Kosmos 94.1

Kosmos 94.1

By Kosmos 94.1
Download on the App Store

Kosmos 94.1 episodes

  • Trump belowe dividend as Republikeine wen
    Amerikaanse president Donald Trump het 'n lang toespraak by die Republikeine se middeltermyn-konvensie in Dallas, Texas gelewer. Hy het verskeie punte aangeraak en weer sy administrasie se suksesse uitgelig. Trump is onder druk met meningpeilings wat sy goedkeuring in die lae 30's plaas en die land stem vir die Kongres vroeg in November. Hy het 'n belofte gemaak.
    1 min
  • NTB en NamPol loods “Know NTB”-veldtog
    Die Namibiese Toerismeraad het, in samewerking met NamPol en ander vennote, sy “Know NTB”-veldtog begin. Die woordvoerder van die Toerismeraad, Flora Quest, sê na die voldoeningsdatum van 31 Augustus het hulle nou van bewustheid na inspeksies en toepaslike afdwinging oorgeskakel. Sy sê die doel is om te verseker dat toerismebesighede 'n geldige registrasie vir hul bedrywighede handhaaf, heffingsopgawes indien en uitstaande toerismeheffings vereffen.

    Flora Quest Donderdag
    1 min
  • Rehoboth Baster Tradisionele Owerheid verwelkom Naomi Fisch-arrestasie
    Die Kapteinsraad van die Rehoboth Baster Tradisionele Owerheid verwelkom die arrestasie en weiering van borgtog vir die herhaalde dwelmbeskuldigde Naomi Fisch. Die raad waarsku egter dat polisiëring alleen nie die onderliggende jeug-dwelmkrisis kan oplos nie. Die owerheid se Manfred Draghoender het met Kosmos 94.1 Nuus gepraat en sê plaaslike jeug erg bly kwesbaar as gevolg van hoë werkloosheid, gebrek aan werksvooruitsigte, en maklike toegang tot dwelms naby skole en huise:
    1 min
  • 06:00 Bulletin
    'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.
    5 min
  • Ondersoeke na Maltahöhe mikroligte vliegtuigongeluk duur voort
    Ondersoeke duur voort na die mikroligte vliegtuigongeluk wat die lewe van Jan-Hendrik “Johnny” Hanekom op sy plaas, Sandrucken, in die Maltahöhe-distrik geëis het. Die vliegtuig, geïdentifiseer as V5-UCA, het na bewering neergestort terwyl dit voorberei het om te land, nadat ooggetuies gesê het dat die flappe onder sterk winddruk gelyk het of dit vou. Vliegtuigongelukondersoeker in die vervoerministerie, Herman Namene, sê aan Kosmos 94.1 Nuus dat dit nog te vroeg is om die presiese oorsaak van die ongeluk te bepaal.

    Herman Namene Donderdag
    1 min
  • 6 304 GBV gevalle in 2025-'26 aangemeld
    Reaksie word ontvang op die voortgesette hoë vlakke van geslagsgebaseerde geweld in die land, met 6 304 gevalle wat in die 2025-'26 finansiële jaar aangemeld is. Dis is egter net aangemelde gevalle, terwyl die werklike syfers histories heelwat hoër is. 'n Afrobarometer-opname het bevind dat vier uit tien respondente glo dat huishoudelike geweld geregverdig kan word, terwyl 'n kwart sê dat dit as 'n private gesinsaangeleentheid behandel moet word. Civic+264-direkteur Ethne Mudge sê swak rapporteringskanale en mense wat geweld as kinders ervaar het, is van die redes vir lae aanmeldings. Sy het meer.
    1 min
  • Donderdag, 10 September 2026
    Uraan sorg toenemend vir 'n BOEM! in Namibië se uitvoerverdienste. En dit gaan net al meer harde kontant verdien. KosmosKapitaal hoor hoekom by Greg Field, uitvoerende hoof van Deep Yellow van Tumas-faam, wat tans die Wêreldkernsimposium in Londen bywoon.
    4 min
  • SA Verbruikerskommissie herroep 2 582 Isuzu RG19-bakkies
    Oor na Suid-Afrika, en die Nasionale Verbruikerskommissie sê Isuzu Motors Suid-Afrika het 'n veiligheidsterugroep uitgereik vir 2 582 RG19-bakkies wat tussen 11 Mei en 3 Julie vanjaar in die mark beskikbaar gestel is. Volgens Isuzu is daar 'n moontlikheid dat die rempedaal se spilpunt kan loskom. Die kommissie se woordvoerder, Phetho Ntaba, sê van die voertuie is ook uitgevoer na Namibië, Botswana, Malawi, Mosambiek, Zimbabwe, Tanzanië, Eswatini, Uganda en Zambië:
    1 min
  • Meer as 10 000 begunstigdes se toelaes herstel
    Die maatskaplike welsyn-ministerie sê 10 066 begunstigdes se toelaes is tot dusver herstel, na 'n verifikasieproses wat 15 785 ontvangers van ouderdomspensioene en kinderwelsynstoelaes geraak het. Minister Emma Kantema het in die parlement gesê die toelaes is teruggehou oor verouderde identifikasiedokumente en begunstigdes moes hul lewensstatus verifieer. Kantema sê die ministerie werk ook nog om 'n agterstand uit te wis:
    1 min
  • Op'ie Kantlyn, 9 September 2026
    Gedruk vir tyd? Rond en bont die hele dag? Kosmos 94.1 Nuus bring vir jou die dag se sportnuus. Plaaslik. In die streek. Internasionaal. Gratis en in Afrikaans. ‘n Samevatting, in minute. Jy kan nie sê jy het nie geweet nie. Elke weeksaand om sewe.
    3 min

About Kosmos 94.1

From the publisher's feed

Kosmos 94.1 is an Afrikaans Commercial Station in Namibia. The audience profile of Kosmos 94.1: Namibian between 25-59 years old. The whole nation, and those in the higher LSM groups with disposable…