Kosmos 94.1

Die burgemeester van Kaapstad, Geordin Hill-Lewis, het 'n vlaag taxi-verwante skietvoorvalle wat sedert gister in Delft, Khayelitsha, Mfuleni en Gugulethu voorgekom het, veroordeel. Die Metro-polisie en die Suid-Afrikaanse Polisiediens het op verskeie voorvalle gereageer. Die Stad doen ook 'n beroep op enigiemand met inligting oor die skietvoorvalle om dit anoniem aan te meld deur sy 'wenk-vir-beloning'-hulplyn. Hill-Lewis het 'n beroep op leiers in die taxi-bedryf gedoen om te help om 'n einde aan die geweld te maak en kalmte te herstel:

Sakuwa-Neo sê armoede en werkloosheid moet ook aangespreek word, omdat dit volgens haar van die faktore is wat misdaad aandryf.

NamPol se Zambezi-streekbevelvoerder, kommissaris Julia Sakuwa-Neo, sê wetstoepassing alleen kan nie jeugmisdaad in Katima Mulilo stop nie. Met verwysing na ’n toename in bendegeweld en rooftogte in brandpunte soos Choto en Cowboy, sê sy aan Kosmos 94.1 Nuus dat daar nie genoeg personeel is om elke straathoek te patrolleer nie. Sy moedig inwoners aan om by buurtwagte aan te sluit om hul gemeenskappe veiliger te maak.

Kry die nuus soos dit breek.

Die Stad Tshwane sê hy gaan voort met waterbeperkings, Met hoë verbruik wat druk op die stelsel plaas. Hoewel sommige reservoirs 'n effense verbetering getoon het, bly ander steeds laag of leeg. Gebiede soos Ga-Rankuwa, Louwlardia, Winterveld, Mooikloof en Queenswood bly onder druk, terwyl ander gebiede ook moontlik beperkings sal kry, indien inwoners nie hul waterverbruik verminder nie. Selby Bokaba van die stad doen 'n beroep op inwoners om water te spaar ten einde die voorsieningstelsel te help bestendig:

Die Ministerie van Werke en Vervoer en die Namibiese Standaarde-instelling, NSI, het ’n ooreenkoms onderteken om plaaslike vervaardiging te versterk en Namibiese produkte te bevorder. Die samewerking sal plaaslike vervaardigers en klein ondernemings help om produkte te lewer wat aan nasionale en internasionale veiligheids- en gehaltestandaarde voldoen. NSI se uitvoerende hoof, Eino Mvula, sê plaaslike markte moet voorkeur geniet en Namibiese standaarde moet gebruik kan word om produkte se voldoening aan vereistes te beoordeel.

Die Bank van Namibië het Woensdag die repokoers met 25 basispunte tot 7 persent verhoog, die hoogste sedert die begin van 2025. Die skuif beteken die prima-uitleenkoers van plaaslike handelsbanke styg van 10,25 persent tot 10,5 persent. Die besluit is veral slegte nuus vir die land se landbousektor, wat reeds deur 'n bek-en-klouseeruitbreking gekniehalter word, sê Deon Gous, 'n ontleder by Cirrus Capital.

Vir meer oor hierdie en ander sake-nuus stories, besoek die Kosmos Kapitaal Facebook-blad.

Swapo-LP Ephraim Nekongo sê hy steun die voorgestelde begrotingstoewysing van 88,6 miljard Namibiese dollar vir 2026/27, met die fokus op onderwys, gesondheid en werkskepping. Hy sê gesubsidieerde tersiêre onderwys bevoordeel sowat 87 000 studente, terwyl die Nasionale Jeugontwikkelingsfonds van 317 miljoen dollar na verwagting sowat 7 110 werksgeleenthede sal skep. Nekongo sê dié begrotingstoewysings is daarop gemik om Namibiërs te bevoordeel, ondanks kritiek.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die metaalwerkersvakbond NUMSA se hoofsekretaris, Irvin Jim, beweer daar is pogings om die vakbond onbestendig te maak voor sy twaalfde nasionale kongres. NUMSA se sentrale komitee het Jim, president Andrew Chirwa en ander nasionale leiers van hul bevoegdhede ontneem en beskuldig dat hulle versuim het om hul pligte na te kom. Die stap volg op 'n toenemende leierskapsgeskil, wat ook kommer oor finansiële bestuur insluit. Jim het die veldtog teen nasionale ampsdraers veroordeel: