuus gesê die maatskappy se verbeterde produksievermoë verbeter groei-potensiaal:
    1 min
  • Fidji verklaar MIV-noodtoestand
    Fidji het ‘n noodtoestand verklaar rakende MIV. Gesondheidsbeamptes skat dat ongeveer 1 uit elke 60 volwassenes in Fidji tans met MIV leef, 'n toename vergeleke met 1 uit 165 vyf jaar gelede. Die epidemie het uitgebrei van gekonsentreerde hoërisikogroepe na die algemene bevolking. Voorgeboortelike toetse toon dat ongeveer 1 uit elke 50 swanger vroue wat voorgeboortelike sorg ontvang, positief toets; dit lei daartoe dat daar elke week ongeveer een baba met MIV gebore word. Fidji dien ook toenemend as 'n deurgangspunt vir onwettige dwelms soos metamfetamien en 'n toename in die gebruik hiervan en die wydverspreide deel van naalde, het infeksiekoerse aansienlik versnel. Die senior mediese beampte in die land se gesondheidsministerie dr. Dashika Balak het met CNN gepraat.
    1 min
  • GOOD: Hill-Lewis doen nie genoeg vir bekostigbare behuising nie
    Die GOOD-party sê Kaapstad se burgemeester, Geordin Hill-Lewis, het nie duidelike planne verskaf vir bekostigbare behuising in die Moederstad nie. Die Konstitusionele Hof het die verkoop van die Tafelberg-skool in Seepunt aan ʼn privaat ontwikkelaar onwettig verklaar. Die metro en die Wes-Kaapse regering moet teen die einde van dié maand verslag doen oor bekostigbare behuising en die regstelling van ruimtelike onreg. GOOD se sekretaris-generaal, Brett Herron, sê laekostebehuising moet in goed geleë gebiede verskaf word:
    1 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…