Die Namibiese Internasionale Energiekonferensie het vandag in die hoofstad begin. Dit is een van Namibië se belangrikste jaarlikse energiegeleenthede en is daarop gemik om beleidmakers, bedryfsleiers, beleggers en internasionale vennote bymekaar te bring om besprekings te voer oor die ontwikkelende energielandskap van die land. Die 2026-uitgawe fokus op Namibië se oorgang van energie-eksplorasie na ontwikkeling en produksie. President Netumbo Nandi-Ndaitwah het die 8ste uitgawe vanoggend geopen en melding gemaak van die Midde-Oosterse oorlog.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die griepseisoen is reeds in volle swang, en bvandag gesels Jean-Louis met Anette Rheeder oor beskerming teen griep vir jou en jou gesin.

Hulle fokus op A.Vogel Echinaforce en kyk waarom dit ’n gewilde keuse is vir natuurlike ondersteuning gedurende die griepseisoen.

A.Vogel Echinaforce is beskikbaar in apteke regoor Namibië in tablet- sowel as druppelvorm.

Vir navrae of meer inligting, kontak [email protected]

.

Arbeidsdeskundiges het die regering se planne verwelkom om die mynbousektor te verander van die uitvoer van grondstowwe na 'n waardetoegevoegde model wat op plaaslike verwerking en eienaarskap fokus. Alhoewel mynbou meer as 13 persent tot die BBP bydra, beoog die owerhede om die uitvoer van verwerkte mineraalprodukte van 46,6 persent tot 57 persent teen 2030 te verhoog. Arbeidsdeskundige Herbert Jauch het aan Kosmos 94.1 Nuus gesê die fokus moet wees op belegging in binnelandse verwerking eerder as om mynbou-aktiwiteite uit te brei.

Die Vryheidsfront Plus het aan die minister van Basiese Onderwys, Siviwe Gwarube, geskryf en versoek dat die sperdatum vir openbare deelname oor voorgestelde veranderinge aan die Geskiedeniskurrikulum met 14 dae verleng word. Die departement oorweeg 'n verskuiwing weg van 'n Eurosentriese narratief na 'n meer Afrosentriese benadering, met groter fokus op Afrika-ryke, mondelinge geskiedenis en bevrydingsbewegings. Wynand Boshoff van die VF Plus sê die dokumente waarop kommentaar gevra word, is omvangryk en vereis deeglike ondersoek:

ActionSA vra president Cyril Ramaphosa om die minister van Beplanning, Monitering en Evaluering, Maropene Ramokgopa, onmiddellik af te dank. Dit volg op 'n Daily Maverick-verslag wat beweer dat sy onverklaarde geskenke van drie Chinese sportnutsvoertuie ter waarde van 1,5 miljoen Suid-Afrikaanse rand ontvang het. Dereleen James van ActionSA sê sy sal terselfdertyd 'n strafregtelike klag, 'n klag by die Openbare Beskermer en 'n parlementêre etiekklag teen Ramokgopa indien:

Die Verenigde Nasies se sekretaris-generaal, António Guterres, sê sonder selfbeheersing versprei onbestendigheid, wantroue verdiep en konflikte raak buite beheer. Hy sê dis 'n situasie wat oral van toepassing is, maar tans veral op die konflik in die Midde-Ooste. Die konflik het dood en verwoesting reg oor die streek veroorsaak, terwyl die blokkering van skepe deur die Straat van Hormuz die wêreldekonomie beïnvloed. Guterres sê vredesooreenkomste vereis volgehoue betrokkenheid en politieke wil:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Israel en Libanon het ooreengekom om regstreekse onderhandelinge voort te sit. Die twee lande het Dinsdag hulle eerste diplomatieke gesprekke in meer as drie dekades gevoer na bemiddeling deur Amerika se minister van Buitelandse Sake, Marco Rubio, in ʼn poging om gevegte tussen Israel en die Iran-ondersteunde Hisbolla-groep te beëindig. Meer as 2 000 mense is dood sedert Israel op 2 Maart met militêre optrede in Libanon begin het. Israel se ambassadeur in Amerika, Yechiel Leiter, sê Israel en Libanon is op dieselfde bladsy: