Kosmos 94.1

Die Amerikaanse minister van Buitelandse Sake, Marco Rubio, het bewerings verwerp dat Oekraïners sterf omdat Amerika intelligensie van Kiëf terughou. Die VSA het na bewering 'n groot deel van die intelligensie wat gedeel is, stopgesit, en ook wapens geblokkeer wat ingevolge die Voorkeurlys van Vereistes vir Oekraïne verkoop is. Verlede week het Starshield die spoed van mobiele eenhede beperk. Dit het Kiëf se vermoë ingekort om inkomende hommeltuie af te skiet of hommeltuigaanvalle met 'n medium reikafstand in Russies-besette gebiede te ontplooi. Rubio het die aantygings as "skandalig" bestempel:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Landbouleiers in Suid-Afrika reageer op die moontlikheid dat die land sy voorkeurtoegang tot die Amerikaanse mark ingevolge die AGOA-handelsooreenkoms kan verloor. Die ooreenkoms bied tariefvoordele vir duisende produkte uit kwalifiserende Afrikalande. Dr. Theo de Jager, voorsitter van die Suider-Afrikaanse Agri-inisiatief, het met Kosmos 94.1 Nuus oor die moontlike gevolge vir Suid-Afrikaanse landbou gepraat.

Die Suid-Afrikaanse president, Cyril Ramaphosa, sê die Nasionale Waterkrisis-komitee sal aandag gee aan die waterkrisis in Bronkhorstspruit, Tshwane, waar kraanwater onveilig vir menslike gebruik verklaar is ná ’n uitbreking van maagderm-siektes. Tydens ’n ANC-deur-tot-deur-veldtog in Daveyton, Ekurhuleni, het Ramaphosa om verskoning gevra vir die siektes en beklemtoon dat swak waterbehandeling nie menselewens in gevaar mag stel nie. Hy sê die komitee werk aan oplossings en dat vordering binne dae verwag word.

Die landbouministerie se woordvoerder, Romeo Muyunda, sê bek-en-klouseerbeperkings is ’n bitter pil om te sluk vir kleinskaalse boere wat met voortgesette handelsbeperkings worstel. Muyunda sê die slag van vee op plase vir kommersiële verkoop bly verbode om die verspreiding van die virus te beperk. Hy verseker produsente dat beperkings verslap kan word namate die risikovlakke daal en doen ’n beroep op alle belanghebbendes om die Dieregesondheidswet na te kom om verdere uitbrekings te voorkom.

NASCAM's music licensing fees have sparked frustration among Namibian business owners, with many questioning how tariffs are calculated, why additional licences are required, and where the collected money goes.

Kosmos 94.1's Laimi speaks to Ferdinand Gertze, Acting Chief Executive Officer and Acting Vice Chairperson of the Namibian Society of Composers and Authors of Music (NASCAM), about the legal requirements, royalty distributions to local musicians, and concerns raised by businesses.

The discussion also explores payment arrangements, transparency, and the options available to business owners who wish to dispute their licensing assessments.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Die Suid Afrikaanse Motorbedryf-personeelvereniging sê die Stad Tshwane moet verantwoordelik gehou word nadat 408 mense siek geword het weens maag-derm-infeksies weens besmette drinkwater in Bronkhorstspruit en omliggende gemeenskappe. ’n Gesamentlike ondersoek het bevind die plaaslike watersuiweringsaanleg het vir drie weke water sonder chloor versprei, weens probleme met die stad se chloortoevoer. Phakamile Hlubi-Majola van die vereniging sê die stad het ook versuim om inwoners te waarsku die water is onveilig:

Die Omusati-streeksrampbestuurskomitee het die skoongemaakte brandstroke in die Omutambo-Omawe-weiveld in die Okahao-kiesafdeling geëvalueer. Verwoestende veldbrande het die gebied die afgelope paar jaar geteister, en 112 kilometer se brandstroke is vanjaar reeds skoongemaak. Komiteevoorsitter Daniel Iilende sê onvoldoende befondsing, vinnig hergroeiende weiding en ’n tekort aan arbeiders om groot bome te verwyder, bly van die grootste uitdagings.

'n Namibiese familie wat tans op kontrak in Frankryk werk, sê die onrus in die land het nog nie hul tuisdorp, Montauban, sowat 60 kilometer van Toulouse, bereik nie. Die familie, wat anoniem wil bly, sê hulle is teleurgesteld oor die skade wat tydens die betogings en onluste aan historiese geboue en infrastruktuur aangerig is.